Mavzular

Yangi fatvolar

Maqolalar

Kitoblar

Saqlanganlar

Murakkab qidiruv

Loyiha haqida

Fikr bildiring

Bosh sahifa » Fiqh asoslari » Fiqh » Ibodatlar » Namoz bobi » Namozni tark qiluvchi » Roʻza tutib namoz oʻqimaydigan kishilarga eslatma
0 – 0
Fatvo: 12675

O'qildi: 6

02.03.2026

/ 13 Ramazon 1447

Fatvo mavzusi: »

Roʻza tutib namoz oʻqimaydigan kishilarga eslatma

Savol

Agar inson Ramazon ro‘zasini tutishga va faqat Ramazonda namoz o‘qishga haris bo‘lsa-yu, lekin Ramazon tugashi bilanoq namozni tark etsa, uning ro‘zasi qabul bo‘ladimi?

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Namoz Islom ruknlari, ustunlaridan biridir.

U ikki shahodatdan keyingi eng muhim rukn bo‘lib, farzi aynlardandir. Kim uning vojibligini inkor qilib tark qilsa yoki beparvolik va dangasalik bilan tark qilsa, kofir bo‘ladi. Ammo Ramazonda ro‘za tutib, faqat Ramazonda namoz o‘qiydiganlarga kelsak, bu Allohni aldashdir. Allohni faqat Ramazonda taniydigan qavm qanday ham yomon qavm! Ramazondan boshqa paytda namozni tark qilgan hollarida ularning ro‘zasi durust bo‘lmaydi. Balki ular shu bilan katta kufr keltirib, kofir bo‘ladilar, garchi ulamolarning ikki qavlidan sahihrog‘iga ko‘ra namozning vojibligini inkor qilmasalar ham. Chunki Rasululloh sollallohu alayhi va sallamdan shunday sobit bo‘lgan:

عَنْ ‌عَبْدِ اللهِ بْنِ بُرَيْدَةَ ، عَنْ ‌أَبِيهِ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: «الْعَهْدُ الَّذِي بَيْنَنَا وَبَيْنَهُمُ الصَّلَاةُ،» فَمَنْ تَرَكَهَا فَقَدْ كَفَرَ.

Abdulloh ibn Burayda otasi (Burayda al-Aslamiy roziyallohu anhu)dan rivoyat qiladi: «Rasululloh sollallohu alayhi vasallam shunday dedilar: «Biz bilan ular (munofiqlar yoki kofirlar) o‘rtasidagi ahd — namozdir. Kim uni tark etsa, batahqiq kofir bo‘libdi» (Termiziy, 2621; Nasoiy, 463; Ibn Moja, 1079; Musnadi Ahmad, 22987; Hadis hukmi: «sahih». Manba: «Sahihul Jome’», 4143).

Shuningdek, Rasululloh sollallohu alayhi va sallamning quyidagi hadislari ham bunga dalolat qiladi:

«رَأْسُ الْأَمْرِ الْإِسْلَامُ، وَعَمُودُهُ الصَّلَاةُ، وذِرْوَةُ سَنَامِهِ الْجِهَادُ»

«Ishning boshi – Islom, uning ustuni – namoz, eng yuqori cho‘qqisi esa – Alloh yo‘lidagi jihoddir» (Termiziy, 2616; Hadis hukmi: «sahih». Manba: «Irvoul Gʻalil», 413).

Yana quyidagi hadis ham:

عَنْ جَابِر، يَقُولُ: سَمِعْتُ النَّبِيَّ صَلَّى اللهُ عَلَيْهِ وَسَلَّمَ يَقُولُ: »إِنَّ بَيْنَ الرَّجُلِ وَبَيْنَ الشِّرْكِ وَالْكُفْرِ تَرْكَ الصَّلَاةِ»

Jobir roziyallohu anhu aytadi: «Nabiy sollallohu alayhi va sallamning «Namozni tark qilish kishi bilan shirk-u kufr o‘rtasidadir», deganlarini eshitganman» (Sahihi Muslim, 82).

