Mavzular

Yangi fatvolar

Maqolalar

Kitoblar

Saqlanganlar

Murakkab qidiruv

Loyiha haqida

Fikr bildiring

Bosh sahifa » Ilm va daʼvat » Daʼvat » Gʻayridinlarni Islomga chaqirish » Giyohvand moddalar keng tarqalgan mamlakatdan islomga qiziquvchi kishi
0 – 0
Fatvo: 2847

O'qildi: 64

10.06.2026

/ 24 Zulhijja 1447

Fatvo mavzusi: »

Giyohvand moddalar keng tarqalgan mamlakatdan islomga qiziquvchi kishi

Savol

Musulmon kishiga giyohvand moddalar (masalan, kokain) iste’mol qilish joizmi? Bu yerda, Kolumbiyada, odamlarning 70 foizi uni iste’mol qiladi. Agar Islomni qabul qilmoqchi bo‘lsam, undan voz kechishim shartmi? Javobingizni kutaman.

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Sizning giyohvand moddalar mamlakatida, dinsiz bo‘la turib, Islomni qabul qilish haqida o‘ylayotganingiz juda buyuk ishdir. Sizning savolingiz bizda siz zikr qilgan vaziyatda yashab, so‘ng Islomga kirish istagining boshlanishiga yetib kelgan kishidan hayrat va ajablanish uyg‘otdi. Lekin Alloh har narsaga qodirdir, xohlagan bandasini O‘zining to‘g‘ri yo‘liga hidoyat qiladi. Ehtimol, ilohiy inoyat sizni atrofingizdagi quyuq zulmatga qaramay, haq dinni qabul qilishga tayyorlayotgandir. Kofir inson, garchi jasadi tirik bo‘lsa-da, qalbi o‘likdir. Agar Alloh uni Islom nuriga hidoyat qilsa, uning qalbiga hayot kiradi va u hayotning yangi ma’nosini anglaydi, yo‘nalishi o‘zgaradi va Parvardigoridan bo‘lgan hidoyat uzra yura boshlaydi. Alloh taolo O‘zining aziz kitobida shunday deydi:

﴿أَوَمَنْ كَانَ مَيْتًا فَأَحْيَيْنَاهُ وَجَعَلْنَا لَهُ نُورًا يَمْشِي بِهِ فِي النَّاسِ كَمَنْ مَثَلُهُ فِي الظُّلُمَاتِ لَيْسَ بِخَارِجٍ مِنْهَا﴾

«Avval o‘lik (kofir) bo‘lgan, so‘ngra biz uni (dinga hidoyat qilish bilan) tiriltirib, unga odamlar orasida o‘zi bilan birga olib yuradigan nurni (iymonni) berib qo‘yganimiz bir kishi zulmatlarda qolib ketgan va undan hech chiquvchi bo‘lmagan kimsaga o‘xshaydimi?!» (An’om: 122).

Shunday ekan, haqiqiy hayotga va Alloh nozil qilgan nurga ergashishga shoshiling. Allohga ibodat qilganingizda unda ko‘zingiz quvonadigan va nafsingiz xotirjam bo‘ladigan narsani ko‘rasiz.

Giyohvand moddalar masalasiga kelsak, shubhasiz, siz bu ulug‘ din har qanday zararli narsani harom qilishini va har qanday foydali narsaga ruxsat berishini, insonning aqlidan ayrilib, sarson, majnun, adashgan holga tushishiga, ongsiz ravishda har qanday qabih ishni qilishiga, bu xavfli dard bilan jasadiga ziyon keltirishiga va bu xavfli zaharni iste’mol qilib, o‘zini Allohning zikri va ibodatidan to‘sishiga rozi bo‘lmasligini kutgansiz. Bu giyohvandlik boshqalarga tajovuz qilish eshigini ochadi va din, nafs, aql, nomus hamda molga zarar yetkazuvchi bo‘ladi. Shuning uchun hech bir aqlli inson uning qat’iy harom ekaniga shubha qilmaydi.

Biz giyohvandlikka qaramlik oson kasallik emasligini va undan qutulish oson ish emasligini yaxshi anglaymiz. Lekin bularning barchasi Islomga kirishga va Alloh O‘z payg‘ambari Muhammad sollallohu alayhi vasallamni yuborgan bu haq mazhabni qabul qilishga to‘sqinlik qilmaydi. Ishonchingiz komil bo‘lsinki, Islomni qabul qilishingiz sizda giyohvandlikdan qutulishga va bu xavfli kasallikni tark etishga yordam beradigan buyuk kuch va qat’iy irodani paydo qiladi. Bu kasallikdan shifo topish va bu gunohdan voz kechish uchun vaqt ketishi mumkin, lekin bu sizni Islomga kirishda ikkilantirmasligi kerak. Balki Islomni qabul qiling, dunyo ofatlaridan va oxirat azobidan najot topasiz. Savolingiz uchun tashakkur bildiramiz va Allohdan hidoyatingizni tezlashtirishini so‘raymiz.

