Tillaning dollar hisobidagi nisobi

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Nisob — agar bir kishida shuncha miqdorda boylik bo‘lsa, unga zakot berish vojib bo‘ladigan, agar undan kam bo‘ladigan bo‘lsa, unga zakot vojib bo‘lmaydigan minimal miqdordir.

Ma’lumki, shariatda molning zakoti tilla, kumush va hozirgi zamonimizda ularning o‘rnini bosadigan qog‘oz pullardan — dollar, riyol, funt va boshqalardan chiqariladi.

Oltinning nisobi Payg‘ambar sollallohu alayhi vasallam xabar berganlaridek, yigirma misqoldir. Misqol hozirgi davr o‘lchovlariga ko‘ra taxminan 4,25 grammga tengdir. Demak, oltinning nisobi taxminan 85 gramm bo‘ladi. Uning qaysi shaklda bo‘lishi muhim emas, uning egasi bo‘lgan odam har bir mingdan 25 (2.5%)ini zakot berishi kerak.

Kumushning nisobi Payg‘ambar sollallohu alayhi vasallam xabar berganlaridek, ikki yuz dirhamdir. Dirham hozirgi davr o‘lchovlariga ko‘ra taxminan 2,975 grammga tengdir. Demak, kumushning nisobi taxminan 595 gramm bo‘ladi. Uning qaysi shaklda bo‘lishi muhim emas, uning egasi bo‘lgan odam har bir mingdan 25 (2.5%)ini zakot berishi kerak.

Ma’lumki, hozirgi zamonda oltinning nisob qiymati bilan kumushning nisob qiymati o‘rtasida sezilarli farq bor. Siz uchun eng ehtiyotlisi va faqirlar uchun yaxshisi shuki, qo‘lingizdagi dollarlarga qaraysiz, ularning qiymati kumush nisobiga yetgan yoki undan ortiq bo‘lsa, va unga to‘liq bir hijriy yil (354 kun) o‘tgan bo‘lsa, mablag‘ingizni 2,5 foizini zakot sifatida chiqarib, shariatda belgilangan zakot beriladigan joylariga sarflaysiz.

Allohdan bizga molning haqqini bajarishda yordam berishini va muvaffaqiyat ato etishini so‘raymiz. Alloh taolo bizning Payg‘ambarimiz Muhammadga salavot va salomlar yo‘llasin.

Siz oltin va kumush narxlarini internet orqali ko‘rib chiqishingiz mumkin.