O'qildi: 168
29.10.2025
/ 7 Jumadal-ula 1447
Fatvo mavzusi: Masjid ahkomlari
Savol
Cherkovlarda odatda haykallar va boshqa shirk unsurlari bo‘lishiga qaramay, uning binosini besh vaqt namoz, juma yoki hayit namozlarini ado etish uchun ijaraga olishning hukmi qanday? Ma’lumki, cherkovlar ko‘pincha nasroniylardan ijaraga olinadigan eng arzon joylar hisoblanadi. Ba’zi universitetlar yoki xayriya tashkilotlari musulmonlarga bayram tadbirlarini o‘tkazish imkonini berish maqsadida cherkov binolarini ijaraga olib berishadi.
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Musulmonlar imkon qadar o‘zlarining maxsus ibodatgohlarini qurishga harakat qilishlari lozim. Bu ibodatgohlar Islom shariatiga muvofiq, isrofsiz va ortiqcha bezaklardan holi bo‘lishi kerak.
Agar masjid qurish imkoniyati bo‘lmasa va namoz o‘qish uchun maxsus joy zarur bo‘lsa, ammo cherkovdan boshqa joy topilmasa, bu holatda zarurat sababli cherkovni ijaraga olish va unda namoz o‘qish joizdir.
Shu bilan birga, haykallar va suratlar joylashgan tomonga qarab namoz o‘qishdan ehtiyot bo‘lish, agar ular qibla tomonda bo‘lsa, ularni parda yoki boshqa narsa bilan to‘sish lozim (Manba: Islom Fiqhi Akademiyasi, 109-bet).
Alloh bilguvchiroqdir.
Bu javob foydali bo’ldimi?