Alloh bilguvchiroqdir.

Manba: Shayx Muhammad Solih al-Munajjid.

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

0

O’xshash fatvolar

  • Musulmonning mulhid (xudosiz) kishi qo‘lida ishlashi

    Men mulhid (xudoga ishonmaydigan) kishining qo‘lida ishlayman. Uning qo‘lida ishlash joizmi? U menga yaxshi muomala qiladi va namoz o‘qishga vaqt beradi.

  • Nasroniy bilan jiddiy suhbat

    Men sahifangizni ko‘zdan kechirayotib, undan zavq oldim, chunki men diniy maktabda ta’lim olayotgan nasroniy talabaman va ko‘proq bilim olishni xohlayman. Quyidagi fikrlar haqidagi qarashlaringizni bilmoqchiman, ular to‘g‘rimi?1. Islomda: Jannat may, ayollar va qo‘shiqlardan iborat. Jannatga erishish yo‘li ana shu narsalardan tiyilish, so‘ngra ular bilan mukofotlanish, shuningdek, Islomning besh rukniga amal qilishdir.2. Islomda: Najot va azobdan qutulishning kafolati yo‘q. Faqat umr bo‘yi shu yo‘lda yursangiz, Allohning najotiga va xalos bo‘lishga erishasiz, deyiladi. Hech qanday kafolat mavjud emas. Kafolatsiz yashash menga yoqmaydi. Men musulmonlar asliy gunohga ishonmasliklarini bilaman, lekin inson gunohkor boʻlib tugʻiladimi yoki yoʻqmi, bundan qatʼi nazar, inson xatokor va koʻp xato qiluvchi ekaniga qoʻshilmaysizmi? Inson o‘z xatolari va gunohlari bilan nima qiladi? Tavba haqida bilaman, ammo menga Alloh huzurida hech kim najot topolmaydigandek tuyuladi. Shu sababli, bizni o‘tmishdagi, hozirgi va kelajakdagi gunohlarimizdan xalos etish uchun O‘z O‘g‘lini bizning uchun qurbon qilib, xochga mixlanib oʻldirilishi uchun yubordi.3. Islomda najot kafolati yo‘q, bunday kafolatsiz yashash haqiqatan ham dahshatli narsa. Hayotingizni yashab, qiyomat kunida xalos boʻlishingiz uchun yetarlicha solih amallar qildingizmi yoki yoʻqmi, bilmaysiz, yetarlicha namoz oʻqidingizmi yoki yoʻqmi, bilmaysiz va hokazo… Bu haqiqatan ham dahshatli.Men koʻplab musulmon hamkasblarimdan o‘limdan so‘ng jannat yoki do‘zaxga borishlariga ishonchlari komilmi, deb so‘raganimda, ulardan ijobiy javob ololmadim. Islomda hech qanday kafolat yo‘q, chunki (bu din vakillari nasroniylardan farqli oʻlaroq, birgina) Iso Masihga ishonish orqali najot topishga ishonishmaydi; Islom insonning xatti-harakatlari va amallariga bog‘liq.Men musulmon bo‘lishni xohlasam ham buni qila olmayman. Agar musulmonlar o‘zlarini xalq orasidan tanlangan deb hisoblashsa, nega dinlarini yoymaydilar? Bu faqatgina musulmon bo‘lib tug‘ilganingiz uchun omadli bo‘lishga asoslanganmi?Agar kimdir nasroniy bo‘lishni istasa, u buni qila oladi. Har kim bir necha soniyada nasroniy bo‘lishi mumkin. Men tug‘ilganimda nasroniy bo‘lmaganman. Nasroniylar Iso Masih Allohga olib boradigan yagona yo‘l ekanligini ta’kidlaydilar.Iso Masihning o‘zi shunday degan: «Men Yoʻl, Haqiqat va Hayotman. Hech kim Otaga mening yoʻlimsiz yeta olmaydi». U «Men yo‘llardan biriman» demadi, balki «Men yo‘lman» dedi.U yana: «Men va Otam birmiz», deb aytgan.Men qanday qilib biror kishi bu haqiqatlardan koʻr boʻlishi mumkinligini tushunmayman, magar ular buni avval eshitmagan boʻlsalar.Men sizdan javob va izoh kutib qolaman.

