Ramazon oyida boshqa yurtga ko‘chish

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Agar kishi aholisi ro‘za tutayotgan mamlakatga borib qolsa, u ham ular bilan birga ro‘za tutishi lozim. Chunki bunday vaziyatda o‘sha mamlakatga borgan kishining hukmi mamlakat aholisining hukmi bilan bir xil bo‘ladi:

Abu Hurayra roziyallohu anhudan rivoyat qilinadi: «Nabiy sollallohu alayhi vasallam shunday dedilar: «Ro‘za – sizlar ro‘za tutgan kunda, Fitr hayiti – sizlar hayit qilgan kunda, Qurbon hayiti – sizlar qurbonlik qilgan kundadir» (Termiziy, 697; Hadis hukmi: «hasan». Manba: «Irvoul g’alil», 4,13). Bu hadisni Abu Dovud ham ishonchli isnod bilan rivoyat qilgan, shuningdek, boshqa ishonchli rivoyatlar ham mavjud.

Faraz qilaylik, agar kishi oʻzi ro‘za tutishni boshlagan mamlakatdan boshqa mamlakatga ko‘chib o‘tgan bo‘lsa, ro‘zani tugatish yoki davom ettirish hukmi oʻsha ko‘chib borgan mamlakatning hukmi bilan bir xil bo‘ladi. Shuning uchun, garchi u ko‘chib kelgan mamlakatda ro‘zani oldinroq ochishsa ham, u ular bilan birga og‘iz ochishi kerak. Biroq, agar u yigirma to‘qqiz kundan kam ro‘za tutgan bo‘lsa, bir kunni qazo qilib tutishi kerak, chunki Ramazon oyi yigirma to‘qqiz kundan kam bo‘lmaydi (Doimiy qo‘mita fatvolari, 10/124).