Mavzular

Yangi fatvolar

Maqolalar

Kitoblar

Namoz

Saqlanganlar

Murakkab qidiruv

Loyiha haqida

Fikr bildiring

Bosh sahifa » Ilm va daʼvat » Daʼvat » Islomni qabul qilmoqchi, lekin sevgilisi va bolalari bor
0 – 0
Fatvo: 749

O'qildi: 382

06.07.2025

/ 11 Muharram 1447

Fatvo mavzusi: » » » »

Islomni qabul qilmoqchi, lekin sevgilisi va bolalari bor

Savol

Men Islomni qabul qilib, uni hayot tarziga aylantirishga qaror qildim. iroq, yaqinda nikohdan o‘tishni rejalashtirayotgan turmush o‘rtog‘im nasroniylikni o‘zi va farzandlarimizning dini sifatida tanlagan. Uning diniga e’tirozim yo‘q, lekin u tez-tez meni o‘zi va bolalar bilan cherkovga borishga undaydi. Men ba’zan muammo chiqarmaslik uchun rozilik beraman. Endi musulmon bo‘lganimdan so‘ng, bu taklifga qanday munosabatda bo‘lishni bilmayman. Vaqti-vaqti bilan u bilan cherkov ibodatlariga borishni davom ettirishim mumkinmi? Bu vaziyatda qanday yo‘l tutishim kerak? Iltimos, oilaviy munosabatlarimizga zarar yetkazmaslik uchun menga maslahat bering.

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Birinchidan: Siz Islomga kirishga shoshilishingiz kerak — bu oson jarayon bo‘lib, saytning «Xizmatlar» bo‘limida, «Islomni qabul qilish» sarlavhasi ostida ma’lumot olishingiz mumkin.

Ikkinchidan, agar ayol Islomga kirsa yoki ahli kitob (nasroniy yoki yahudiy) bo‘lib, harom-xarish aloqalardan Allohga tavba qilsa hamda iffatli, pokdomon bo‘lsa, unga uylanishingiz joiz bo‘ladi.

Uchinchidan, bu ayoldan nikohsiz tug‘ilgan farzandlar sizning farzandlaringiz hisoblanmaydi va sizga nisbat berilmaydi, ular onasiga nisbat beriladi. Biroq, bu sizning ularga mehribon bo‘lishingizga, g‘amxo‘rlik qilishingizga va ta’minlashingizga to‘sqinlik qilmaydi. Kelajakda siz ularni va onalarini Islomga da’vat qilishga harakat qilishingiz kerak.

To‘rtinchidan: Biz sizga cherkovga borishni yoki kufr marosimlarida qatnashishni maslahat bermaymiz, chunki bu ko‘plab salbiy oqibatlarga olib kelishi mumkin. Ammo bu hech qachon sizning musulmon bo‘lishingizga to‘siq bo‘lmasligi kerak. Agar siz bizga: «Yo men musulmon bo‘lib, u bilan birga cherkovga boraman, yoki musulmon bo‘lmayman» desangiz, biz sizga «Hech ikkilanmay musulmon bo‘ling » deymiz. Biroq, biz sizdan Qur’oni Karimdagi ushbu ikki oyatning ma’nosiga chuqur e’tibor berishingizni istardik:

﴿قُلۡ هُوَ ٱللَّهُ أَحَدٌ ۝١ ٱللَّهُ ٱلصَّمَدُ ۝٢ لَمۡ یَلِدۡ وَلَمۡ یُولَدۡ ۝٣ وَلَمۡ یَكُن لَّهُۥ كُفُوًا أَحَدُۢ ۝٤﴾

«(Ey Muhammad alayhis-salot-u vas-salom), ayting: «U — Alloh Birdir. (Ya’ni, Uning hech qanday sherigi yo‘qdir. U yakka-yu yolg‘izdir). Alloh (barcha hojatlar bilan) ko‘zlanguvchidir (ya’ni, barcha hojatlar Undan so‘raladi, ammo U hech kimga muhtoj emasdir). U tug‘magan va tug‘ilmagandir (ya’ni, Allohning o‘g‘il-qizi ham, ota-onasi ham yo‘qdir. U azaliy va abadiy Zotdir). Va hech kim U zotga teng emasdir» (Ixlos: 1-5).

Yana Alloh taolo aytadi:

﴿قُلۡ یَـٰۤأَیُّهَا ٱلۡكَـٰفِرُونَ ۝١ لَاۤ أَعۡبُدُ مَا تَعۡبُدُونَ ۝٢ وَلَاۤ أَنتُمۡ عَـٰبِدُونَ مَاۤ أَعۡبُدُ ۝٣ وَلَاۤ أَنَا۠ عَابِدࣱ مَّا عَبَدتُّمۡ ۝٤ وَلَاۤ أَنتُمۡ عَـٰبِدُونَ مَاۤ أَعۡبُدُ ۝٥ لَكُمۡ دِینُكُمۡ وَلِیَ دِینِ ۝٦﴾

«(Ey Muhammad alayhis-salot-u vas-salom), ayting: «Ey kofirlar! Men sizlar ibodat qilayotgan narsalarga ibodat qilmasman. Va sizlar ham men ibodat qiladigan (Alloh)ga ibodat qilguvchi emasdirsizlar. Men sizlar ibodat qilgan narsaga ibodat qilguvchi emasman. Va sizlar ham men ibodat qiladigan (Alloh)ga ibodat qilguvchi emasdirsizlar. Sizlarning diningiz o‘zlaringiz uchun, mening dinim o‘zim uchundir!» (Kofirun: 1-6).

