O'qildi: 275
16.06.2025
/ 20 Zulhijja 1446
Fatvo mavzusi: Namoz bobi
Savol
Bomdod namozi uchun nechta azon bor? Agar mahalladagi barcha musulmonlar masjidda jamlangan boʻlsalar, «Namoz uyqudan afzaldir» degan soʻzning foydasi qoladimi? Men bu ishni qilish bidʼat ekanligini eshitganman. Bu masala bilan bogʻliq hadis bormi? Iltimos, menga bu mavzu haqida biron narsa yuboring.
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Rasululloh sollallohu alayhi va sallam davrida bomdod namozi uchun ikki azon aytilar edi. Birinchisi bomdod tongidan oldin boʻlib – bedor(ibodatda) boʻlgan kishi qaytishi va uxlayotgan kishi uygʻonishi uchun aytilardi. Ikkinchisi vaqt kirgandan soʻng – vaqt kirganini bildirish va odamlarni namozga chaqirish hamda azonning boshqa foydalari uchun aytilardi.
Jumhur ulamolar «Namoz uyqudan yaxshidir» iborasi ikkinchi azonda aytilishi kerakligini taʼkidlashgan. Shuning uchun muazzin odamlar masjidda boʻlsa ham, bu soʻzlarni aytishga eʼtibor berishi va uni aytishi kerak. Chunki bu soʻzlarda xayolimizga kelmaydigan foydalar bor. Bunda odamlarga ushbu haqiqatni eslatish bor: «namoz uyqudan afzaldir» – bugungi kun uchun ham, bugundan keyingi kunlar uchun ham. Musulmonlar, garchi masjidda hozir boʻlsalar ham, bu soʻzlarni muazzinning ortidan takrorlash orqali qoʻshimcha savob olishadi. Chunki Paygʻambar sollallohu alayhi va sallam shunday deganlar:
«Muazzinni (azon aytayotganini) eshitsangiz, uning aytganini aytib turinglar».
Sahihi Muslim 384.
Bundan tashqari, masjidga yaqin boʻlgan ayollar va bolalar, hatto musulmon jinlar ham bu soʻzlardan foydalanishlari mumkin. Ehtimol, masjidda mudragan yoki oʻtirgan holda uxlab qolgan kishilar ham bordir. Shuning uchun bu sunnatni saqlab qolish va uni tark etmaslik kerak.
Alloh taolo siz-u bizni sunnatga ergashish va unga eʼtiborli boʻlishga muvaffaq aylasin.
Bu javob foydali bo’ldimi?