O'qildi: 50
May 30, 2025
/ 7 Muharram 1447
Fatvo mavzusi: Fiqh » Fiqh asoslari » Taomlar » Urf-odatlar
Savol
Otam musulmon emas, lekin u saxiy inson. Bizga shubhali goʻsht berib turadi. Bunday holatda nima qilishimiz kerak? Shuni ham aytish kerakki, biz unga «goʻshtni falon joydan sotib oling» deyolmaymiz. Chunki saxiy kishi sizga sovgʻa berganda, undan maʼlum bir joydan sotib olishni soʻrash odobga toʻgʻri kelmaydi, shunday emasmi?
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Avvalo, Allohdan otangizni, bu saxovatli kishini, islomga tezroq hidoyat qilishini soʻraymiz, albatta U eshituvchi va ijobat qiluvchi Zotdir. Siz unga toʻgʻri yoʻlni koʻrsatishda sabrli boʻlishingiz va eringiz bilan birgalikda uni daʼvat qilishga harakat qilishingiz kerak.
Ikkinchidan: Kofirlar yashaydigan mamlakatlardagi goʻshtlarni isteʼmol qilish hukmi haqida (10339) raqamli savolda batafsil aytilgan. Shunga murojaat qilishingiz mumkin.
Uchinchidan: Aqlli, zakovatli musulmon bunday kishiga halol goʻsht sotib olsa boʻladigan joyni, munosib soʻzlar bilan, chiroyli tarzda yetkaza oladi. Modomiki u har ikki holatda (halol joydan yoki boshqa joydan) goʻsht sotib olishga pul sarflar ekan, barchaga maʼqul keladigan tarzda: sovgʻasi rad etilmaydigan va luqmasi pokiza boʻladigan tarzda sarflasin, hatto oʻzi va oilasi uchun ham halol goʻsht sotib olgani maʼqul. Shunday qilsa yanada xush va yoqimli boʻladi. Bu mavzuni, sharʼiy sabablarini va sogʻliqqa oid foydalarini tushuntirish orqali, bir taklif sifatida ochish mumkin. Lekin majburlash yoki soʻzingizga yurgizish tarzida boʻlmasligi kerak. Gapni saxiyligiga minnatdorchilik bildirilib, mavzuni ochishga tortinayotganingizni tushuntirishdan boshlashingiz mumkin. Saxiy kishi sifatida u yaxshi uslubingizni qabul qiladi, shunday emasmi?
Bu javob foydali bo’ldimi?