O'qildi: 50
Noyabr 20, 2025
/ 29 Jumadal-ula 1447
Fatvo mavzusi: Tahoratni buzadigan narsalar
Savol
Bir kishi namoz o‘qidi va namozdan keyin avratida maziy koʻrdi. Bu holat unda ko‘p takrorlanadi. U namozni qayta o‘qiydimi? Uning tahorati va namozi qanday bo‘ladi, unga nisbatan jamoat namozining hukmi nima, chunko undan doimiy ravishda shahvatsiz maziy chiqadi va bu holat unda siydikdan keyin ham sodir bo‘ladi. Kiyimlari masalasida qanday yoʻl tutadi?
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Bu siydik tuta olmaslik kabi doimiy hadas hisoblanadi, shuning uchun unga har bir namoz uchun tahorat qilish lozim bo‘ladi, chunki u ikki yo‘ldan chiqqanligi sababli tahoratni buzuvchilardandir.
Agar namoz o‘qiyotganida chiqib qolsa, namozni qayta o‘qishi shart emas va namozni buzmaydi, chunki u ixtiyorsiz sodir bo‘ladi. Namoz vaqtida kiyimlarni najas qilmasligi uchun himoya qiladigan maxsus kiyim kiyishi yoki paxta, mato kabi narsalar bilan tutib turishi kerak.
Namozdan keyin agar undan yana biror narsa chiqsa, keyingi namoz vaqti uchun tahoratni yangilashi, kiyimlarini tozalashi va shunday holda ibodatini ado etishi zarur.
U jamoat namozida iqtido qiluvchi sifatida namoz o‘qishi mumkin, ammo bunday holatda imom bo‘lishi joiz emas, chunki uning tahorati to‘liq emas. Shuningdek, imkon qadar o‘zini davolash chorasini ko‘rishi lozim.
(Shayx Abdulloh ibn Jibriynning «Al-Lu’lu’ al-Makin min fatava ash-shayx Ibn Jibrin» kitobidan, 79-bet.)
Alloh bilguvchiroqdir.
Bu javob foydali bo’ldimi?