Mavzular

Yangi fatvolar

Maqolalar

Kitoblar

Namoz


Saqlanganlar

Murakkab qidiruv


Loyiha haqida

Fikr bildiring

Bosh sahifa » Odob-axloq va maʼnaviyat » Ayol kishi taksida yurishi halolmi?
Fatvo: 2986

O'qildi: 119

28.10.2026

/ 17 Jumadal-ula 1448

Fatvo mavzusi:

Ayol kishi taksida yurishi halolmi?

Savol

Musulmon kishining taksi haydashi joizmi? Axir u o‘ziga nomahram bo‘lgan yo‘lovchi ayollar bilan juda koʻp hollarda yolg‘iz qoladi-ku?

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

عَنِ ‌ابْنِ عُمَرَ قَالَ: قَالَ رَسُولِ اللَّهِ صَلَّى اللَّهُ عَلَيْهِ وَسَلمَ: «لَا يَخْلُوَنَّ رَجُلٌ بِامْرَأَةٍ إِلَّا كَانَ ثَالِثَهُمَا الشَّيْطَانُ».

Ibn Umar roziyallohu anhumodan rivoyat qilinadi: Rasululloh sollallohu alayhi va sallam: «Hech bir erkak biror ayol bilan yolg‘iz qolmasligi kerak, aks holda ularning uchinchisi shayton bo‘ladi», deganlar» (Termiziy, 2165; Hadis hukmi: «sahih». Manba: «Sahihul Jome’», 2546).

Alloh taolo Yusuf alayhissalom qissasida aytadi:

﴿وَرَاوَدَتْهُ الَّتِي هُوَ فِي بَيْتِهَا عَنْ نَفْسِهِ وَغَلَّقَتِ الْأَبْوَابَ وَقَالَتْ هَيْتَ لَكَ﴾

«U (Yusuf) uyida bo‘lgan ayol (ya’ni, Zulayho, uning husn-u malohatiga oshiqi beqaror bo‘lib) uni yo‘ldan urmoqchi bo‘ldi. Eshiklarni mahkam berkitib «kelaqolgin», dedi…» (Yusuf: 23).

Shunday ekan, erkak kishi begona ayol bilan na uyda, na idorada, na shifokor xonasida, na liftda, na mashinada va na boshqa joylarda xoli qolishi joiz emas. Chunki bu haromga tushishga sabab va vositadir. Shayton bandani haromga tushirishga va haromni unga ziynatlab ko‘rsatishga harisdir. Fuqaholar begona ayol bilan xoli qolish harom ekaniga ittifoq qilganlar va aytganlar: «Erkak kishi o‘z mahrami yoki xotini bo‘lmagan begona ayol bilan yolg‘iz qolmasligi kerak, chunki ular yolg‘iz qolganlarida shayton ularni harom ish qilishga vasvasa qiladi» («Al-Mavsu’a al-Fiqhiyya», 19/267).

«Erkak kishi begona ayol bilan, hatto unga Qur’on o‘rgatayotgan bo‘lsa ham, xoli qolishi joiz emas. Hattoki yolg‘iz holda namozda imomlik qilishi ham joiz emas. Harom bo‘lgan xoli qolishning mezoni shuki, u bilan shunday xoli qoladi-ki, ularning shaxslari odamlardan yashirin bo‘ladi» («Fath al-Boriy», 9/333).

Taksi haydovchisi kimsasiz ko‘cha yoki tezyurar yo‘ldan yurishi mumkin. Bundan tashqari, avtomobil kuzovi yo‘lovchi tanasining katta qismini to‘sib turadi. Shuningdek, nomaqbul suhbatlardan yoki taqiqlangan ish bo‘yicha til biriktirishdan xavfsizlik kafolati ham yo‘q. Begona haydovchi bilan xilvatda qolish oqibatida qanchadan-qancha fojialar, ayanchli holatlar va halokatli gunohlar sodir bo‘lgan. Allohning shariati hikmat va kamolotga toʻladir, bu din yomonlik eshiklarini yopadi hamda haromga eltuvchi yo‘llarni to‘sadi. Shunday ekan, begona erkak va ayolning bir-birlari bilan xilvatda qolishdan butunlay tiyilishi vojib sanaladi. Taksi haydovchisi yolg‘iz ayolni tashimasligi va uni mashinaga o‘tqazishdan o‘zini tiyishi kerak, faqat baxtsiz hodisalarda tez yordam ko‘rsatish va shu kabi o‘ta zarurat holatlari bundan mustasno. Vallohu valiyyut-tavfiq.

