Rofiziylarga zakot berish hukmi

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Ulamolar o‘z asarlarida zakot oluvchilar bobida zakot kofirga ham, bid’atchiga ham berilmasligini zikr qilganlar. Rofiziylar esa to‘rt sababga ko‘ra shubhasiz kofirlardir:

Birinchisi: Ular Qur’onni inkor etib, uning uchdan ikki qismidan ko‘pi tushirib qoldirilganini da’vo qilishadi. Bu haqda ularning al-Nuriy ismli olimlari yozgan «Faslul-xitob fi isboti tahrifi kitobi rabbil-arbob» (Rabbul-arbobning kitobi o‘zgartirilganini isbotlash haqidagi qat’iy so‘z) nomli kitobida, shuningdek «Al-Kofiy» va boshqa kitoblarida aytilgan. Qur’onga ta’na qilgan kishi Alloh taoloning quyidagi so‘zini yolg‘onga chiqargan kofirdir:

«Albatta, bu eslatmani (ya’ni, Qur’onni) Biz O‘zimiz nozil qildik va shubhasiz, O‘zimiz uni saqlaguvchimiz» (Hijr: 9).

Ikkinchisi: Ular sunnat va sahih hadislarni inkor qilib, ularga amal qilmaydilar. Chunki bu hadislar sahobalar tomonidan rivoyat qilingan bo‘lib, ular esa sahobalarni kofir deb hisoblashadi. Ularning aqidasiga ko‘ra, Ali, uning avlodlari, Salmon, Ammor roziyallohu anhum va boshqa ba’zi sahobalar mustasno, qolgan barcha sahobalar Payg‘ambarimiz sollallohu alayhi va sallamning vafotlaridan so‘ng kofir bo‘lishgan. Shuningdek, ularning fikricha uch xalifa va ularga bay’at qilgan sahobalarning koʻpchiligi murtad bo‘lishgan, shu bois ularni ham kofir deyishadi. Shuning uchun ular sahobalarning hadislarini qabul qilmaydilar. Bularning barchasi shialarning «Al-Kofiy» kitobi va boshqa risolalarida mavjud.

Uchinchisi: Ular ahli sunnani kofirga chiqaradilar. Shialar sunniylar bilan birga namoz o‘qimaydilar. Shuningdek, sunniy imomga iqtido qilib namoz o‘qigan kishi namozini qayta o‘qishi kerak, deb hisoblashadi. Sunniylarni hatto nopok deb e’tiqod qilishadi. Agar biz bilan qo‘l berib ko‘rishsa, undan keyin qo‘llarini yuvadilar. Shunday ekan, musulmonlarni kofirga chiqargan kishilarning oʻzlari kofirlikka loyiqroqdir. Ular bizni kofir deb bilganidek, biz ham ularni kofir deb bilamiz va bunga haqliroqmiz.

To‘rtinchisi: Ular Ali roziyallohu anhu va u kishining zurriyotlari masalasida haddan oshib, shirk keltiradilar, Alloh bilan birga ularga ham duo-iltijo qiladilar. Bu ularning kitoblarida aniq ko‘rsatilgan. Shuningdek, ular haddan oshib, olamlar Rabbisi Allohgagina munosib bo‘lgan sifatlar bilan Ali roziyallohu anhuni sifatlaydilar. Buni biz ularning ovozli darslarida ham eshitganmiz.

Bundan tashqari, ular ahli sunna jamoalariga qo‘shilmaydilar, ahli sunna kambag‘allariga xayr-ehson qilmaydilar. Agar shunday qilsalar ham, bu yashirin adovat tufayli bo‘lib, taqiya (oʻz e’tiqodini yashirish) maqsadida amalga oshiriladi.

Binobarin, kim shialarga zakot bergan boʻlsa, ushbu zakotni qayta chiqarib, haqli insonlarga berishi lozim, chunki u zakotni kufrni qo‘llab-quvvatlash va sunnatga qarshi kurashish uchun ishlatadigan kishilarga bergan. Zakot taqsimlash vazifasi topshirilgan shaxsga uni rofiziyga berish man etiladi. Agar u shunday qilsa, zimmasidagi majburiyatdan ozod bo‘lmaydi va buning uchun zakotni qayta o‘tashi kerak, chunki u zakotga haqli bo‘lganlarga nisbatan o‘z ishonchini oqlamagan hisoblanadi.

Kimda-kim bu masalada shubhaga borsa, shialarga qarshi yozilgan raddiya kitoblarini o‘qisin, masalan, Qafforiyning ularning mazhabini fosh etgan kitobi, Xatibning «Al-Xututul-ariza» kitobi va Ehson Ilohiy Zahirning shu mavzudagi risolasi va boshqa asarlarni.

Muvaffaqiyat Allohdandir.