Bu ma’nodagi hadislar juda ko‘pdir.

Tavfiq Allohdandir. Payg‘ambarimiz Muhammad Mustafoga, u zotning oilalari va sahobalariga Allohning salot-u salomlari bo‘lsin. (Ilmiy Tadqiqotlar va Fatvolar bo‘yicha Doimiy Qo‘mita, 10/140).

Alloh bilguvchiroqdir.

Manba: Ilmiy Tadqiqotlar va Fatvolar bo‘yicha Doimiy Qo‘mita (10/140).

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

0

O’xshash fatvolar

  • Tugʻruq sababli roʻzani qazo qilmoq

    Yaqinda Ramazon oyida farzand koʻrganim sababli tutolmagan roʻzalarimni qanday qilib qazosini tutaman? Roʻza tutishdan oldin qanday niyat qilishim kerak?

  • Ramazonda hayzni to‘xtatuvchi dorilarni qabul qilish

    Agar Ramazonning oxirgi o‘n kunligida ayol kishininz hayzi kelsa, ushbu fazilatli kunlarda ibodatni ado etish imkoniyatiga ega bo‘lish uchun hayzni toʻxtatuvchi dorilarni ishlatishi joizmi?

  • Ro‘zadorlar uchun rayyon eshigi

    Erim menga faqat Ramazon oyida ochiladigan «Ridvon» eshigi haqida aytib berdi. Bilishimcha, bu eshik ochilganda, Alloh u orqali boylik yog‘dirar ekan. Ushbu so‘zni aniqlashtirib, bu masalani yaxshiroq tushunishimiz uchun bizga yo‘l-yo‘riq ko‘rsata olasizmi?

  • Ro‘zador holatda unashtirilgan qiz bilan gaplashish

    Musulmon kishi ro‘zador holida unashtirilgan qizi bilan telefonda gaplashishi joizmi?

  • Ramazon kunduzida er-xotinlik qilish xatari

    Maʼlumki, Ramazon oyida kunduzi ayoli bilan jinsiy aloqa qilgan kishining jazosi qul ozod qilish yoki ikki oy ketma-ket roʻza tutish yoxud oltmish miskinga taom berishdir. Bu masalaga oid bir qancha savollarim bor: 1. Agar erkak kishi xotini bilan boshqa-boshqa kunlarda bir necha marta jinsiy aloqa qilsa, uning har bir kuni uchun ikki oydan roʻza tutadimi yoki ikki oy roʻza tutsa, barcha aloqa qilgan kunlari uchun kifoya qiladimi? 2. Agar ushbu jarimaga tushgan kishi yuqorida zikr qilingan hukmni bilmagan boʻlsa, balki har bir yaqinlik kunini bir kun roʻza tutish bilan qazo qilaman deb oʻylagan boʻlsa, bu holatda hukm oʻzgaradimi? 3. Eriga lozim boʻlgan kafforat xotinga ham lozim boʻladimi? 4. Miskinlarni toʻydirish oʻrniga pul toʻlash joizmi? 5. Bir miskinga er va xotini nomidan birgalikda taom berish joizmi? 6. Agar toʻydirishga hech bir miskinni topa olmasa, pulni Riyozdagi «al-Birr» jamiyati kabi xayriya tashkilotlaridan biriga yoki boshqa tashkilotlarga toʻlashi joizmi?

  • Ro‘zadorning tishini davolatishi

    Ro‘zadorning tish shifokoriga borishi joizmi? Tishlarimni davolatishim kerak. Ramazonda, roʻzador holimda tish shifokoriga borsam-u, tomog‘imga tasodifan biror narsa ketib qolsa (va men uni beixtiyor yutib yuborsam), nima bo‘ladi? Bunday holatning shar’iy hukmi qanday?