O'qildi: 748
07.07.2025
/ 12 Muharram 1447
Fatvo mavzusi: Daʼvat » Fiqh » Fiqh asoslari » Roʻza masalalari
Savol
Gʻayridin ayol Ramazon oyining boshlanish vaqti va oʻzining musulmonlarga qo‘shilib ro‘za tutishi hukmi haqida so’ramoqda.
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Muborak Ramazon oyiga bo‘lgan qiziqishingiz, uning boshlanish sanasi haqidagi savolingiz va bu oy kirishini intizorlik bilan kutayotganingiz juda go‘zal holat bo‘lib, bu buyuk islomiy ibodatga bo‘lgan hurmat-e’tiboringizni ko’rsatadi. Bu muborak oyda kunduzlari tong otgandan quyosh botgunga qadar yemoq, ichmoq va jinsiy aloqadan tiyilish lozim.
Vaqt masalasiga kelsak, aziz savolberuvchi, biz musulmonlar ibodatlarimiz vaqtini ochiq kuzatiladigan va ko‘zga ko‘rinadigan dalillarga bog‘liq ekanligini bilsangiz kerak; bu ko‘zga ko‘rinadigan, hisob-kitobga asoslanmagan dalil — hilolni, ya’ni yangi oyning ko‘rinishidir. Agar biz yoki bizning ishonchli kishilarimiz Ramazon hilolini ko‘rsa, butun Islom ummati ro‘za tutishni boshlashi va har kuni ro‘za tutishi farz bo’ladi, to Shavvol oyining — Ramazondan keyingi oyning — hiloli ko’ringuncha, shu bilan Ramazon oyi tugaganini bilamiz.
Hijriy oy ko‘zga ko‘rinadigan dalil — hilolni ko‘rinishiga qarab yigirma to‘qqiz yoki o‘ttiz kun bo‘lishi mumkin.
Lekin shuni unutmang, roʻza tutishga istak bildirgan aziz savolberuvchi, Ramazon oyining ro‘zasi faqat Islomga kirgan va o‘zining avvalgi dinidan voz kechganlar uchungina foyda beradi va Alloh tomonidan qabul qilinadi. Chunki Islom haq dindir. Islomga kirish faqat ikki shahodat kalimasini aytish bilan amalga oshadi:
«Ashhadu alla ilaha illalloh va ashhadu anna Muhammadan Rasululloh»
«Allohdan oʻzga haq iloh yo‘q va Muhammad Allohning elchisi ekanligiga guvohlik beraman», deyish. Kishi Islomga kirgandagina Alloh unga farz qilgan ibodatlar haqiqiy ma’noda qabul bo‘ladi.
Sizni, ey ezgulikni sevuvchi savolberuvchi, Islomga kirishga, dunyo va oxirat saodatiga erishishga da’vat etamiz. Biz sizga baxtli hayot, mustahkam e’tiqod va bu din himoyasida o‘tkazadigan go‘zal umrning xushxabarini beramiz.
Allohdan sizni himoya qilishini va to‘g‘ri yo‘lga boshlashini so‘raymiz.
Bu javob foydali bo’ldimi?