Alloh bilguvchiroqdir.

Manba: Shayx Muhammad Solih al-Munajjid

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

0

O’xshash fatvolar

  • Farzand soʻrash duosi

    Men va ayolim farzand ko‘rishga harakat qilyapmiz. Namozda yoki duoda tilovat qilish uchun farzand ko‘rishimizga yordam beradigan Qur’ondagi biror sura haqida ayta olasizmi? Alloh sizni yaxshilik bilan mukofotlasin.
  • Balog‘atga yetgan erkak kishi onasi bilan bir to‘shakda uxlashi joizmi?!

    Men 19 yoshdaman va balogʻat yoshidan oʻtdim. Kechasi onam bilan bir to‘shakda yotishim joizmi?
  • Sichqonni o‘ldirish hukmi va mikki maus shaxsiyatiga sharh

    Sichqonni o‘ldirishning shar’iy hukmi qanday?
  • Aksirganda«alhamdulillah» deyish hikmati

    Nega musulmon kishi aksa urgandan keyin «Alhamdulillah» deydi?
  • Ota-onaning ruxsatisiz uylanish

    Amakimning qizi bilan unashtiruv marosimimiz oʻtkazildi. Marosimda bizga nikoh oʻqildi, lekin to‘yimizni keyinroq o‘tkazishga kelishdik. Soʻng men Amerika Qo‘shma Shtatlariga kelib, ota-onamga aytmasdan boshqa bir muslima qizga uylandim. Turmush qurganimizga to‘rt oy bo‘lganda bu haqda ota-onamga aytdim. Lekin ular xafa bo‘lishdi va xotinimni taloq qilib, amakimning qiziga uylanishimni talab qilishdi. Birozdan keyin esa ular xotinimni taloq qilish-qilmasligimdan qat’i nazar, amakimning qiziga uylanishim shartligini aytishdi. Biroq, men ularning o‘rtasida adolat qila olmasligimni bilaman. Men amakimning qiziga hech teginmaganman, lekin ikkinchi xotinim bilan to‘rt oydan beri yashayapman. Qanday yo‘l tutay? Alloh sizni yaxshilik bilan mukofotlasin.
  • Sevib qolgan yigit nima qilishi kerak?

    Men hozirda Britaniya universitetlaridan birida o‘qiyman va universitetda menga yoqib qolgan bir qiz bor.Men u bilan hech qachon gaplashmaganman. Odatda qizlar bilan gaplashmayman. Biroq, ba’zan salomlashib turamiz.Men Islom shariatiga amal qilgan holda ayollar bilan gaplashmaydigan bo‘lsam, unga qanday qilib turmush qurishni taklif qilishim mumkin? Buning eng yaxshi yo‘li qanday?Borib u bilan gaplashib, shar’iy chegaralardan chiqmagan holda avval tanishib ko‘raymi? Yoki unga to‘g‘ridan to‘g‘ri turmushga chiqishni taklif qilaymi?Agar unga avval tanishmasdan to‘g‘ridan to‘g‘ri turmushga chiqishni taklif qilsam, u meni yaxshi tanimagani uchun va u men mansub bo‘lgan madaniyatdan boshqa madaniyatga mansub bo‘lgani uchun taklifimni darhol rad etishidan qo‘rqaman. Boshqa tomondan, agar u bilan tanishish maqsadida gaplashsam, bu qilmishim Islomga zid bo‘lishidan qo‘rqaman.Men qiyin ahvoldaman, qanday yo‘l tutsam eng to‘g‘ri bo‘ladi?