  • Islomni qabul qilgani uchun kofira onasi undan voz kechdi

    Onam musulmon emas. U men bilan 13 yil oldin aloqani uzgan. Unga xat yozsam, javob bermaydi, qo‘ng‘iroq qilsam, telefonni oʻchirib qoʻyishi mumkin. Manzilini oʻzgartirgan, men uning yangi manzilini bilaman, lekin borsam, yana o‘zgartiradi. Agar biror kishi men haqimda yaxshi gapirsa, u uni men tomonga yon bosyabdi deb haqorat qiladi. Bilaman, u ruhiy kasal va ilgari kasalxonada yotgan. Uyda bo‘lganida yolg‘iz qolishni ma’qul ko‘radi. U Islomga qarshi ekanligini aytgan, shundan uning siqilishi sababi mening Islomni qabul qilganim ekanini bildim. Men nima qilishim kerak? Maslahat beringlar, Alloh sizlarni yaxshilik bilan mukofotlasin.

  • Xitoy millatdoshining Islom diniga ishtiyoqi va qalbidagi xavotirlari

    Islomni qabul qilishni orzu qilaman, lekin oziq-ovqat, ayniqsa cho‘chqa go‘shti masalasida ba’zi tashvishlarim bor. Men hali ham ota-onam bilan birga yashayman, biz asli xitoylikmiz va choʻchqa goʻshtidan tayyorlangan taom dasturxonimizdan aslo arimaydigan asosiy kundalik taomlardan hisoblanadi. Men Islomni qabul qilib, uyda ular bilan birga yashashda davom etsam, bilmagan holda yoki oldindan xabarim boʻlmay, choʻchqa goʻshtini tovuq goʻshti deb yeb qoʻyishdan xavotirdaman. Oilaviy yig‘inlar yoki tadbirlarda choʻchqa goʻshtidan tayyorlangan taomlardan o‘zimni tiyishga harakat qilaman, agar yeyishga majbur bo‘lsam, Allohga istigʻfor aytaman. Agar Islomni qabul qilsam va choʻchqa goʻshtini yeyishga majbur boʻlsam, Allohdan magʻfirat soʻrashim kerakmi? Men bu masaladan juda xavotirdaman va sizning maslahatingizga juda muhtojman.

  • Islomdan toʻsuvchi va loqaydlikka undovchilar

    Men so‘nggi bir necha oyni Islomni o‘rganish va tadqiq qilishga bag‘ishladim hamda yaqinda Qur’onni o‘qishni boshladim. Qalbimda shahodat kalimasini aytishga tayyorligimni his qilmoqdaman, ammo ba’zi musulmon do‘stlarim menga ishonishmayapti. Ular bu hayotni o‘zgartiruvchi qarorni shoshma-shosharlik bilan qabul qilmasligim haqida ogohlantirmoqdalar. Biroq, men chindan ham bu qadamni tashlashga tayyorman. Menga Islomga e’tiqod qilishim va Alloh barcha olamlarning Robbi, yagona Iloh ekanligiga guvohlik berishim uchun nima qilishim kerakligi haqida maslahat bera olasizmi? Shuni bilib qo‘yingki, men hayotimda hech qachon shoshilinch qaror qabul qilmaganman. Rahmat.

  • Islomda ayol kishi bilan muomala qilish

    Men musulmon bo‘lmoqchiman. Biroq avvalgi hayotim borasida xavotirlarim bor. O‘tmishdagi tajribalarim Allohning to‘g‘ri yo‘liga ergashishimga to‘sqinlik qilishidan qo‘rqaman. Ochiqchasiga gapirganim uchun meni ma’zur tutasiz.Islomda erkak va ayolning nikohsiz munosabatda bo‘lishi halol emas. Shu sababli Islomni qabul qilishdan oldin ichimda kurash avj olayotganini his qilyapman. Ammo men Islomni qabul qilishdan oldin bu narsalarga boshqacha qarardim. Endi esa o‘tmishimdagi ishlarimni Islom harom qilgani haqida ko‘p o‘qidim.Savolim, ayollar bilan munosabatda, istaklarim va shariat taqiqlagan narsalar o‘rtasida qanday muvozanat oʻrnatishim mumkin? Qanday yo‘l tutishim kerak-ki, bu istaklar meni yana gunohga boshlamasin va Islomdan uzoqlashtirmasin?