Rangli linzalardan foydalanish
Savol
Rangli kontakt linzalar taqishning sharʻiy hukmini bilmoqchiman.
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Kontakt linzalar ikki turli bo‘ladi:
- Tibbiy linzalar: Bular yaqinni ko‘rolmaslik, uzoqni ko‘rolmaslik va shunga o‘xshash holatlarni davolashda qo‘llaniladi. Bunday linzalarni mutaxassis shifokor maslahati bilan ishlatish joiz.
- Rangli kosmetik linzalar: Bular bezak, ziynat hisoblanadi. Agar ayol eri uchun taqsa, muammo yo‘q, ammo boshqalar uchun bo‘lsa, fitna qo‘zg‘aydigan tarzda taqilmasligi lozim. Shuningdek, ularning zararli bo‘lmasligi, sovchilarni aldash maqsadida taqilmasligi va sotib olishda isrofgarchilikka yo‘l qo‘yilmasligi muhim, chunki Alloh taolo shunday deb buyurgan:
﴿وَلَا تُسۡرِفُوۤا۟ۚ إِنَّهُۥ لَا یُحِبُّ ٱلۡمُسۡرِفِینَ﴾
«Va isrof qilmanglar. Albatta, U isrof qilguvchilarni sevmas» (An’om: 141).
Alloh bilguvchiroqdir.