Ichimlik ichish odobi

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

• Qahva ichish odat bo‘lib, islom qonun-qoidalariga aloqador emas. Hatto qahvani me’yoridan ortiq iste’mol qilish inson salomatligiga zarar yetkazsa, Islom buni man etadi.
• Islomda arab qahvasini ichishning maxsus marosimlari yo‘q va qahva ichish faqat musulmonlarga xos xususiyat emas, uni musulmon ham, g‘ayridin ham ichishi mumkin. Biroq, Islom shariatida umuman ichimlik iste’mol qilish borasida o‘ziga xos odob-axloq qoidalari mavjud. Ulardan ba’zilarini sanab oʻtamiz:

1. O‘ng qo‘l bilan ichish;
2. Ichishni boshlashdan oldin «Bismillah» deyish;
3. Kamida uch qultum yoki undan ko‘proq ichish va butun ichimlikni bir nafasda ichib yubormaslik;
4. Ichib bo‘lgach, Allohga hamd aytish;
5. O‘tirgan holda ichish;
6. Quyib beruvchi eng oxirida ichishi;
7. Ichimlik uzatishda o‘ng tomondan boshlash;
8. Kishi suv idishdan to‘g‘ridan-to‘g‘ri ichmaslik, balki piyola yoki stakanga quyib ichish;
9. Oltin va kumush idishlardan ichmaslik.

Aziz yigitcha, savol maʻlumotlarida o‘zingizni dinsiz deb tanishtirishingiz to‘g‘ri emas. Chunki Payg‘ambarimiz Muhammad sollallohu alayhi va sallam sizni Islom fitratida tug‘ilganingizni xabar berganlar. Bu holat yahudiylik, buddaviylik, nasroniylik yoki majusiylik kabi noto‘g‘ri e’tiqodlar ta’siriga tushmaguncha o‘zgarmaydi. Shunday ekan, o‘zligingiz, aslingizga qayting. Islom haqida o‘rganing va namozni ado eting. Ko‘rinib turibdiki, sizda haqiqatni anglash va uni hayotga tatbiq etish uchun yetarli aql-idrok bor.

Allohdan sizni hidoyat qilishini va qalbingizni Islomga ochishini so‘rayman.

Alloh bilguvchiroqdir.