O'qildi: 93
25.02.2026
/ 8 Ramazon 1447
Fatvo mavzusi: Roʻzadorga ruxsat berilgan ishlar
Savol
Ro‘zadorning tish shifokoriga borishi joizmi? Tishlarimni davolatishim kerak. Ramazonda, roʻzador holimda tish shifokoriga borsam-u, tomog‘imga tasodifan biror narsa ketib qolsa (va men uni beixtiyor yutib yuborsam), nima bo‘ladi? Bunday holatning shar’iy hukmi qanday?
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Shayx Abdulaziz ibn Boz rahimahullohdan so‘raldi:
«Agar kishining tishi og‘rib, shifokorga murojaat qilsa, shifokor esa tishini tozalasa, plomba qo‘ysa yoki tishlaridan birini olib tashlasa, bu uning ro‘zasiga ta’sir qiladimi? Shifokor tishni og‘riqsizlantirish uchun ukol qilsa, buning ro‘zaga ta’siri bormi?»
U kishi shunday javob berdilar: «Savolda zikr qilingan ishlarning ro‘zaning sahihligiga ta’siri yo‘q, boz ustiga, bu uzrli holatdir. Ammo dori yoki qondan biror narsani yutib yuborishdan ehtiyot bo‘lish lozim. Xuddi shuningdek, zikr qilingan ukol ham ro‘zaning durust bo‘lishiga ta’sir qilmaydi, chunki u yeyish va ichish ma’nosida emas. Asl qoida ro‘zaning durustligi va toʻliqligidir. Iqtibos tugadi («Islom arkonlariga oid muhim javoblar»).
Agar kechasi shifokorga borish imkoningiz bo‘lsa, bu avloroqdir.
Alloh bilguvchiroqdir.
Manba: Shayx Muhammad Solih al-Munajjid.
Bu javob foydali bo’ldimi?