Mavzular

Yangi fatvolar

Maqolalar

Kitoblar

Saqlanganlar

Murakkab qidiruv

Loyiha haqida

Fikr bildiring

Bosh sahifa » Eʼtiqod masalalari » Iymon » Allohga iymon keltirish » Fohishalikdan tavba qilish
0 – 0
Fatvo: 624

O'qildi: 131

Iyul 1, 2025

/ 6 Muharram 1447

Fatvo mavzusi: » » » »

Fohishalikdan tavba qilish

Savol

Men katta gunoh qilib qo‘ydim va nima qilishni bilmayapman. Bilaman, bizning go‘zal dinimizda «ruhoniyga gunohni e’tirof etish» tushunchasi yo‘qligini bilaman, lekin men zino qilib qoʻydim. Allohdan mag‘firat so’rab, tavba qilishga harakat qilyapman. «Nur» surasini o‘qiganimda, men iffatli, pokiza ayolga uylana olmasligimni angladim, endi nima qilishni bilmay boshim qotgan. Iltimos, Alloh menga do‘zax azobini yengillashtirishi uchun duo qiling.

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Birinchidan: Allohning rahmatidan noumid boʻlmang va U Zotning quyidagi so‘zlarini tadabbur qiling:

﴿قُلۡ یَـٰعِبَادِیَ ٱلَّذِینَ أَسۡرَفُوا۟ عَلَىٰۤ أَنفُسِهِمۡ لَا تَقۡنَطُوا۟ مِن رَّحۡمَةِ ٱللَّهِۚ إِنَّ ٱللَّهَ یَغۡفِرُ ٱلذُّنُوبَ جَمِیعًاۚ إِنَّهُۥ هُوَ ٱلۡغَفُورُ ٱلرَّحِیمُ ۝٥٣﴾

«(Ey Rasul), Mening o‘z jonlariga zulm qilgan (ko‘p gunohlar qilgan va nafslarining gapiga kirgan) bandalarimga ayting: «Allohning rahmatidan noumid bo‘lmangiz! Albatta Alloh (O‘zi xohlagan bandalarining) barcha gunohlarini mag‘firat qilur. Albatta Uning O’zi oʻta mag’firatli va oʻta rahimli Zotdir» (Zumar: 53).

Ikkinchidan: Allohga chin dildan tavba qiling, shuningdek, sizni haromga olib boruvchi va gunohga qaytaruvchi har qanday muhitdan yiroq bo‘ling. Yaxshi amallarni ko‘paytiring, chunki yaxshiliklar yomonliklarni ketkazadi.

Uchinchidan: Agar Allohga chin ko‘ngildan tavba qiladigan bo‘lsangiz, u holda zinokor sifatida qaralmaysiz. Shunday ekan, siz pokiza, iffatli ayolga uylanishingiz mumkin bo‘ladi.

To‘rtinchidan: Mo‘minning duoda himmati yuksak boʻladi. U faqat doʻzax azobini yengillashtirishni emas, balki Allohdan uni do‘zaxdan ozod qilib, jannatga kiritishini, hatto jannatning eng yuksak darajasi – Firdavsni nasib etishini so‘raydi. Shu bilan birga, u doimo ezgu ishlarda bardavom boʻlish va gunohlaridan tavba qilishga intiladi.

Alloh bilguvchiroqdir.

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

0

O’xshash fatvolar

  • Bedavo dardga chalingan kishining tavbasi maqbulmi?

    Ko‘p gunohlar bilan yurgan bir kishi og‘ir xastalikka chalinib qoldi. U davolanishga urinib ko‘rdi, biroq natija bermadi. Shifokorlar uning dardiga davo yo‘qligini aytishdi. Endi afsus-nadomat chekib, tavba qilishni xohlayapti. Uning shifo topishidan umid bo‘lmagan, o‘lim xastaligiga duchor bo‘lgan holda qilgan tavbasi qabul qilinadimi?

  • Ayollarga qarash: birinchi va ikkinchi nazar

    Ayollarga qarashning mutlaqo taqiqlangani menga ma’lum. Ulardan biri ba’zan e’tiborimni tortsa, bir-ikki soniya qarayman, keyin Allohning amrini eslab, darhol nigohimni chetga buraman. Shu qisqa muddatli qarashim uchun gunohkor bo‘lamanmi? «Islomda halol va harom» kitobida Qur’on ko‘zlarni tiyishga buyurishi va qarashning ta’rifi «ko‘zlar ayolning go‘zalligidan lazzatlanishi yoki shahvat bilan tikilib qolish» ekanini o‘qidim. Allohga shukrki, men hech qachon bu darajaga yetmaganman, lekin mana shu ikki soniya meni xavotirga soladi. Alloh sizga baraka bersin.

  • «Ey Rasululloh» deb nido qilish joizmi?

    «Yo Rasululloh» deyishimiz joizmi?

  • Oxiratni niyat qilmay faqat maosh uchun ishlash qoralanadimi?

    Yigirma yildan ortiq davlat xizmatida ishlab kelayotgan xodim o‘z vazifasini sidqidildan bajaradi, o‘zini yaxshi tutadi. Buni u boshliqlariga va rahbariga ma’qul bo‘lish, maoshini to‘liq olish va lavozimda ko‘tarilish uchun qiladi. Bularning barchasi faqat shu maqsadlar bilan chegaralanib, Alloh rizoligi uchun qilinmaydi. Biroq bu xodim Allohga ibodat qiladi, ish vaqtidan tashqarida solih amallarini Alloh taolo uchun xolis qiladi, namoz o‘qiydi, ro‘za tutadi, sadaqa beradi, zakotini chiqaradi, haj qiladi, Qur’on tilovat qiladi, tafsir o‘qiydi hamda Alloh taolo uchun barcha solih amallarda Uning shariatiga muvofiq xolis amal qiladi. Alloh sizga yaxshilik ato etsin. Bu odamning ish vaqtidagi holati haqida nima deysiz? Bu joizmi, shirkmi yoki buning boshqa bir hukmi bormi? Iltimos, bizga maslahat bering: u nima qilishi kerak va o‘tgan yillardagi ishining gunohlari uchun javobgar bo‘ladimi? Alloh sizni o‘z panohida asrasin va muhofaza qilsin.

  • Nikoh kechasida aytiladigan duo

    To‘y kechasi kuyov kelinning oldiga kirganda sunnatga amal qilishning mezoni nima? Chunki ko‘pchilikka bu kecha «Baqara» surasini tilovat qilish va namoz o‘qish kerakligi haqidagi tushuncha chalkashlik tug‘diradi. Bu esa bugungi kunda ko‘pchilik orasida odatiy holga aylanib qolgan.

  • Harom va makruh ismlar

    Islomda taqiqlangan va qo‘yish mumkin bo‘lmagan ismlar bormi? Ular qaysilar?