Mavzular

Yangi fatvolar

Maqolalar

Kitoblar

Saqlanganlar

Murakkab qidiruv

Loyiha haqida

Fikr bildiring

Bosh sahifa » Fiqh asoslari » Fiqh » Ayollarning namozda oyoqlarini berkitishlari hukmi
0 – 0
Fatvo: 1046

O'qildi: 303

27.07.2025

/ 2 Safar 1447

Fatvo mavzusi: » » »

Ayollarning namozda oyoqlarini berkitishlari hukmi

Savol

Ayollar namoz o‘qiyotganda oyoqlarini yopishi kerakligiga biror dalil bormi?

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Balog‘at yoshiga yetgan ozod ayol namoz o‘qiyotganda yuzi va kaftlaridan tashqari butun badanini yopishi farz hisoblanadi, chunki uning butun badani avratdir. Agar namoz o‘qiyotganda avratining biror joyi, masalan, boldiri, oyog‘i, boshining hammasi yoki bir qismi ochiq qolsa, namozi botil bo‘ladi. Chunki Payg‘ambarimiz shunday deganlar:

عَنْ عَائِشَةَ، عَنِ النَّبِيِّ صَلَّى اللهُ عَلَيْهِ وَسَلَّمَ أَنَّهُ، قَالَ: «لَا يَقْبَلُ اللَّهُ صَلَاةَ حَائِضٍ إِلَّا بِخِمَارٍ»

«Oisha roziyallohu anhodan rivoyat qilinadi: «Nabiy sollallohu alayhi va sallam: «Alloh hayz ko‘radigan ayolning namozini faqat ximor bilan qabul qiladi», deganlar (Abu Dovud, 641; Hadis hukmi: «sahih». Manba: Sahihi Abu Dovud, 641).

Shuningdek, Abu Dovud Ummu Salama roziyallohu anhodan rivoyat qilishicha, u Rasululloh sollallohu alayhi va sallamdan «dir’» (ustki kiyim) va «ximor» (bosh yopinchiq) kiyib, lekin izor (pastki kiyim) kiymasdan namoz o‘qiydigan ayol haqida so‘raganida, u zot: «Ayol avratdir», deb javob berganlar.

Termiziy rivoyat qilgan boshqa hadisda:

عَنْ ‌عَبْدِ اللهِ ؛ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: «الْمَرْأَةُ عَوْرَةٌ،» فَإِذَا خَرَجَتِ اسْتَشْرَفَهَا الشَّيْطَانُ.

Abdulloh ibn Mas’ud roziyallohu anhudan rivoyat qilinadi: Rasululloh sollallohu alayhi va sallam shunday dedilar: «Ayol kishi avratdir» (begonalarga ko‘rinmasligi kerak). Qachonki (u tashqariga) chiqsa, uning sherigi shayton bo‘ladi», – deganlar (Sunani Termiziy, 1173; Hadis hukmi: «sahih». Manba: «Sahihul Jome’», 6690).

Yuz masalasiga kelsak, agar begonalar bo‘lmasa, yuzni faqat namoz paytida ochiq qoldirish sunnatdir.

Jumhur ulamolar nazdida, oyoqlarni yopish vojib; ba’zi ulamolar oyoqlarni ochiq qoldirishga ruxsat bersalar-da, ko‘pchilik olimlar buning aksini aytishgan.

Shuning uchun Abu Dovud Ummu Salama roziyallohu anhodan rivoyat qilishicha, undan ximor va qomiys (roʻmol va ko‘ylak) kiyib namoz o‘qiydigan ayol haqida so‘rashgan. U: «Agar ko‘ylak uning oyoqlarini yopsa, buning hech qanday zarari yo‘q» deb javob bergan. Har qanday holatda ham, ehtiyot chorasini ko‘rib, oyoqlarni yopish afzalroqdir.

Kaftlarga kelsak, ularni ochish masalasi kengroq. Namozda kaftlarni ochsa ham, toʻssa ham zarari yo‘q. Ba’zi ulamolar yopgani afzalroq deb hisoblaydilar.

Tavfiq Allohdandir.

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

1

O’xshash fatvolar

  • «Safarda roʻza tutish yaxshilikdan emas» hadisining maʼnosi

    Paygʻambar sollallohu alayhi va sallamning: «Safarda roʻza tutish yaxshilikdan emas», deganlarini eshitdim. Bu musofirning roʻza tutishi durust emasligini anglatadimi?

  • Yaqinlikdan keyin sochni yuvish shartmi?

    G‘usl durust bo‘lishi uchun er-xotinlik aloqalaridan keyin sochni yuvish shartmi?

  • Ramazonda uylarni bezash va fonuslar osish hukmi

    Bizda Iordaniyada yangi bir odat paydo bo‘ldi va xalq orasida keng tarqaldi. U ham bo‘lsa, muborak Ramazon oyini nishonlash uchun binolarning old tomoniga va balkonlarga butun oy davomida elektr bilan yoritiladigan hilol (yarim oy) va yulduz osishdir. Bu ish joizmi yoki bunda isrof va nasroniylarning dekabr oyida bezatadigan rojdestvo archasiga taqlid qilish bormi? Odamlarning jaholati ularga uzr bo‘ladimi?

  • Taroveh vaqtida ishlash

    Ish vaqtim imom taroveh namozini tugatmasidan oldin boshlanadi. Myen esa ishga borishim kerak. Bu holatda qanday yoʻl tutishim lozim?

  • Harbiy xizmatda roʻzani ochish joizmi?

    Men harbiy sohada xizmat qilaman. Ramazon oyi ham kirib keldi. Sharoitlar roʻza tutishni qiyinlashtirishini hisobga olib, roʻzamni ochishim joizmi?

  • Shak kuni roʻza tutish hukmi

    Shaʼbonning oʻttizinchi kechasi oyni koʻrish uchun chiqdik, lekin havo bulutli boʻlgani uchun koʻra olmadik. Shaʼbonning oʻttizinchi kuni shak kun boʻlgani uchun roʻza tutamizmi?