Safarda vitr namozini oʻqish

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Koʻpchilik olimlar aʼrobiy haqida kelgan hadisga asoslanib, vitr namozining vojib emas, balki sunnati muakkada ekanligini aytishgan. 

Talha ibn Ubaydulloh roziyallohu anhu aytadi: «Rasululloh sollallohu alayhi vasallamning huzurlariga bir kishi keldi. Qarasak, u Islom haqida soʻrayotgan ekan. Shunda Rasululloh sollallohu alayhi vasallam: «Bir kecha-kunduzda besh mahal namoz», dedilar. «Zimmamda bundan boshqasi ham bormi?» dedi. «Yoʻq, lekin oʻz ixtiyoring bilan qilishing (mumkin)», dedilar.

Baʼzi olimlar tungi namoz (tahajjud) va vitr namozi nafl namozlarning eng afzali ekanligini va bu namozlarni qoldirmaslik kerakligini taʼkidlaydilar. Rasululloh sollallohu alayhi vasallam safar va muqim holatda ham tungi namoz va bomdod sunnatini tark qilmaganliklari sahih sunnatda sobit boʻlgan.