To‘g‘ri tanlov va to‘g‘ri yo‘lga moyil boʻlgan ey oqil inson, xulosa qilib aytganda Islomni qabul qilishga va unga amal qilishga shoshiling. Alloh azza va jalla barcha to‘siqlarni yengib o‘tishda va barcha qiyinchiliklarni bartaraf etishda Oʻzi sizga yordam beradi.

Alloh sizni hifz-u himoyasida asrasin.

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

0

O’xshash fatvolar

  • Tarmoqli marketing hukmi

    «Tarmoqli marketing» yoxud «Majburiy matritsa tizimi» shunday tizimki, unda bir kishi kompaniyaga 10 dollar to‘laydi. Shundan so‘ng, kompaniya va (tizimda avvaldan tanlangan) yana to‘rt kishining har biriga 2 dollardan o‘tkazib beriladi. Bu bir martalik to‘lov bo‘lib, to‘lovni amalga oshirgan kishi tizimga qo‘shiladigan yangi a’zolar ham shunday qilishini kutadi. Har safar yangi a’zo qo‘shilganda, tizimdagi har bir ishtirokchi 2 dollardan oladi, chunki yangi a’zolar to‘lovni bevosita o‘zidan yuqoridagi to‘rt kishiga to‘laydi. Kompaniya esa har bir a’zodan xizmat haqi sifatida o‘zining 2 dollarini olib qoladi. Ushbu dasturga qo‘shilish halolmi? Alloh sizni yaxshilik bilan mukofotlasin.

  • Piramida marketing sxemalari

    Ilmiy tadqiqotlar va fatvolar bo‘yicha doimiy qo‘mitaga «Biznes» va «Hibatul-Jazira» kabi piramida yoki tarmoqli marketing shirkatlarining faoliyati haqida ko‘plab savollar kelib tushdi. Bu shirkatlar faoliyatining mohiyati quyidagicha: bir kishi mahsulot yoki tovar sotib olishga ko‘ndiriladi, so‘ng u boshqalarni xuddi shunday qilishga undaydi, ular ham o‘z navbatida keyingilarni jalb qiladi va bu zanjir shu tarzda davom etadi. Ishtirokchilar qatlami qancha kengaysa, birinchi ishtirokchi shuncha ko‘p komission haq oladi va bu summa hatto minglab riyollarga yetishi mumkin. Har bir ishtirokchi o‘zidan keyingilarni a’zolar ro‘yxatiga yangi odamlarni jalb qila olsa, katta komission to‘lovlar olishi mumkinligi bilan qiziqtiradi. Aynan mana shu narsa piramida yoki tarmoqli marketing deb ataladi.

  • Namozdagi qunut

    Sizdan namozdagi qunut (ruku’dan keyin qo‘l ko‘tarib duo qilish) haqida so‘ramoqchiman. Bu amal Rasululloh sollallohu alayhi vasallamning sunnatlaridanmi yoki bu ish ularning holati sababli istisno tariqasida bo‘lganmi? Iltimos, menga javob bering, chunki masjidimiz imomi, Rasulullohdan qaysi namoz afzal, deb so‘ralganda, u zot alayhissalotu vassalom: «Qunuti uzunroq bo‘lgan namoz», deb javob berganlar», deb aytdi.

  • Ro‘zador kishi xotinini quchoqlashi joizmi?

    Yaqinda uylandim. Ramazon oyida ro‘za tutgan holda, saharlikdan so‘ng yotaman va ba’zan yonimda xotinim ham bo‘ladi. Uni quchoqlashim ro‘zamga ta’sir qiladimi? Ro‘zador kishi uchun qaysi ishlar joiz, qaysilari harom yoki ro‘zani buzuvchi hisoblanadi? Shu haqda tushuntirish bersangiz.

  • «CadenzaX Music» platformasi orqali pul topish hukmi

    Men sizlardan hozirgi kunda ijtimoiy tarmoqlarda ommalashayotgan «CadenzaX music» nomli platformaga (yoki shunga o‘xshash loyihalarga) qo‘shilish va undan daromad topishning Islomdagi hukmi haqida so‘ramoqchi edim. Bu sahifaning ishlash tizimi va daromad ko‘rish tartibi quyidagicha: 1. Sayt yoki ilova foydalanuvchilarga ma’lum musiqalarni eshitish, layk bosish yoki qandaydir oddiy vazifalarni bajarish evaziga pul to‘lashni va’da qiladi. 2. Ko‘proq pul ishlash uchun foydalanuvchidan dastlab o‘z yonidan pul kiritib, maxsus «VIP» darajalarni sotib olish talab etiladi. 3. Sayt qoidalariga ko‘ra, orqangizdan yangi odamlarni taklif qilsangiz va ular ham pul kiritsa, ularning sarmoyasidan sizga ma’lum foizlarda bonus (daromad) beriladi. Meni shubhalantirgan jihati shundaki, tizimning asosi aslida musiqa eshitish emas, balki tarmoqli marketing va moliyaviy piramidaga o‘xshab ketadi. Chunki tizim asosan yangi qo‘shilganlarning pullari hisobidan eskilariga pul to‘layotgandek ko‘rinadi.

  • Vitr duosi vojibmi va uni yod bilmasa nima deydi?

    Vitrdagi qunut duosi kabi duolarni yod olishga qiynalaman. Shuning uchun bu duoning oʻrniga biror sura oʻqirdim. Bu duoni oʻqishning farz ekanini bilgach, yod olishga harakat qildim va namoz paytida yonimdagi stol ustidan kitobni olib, qiblaga yuzlangan holda oʻqiydigan boʻldim. Shunday qilishim joizmi?