Zakot pulidan yetimlarning mulkini ta’mirlash

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Birinchidan, ularning o‘zlari yetarli mablag‘ga ega bo‘lganlari uchun ular uchun zakot yig‘ishingiz joiz emas. Zakot yetimlarga emas, faqir va miskinlarga beriladi. Yig‘gan zakotingizni agar egalarini tanisangiz, ularning oʻzlariga qaytarishingiz kerak. Agar tanimasangiz, zakot niyati bilan u kishilarning nomidan zakotga haqli kishilarga tarqating, chunki siz bu pullarni zakot niyatida olgansiz.

Nafaqa jamg‘armalariga kelsak, oʻzingiz eng toʻgʻri deb hisoblagan ishni qiling. Bu haqda Alloh taolo shunday degan:

«Yetimning moliga to u balog‘at yoshiga yetgunicha yaqinlashmanglar, magar eng chiroyli yo‘sinda (unga biron ziyon yetkazmasdan yaqinlashinglar — tasarruf qilinglar). Ahdga vafo qilinglar. Zero, ahd-paymon (Qiyomat Kuni) mas’ul bo‘linadigan ishdir» (Isro: 34).

Ko‘chmas mulkni rivojlantirish jamg‘armasidan olingan kreditga kelsak, bu uzoq muddatli va bo‘lib-bo‘lib to‘lanadigan kredit ekanligini bilasiz. Shuning uchun to‘lovlarni bo‘lib-bo‘lib to‘lashda davom eting. Marhum bu qarz uchun javobgar emas, faqat uning vafotidan oldin to‘lanishi kerak bo‘lgan, ammo to‘lanmagan qism bo‘lsa, shundagina qarz uning zimmasida qoladi. Vafot etgan kishi o‘limidan keyin to‘lanishi lozim bo‘lgan qarzlardan ozod etiladi, chunki bu qarzlar mulkning o‘ziga bog‘liq bo‘ladi. Mulk merosxo‘rlarga o‘tgani uchun ular to‘lovlar uchun javobgardirlar. Buning uchun zakot pullarini ishlatmang, chunki ularning o‘zlari to‘lash uchun yetarli mablag‘ga egadirlar.