O'qildi: 126
05.07.2025
/ 10 Muharram 1447
Fatvo mavzusi: Allohga iymon keltirish » Daʼvat » Daʼvat vositalari » Daʼvatchining xislatlari » Eʼtiqod masalalari » Kitoblarga iymon keltirish » Tavhid masalalari
Savol
Men Islom diniga juda qiziqaman. Musulmon bo‘lish uchun nima qilishim kerak? Men doimo Islom dini kabi o‘zimni Allohga yaqinroq his qildiradigan din izlaganman. Bu savolni yo‘llash imkoniyatini berganingiz uchun tashakkur.
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Savol beruvchi aziz singlim, sizning Islomga kirish istagingizdan benihoya xursand bo’ldik. Haqiqatan ham bu din bandani tavhid va ibodat orqali Rabbisiga bevosita bog‘laydigan dindir. Bu esa qalbga xotirjamlik va surur baxsh etadi hamda Allohga muhabbat, qo‘rquv, umid va itoatni o‘z ichiga olgan bu noyob munosabat orqali bandaga baxt-saodat keltiradi. Bu ibodatning asl mohiyati bo‘lib, unda qalb amali til amali bilan uyg‘unlashadi. Buni Allohni zikr qilish, shuningdek, namoz, ro‘za, zakot, Qur’on tilovati va boshqa amallar orqali ko‘rish mumkin. Inshaalloh, bularning ta’sirini o‘zingiz his qilasiz. Shubhasiz, siz erishgan bu natija ikki narsaning samarasi: sog‘lom aql va Allohning inoyati.
Islomga kirish masalasiga kelsak, bu juda oson jarayon bo‘lib, u ikki shahodatni talaffuz qilishingiz bilan amalga oshadi:
«Ashhadu alla ilaha illalloh va ashhadu anna Muhammadan Rasululloh»
Ma’nosi: Men Allohdan o’zga haq iloh yo‘qligiga va Muhammad Allohning Rasuli ekanligiga guvohlik beraman. Qolgan tafsilotlarni 114, 179 va 378-savollarga berilgan javoblardan topishingiz mumkin.
Xulosa qilib aytganda, oramizga dindosh singil sifatida xush kelibsiz deymiz! Sizga kerak bo‘lgan har qanday yordamni taqdim etishga tayyormiz. Allohdan sizga ne’matini to‘liq qilishini va haqda sobit qilishini so‘raymiz. Alloh sizga O‘z fazl-u karamini yog‘dirib, haq yo‘lda sobitqadam qilsin. Alloh sizni to‘g‘ri yo‘lga hidoyat aylasin.
Bu javob foydali bo’ldimi?