O'qildi: 252
07.08.2025
/ 13 Safar 1447
Fatvo mavzusi: Haj va umra masalalari » Haj va umradagi xatolar
Savol
Xotinim bilan hajga borib, zavoldan to soat 14:00 gacha Arafotda qoldik. Ammo, xizmatkor ayol bilan qoldirgan kasal qizimizdan xavotirlanib, farz haj qilayotganimizni bilgan holda hajimizni oxiriga yetkazmadik. Endi nima qilamiz?
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Sizlarga hajni oxiriga yetkazish vojib bo‘ladi. Arafotda quyosh botguncha qolmay, erta ketib qolganingiz uchun sizlarga kafforot (qon chiqarish) vojib bo‘ladi. Agar Arafot kechasida Muzdalifada ham tunamagan bo‘lsangiz, ikkinchi kafforot vojib bo‘ladi. Agar Minoda tunamagan bo‘lsangiz, uchinchi kafforot vojib bo‘ladi. Agar tosh otishni tark qilgan bo‘lsangiz, to‘rtinchi kafforot vojib bo‘ladi. Agar vidolashuv tavofini tark qilgan bo‘lsangiz, har biringizga beshinchi kafforot ham vojib bo‘ladi. Shuningdek, agar haj tavofini (ya’ni tavofi ifozani) va sa’yini bajarmagan bo‘lsangiz, hajingiz to‘liq bo‘lmaydi va siz haligacha ehromdan chiqmagan sanalasiz. Hajingizni tavof va sa’y bilan to‘liq bajarmaguncha ayolingizga yaqinlik qilish va ehromda ta’qiqlangan ishlar ikkingizga ham harom bo‘ladi. Sizlar zimmangizdagi ushbu jarimalarni ado etishingiz shart, shundagina sizning va xotiningizning haji to‘liq bo‘ladi.
Alloh bilguvchiroqdir.
Bu javob foydali bo’ldimi?