Mavzular

Yangi fatvolar

Maqolalar

Kitoblar

Saqlanganlar

Murakkab qidiruv

Loyiha haqida

Fikr bildiring

Bosh sahifa » Fiqh asoslari » Fiqh » Ibodatlar » Namoz bobi » Jamoat namozi » Ramazonda bolalarni masjidga kiritmaslik hukmi
0 – 0
Fatvo: 11605

O'qildi: 45

21.02.2026

/ 4 Ramazon 1447

Fatvo mavzusi: » »

Ramazonda bolalarni masjidga kiritmaslik hukmi

Savol

Bolalarning onalari bilan taroveh namoziga kelishini taqiqlashimiz kerakmi, chunki ular koʻpincha tartibni buzib, xalaqit berishadi?

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Shayx Abdulaziz ibn Boz rahimahullohga bu savol berilganda u kishi shunday javob qildilar:

«Hadislarda kelganidek, bolalar oʻz hollariga qoʻyiladi. Avvalgilarni sigʻdirgan narsa keyingilarni ham sigʻdiradi». Iqtibos tugadi.

Tarjimon izohi:

Shayx rahimahullohning «bolalar oʻz hollariga qoʻyiladi», degan soʻzlari ularning masjidlarga kirishdan man etilmasligini anglatadi. U kishining «Avvalgilarni sigʻdirgan narsa keyingilarni ham sigʻdiradi» degan soʻzlari sahobalar bolalarni masjidlarga olib kelganini, shuning uchun biz ham shunday qilishimiz kerakligini bildiradi.

«Tuhfatul arus» muallifi aytgan soʻzlarni ozgina oʻzgartirish bilan keltiraman: «Shayx shunday dedi: «Agar ish mening qoʻlimda boʻlganida, masjidlarga bolalar oʻyinchoqlarini qoʻygan boʻlardim, toki ularning qalbida masjidga, namozga va Islomga muhabbat uygʻonib, shu bilan ulgʻaysinlar». (Iqtibos tugadi).

Biz esa, afsuski, namozdagi xushuʼ bahonasida bolalarni masjidlardan uzoqlashtirish uchun qoʻlimizdan kelganini qilamiz. Albatta, masjidda osoyishtalik va namozda xushuʼ boʻlishi kerak, ammo bunga fuqaholar koʻrsatgan sharʼiy usullar orqali erishish lozim, masalan, masjidlarda ortiqcha bezaklardan saqlanish va telefonlarning musiqali jiringlashini oldini olish kabi boshqa yoʻllar bilan.

Bolalarning yigʻlashini bahona qilib, ularni masjidga kiritmaydigan har bir imom va har bir «yaxshi niyatli qoʻriqchi»lar shuni unutmasinlarki, islom ummatining birinchi imomi, habibi va sayyidi Muhammad sollallohu alayhi vasallam siz qilayotgan ishni qilmaganlar, bolalarni masjiddan toʻsmaganlar. Aksincha, ularning rioyasini qilib, hatto namozni uzaytirmaganlar.

عَنْ عَبْدِ اللهِ بْنِ أَبِي قَتَادَةَ الْأَنْصَارِيِّ، عَنْ أَبِيهِ قَالَ: قَالَ رَسُولُ اللهِ ﷺ: «إِنِّي لَأَقُومُ إِلَى الصَّلَاةِ وَأَنَا أُرِيدُ أَنْ أُطَوِّلَ فِيهَا، فَأَسْمَعُ بُكَاءَ الصَّبِيِّ، فَأَتَجَوَّزُ فِي صَلَاتِي؛ كَرَاهِيَةَ أَنْ أَشُقَّ عَلَى أُمِّهِ».

Abdulloh ibn Abu Qatoda Ansoriy otasi roziyallohu anhudan rivoyat qiladi: «Rasululloh sollallohu alayhi vasallam: «Men namozni uzun oʻqimoqchi boʻlib turaman-da, keyin goʻdak yigʻisini eshitib, onasiga mashaqqat tugʻdirib qoʻygim kelmay, namozimni yengil qilaman», dedilar» (Sahihi Buxoriy, 868).

Yoʻllarning (hidoyatlarning) eng yaxshisi Muhammad sollallohu alayhi vasallamning yoʻllaridir. Shubhasiz, Alloh toʻgʻri yoʻlga hidoyat qilguvchidir.

Alloh bilguvchiroqdir.

Manba: Shayx Abdulaziz ibn Boz rahimahulloh

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

0

O’xshash fatvolar

  • Taroveh namozini uyda o‘qish hukmi

    Musulmon kishi taroveh namozini uyda o‘qishi joizmi? Agar joiz bo‘lsa, necha rakaat oʻqish kerak? Uning maxsus duolari bormi?Ro‘zador holatda yuzga yoki badanning boshqa qismlariga krem surtish joizmi?

  • Tarovehni uch rakaat oʻqigan imom

    Imom taroveh namozida uchinchi rakaatga turib, namozni tugatdi. Soʻngra unga uch rakaat oʻqiganini aytishdi. U sajdai sahv qiladimi yoki uni toʻrt rakaat qilib toʻldiradimi?

  • Imomning taroveh namozidagi xatosi

    Tarovih namozida imom ikkinchi rakaatda tashahhud uchun oʻtirishni unutib, oʻrnidan tursa-yu, soʻng bir necha soniyadan keyin Fotiha surasini oʻqimasdan tezda tashahhudga qaytib oʻtirsa, imom va unga iqtido qilayotganlar uchun nima vojib boʻladi?

  • Tarovehda musʼhaf koʻtarib namoz oʻqish hukmi

    Taroveh namozlarida imomning qiroatini kuzatish maqsadida Qurʼoni Karimni koʻtarib turishning hukmi qanday?

  • Taroveh namozi rakaatlari borasida ixtilof chiqarmang

    Men bu savolni ilgari ham bergan edim va oldingi javob qoniqarsiz boʻlgani uchun, iltimos, menga foydali boʻladigan javob berishingizni soʻrayman. Savol taroveh namozi haqida: u 11 rakaat boʻladimi yoki 20 rakaatmi? Sunnatda 11 rakaat deyilgan, Shayx Alboniy «Qiyom va taroveh» kitobida 11 rakaatni zikr qilganlar. Baʼzi odamlar 11 rakaat oʻqiydigan masjidlarga borsa, boshqalari 20 rakaat oʻqiydigan masjidlarga boradi. Bu masala bizning Qoʻshma Shtatlarda juda nozik mavzuga aylangan. 11 rakaat oʻqiydiganlar 20 rakaat oʻqiydiganlarni tanqid qiladi va aksincha, 20 rakaat oʻqiydiganlar 11 rakaat oʻqiydiganlarni tanqid qiladi. Hatto Masjidul Haromda ham 20 rakaat namoz oʻqishadi, bu esa ixtilof manbaiga aylanib qolgan. Nega Masjidul Harom va Masjidun Nabaviydagi namoz sunnatdan farq qiladi? Nega Masjidul Harom va Masjidun Nabaviyda tarovehni 20 rakaat oʻqishadi?

  • Taroveh vaqtida ishlash

    Ish vaqtim imom taroveh namozini tugatmasidan oldin boshlanadi. Myen esa ishga borishim kerak. Bu holatda qanday yoʻl tutishim lozim?