O'qildi: 250
13.09.2025
/ 21 Rabiul-avval 1447
Fatvo mavzusi: Zakot masalalari
Savol
Muhtoj kishi ko‘p yillar davomida qarzdor bo‘lib qolsa, uning qarzi uchun zakot to‘lash hukmi qanday? To‘lashga qodir bo‘la turib, to‘lashni kechiktirayotgan kishining qarzi bo‘yicha zakot to‘lash hukmi qanday? Boyligi ma’lum bo‘lgan va qarzini uzishga qat’iy ahd qilgan kishiga berilgan qarzning hukmi qanday, agar qarz berilganidan bir yil o‘tgan bo‘lsa?
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Agar qarzdor muhtoj bo‘lsa yoki to‘lashga qodir bo‘lsa-yu, lekin to‘lashni kechiktirayotgan bo‘lsa va haqdor undan qarzini undira olmasa, buning sababi yo uning hukmdor oldida o‘z huquqini talab qilish uchun dalili bo‘lmasa, yoki dalilga ega bo‘lsa-yu, lekin unga o‘z huquqini olishga yordam beradigan vakolatli shaxsni topa olmasa (ba’zi huquqlar himoyasi bo‘lmagan mamlakatlarda bo‘lgani kabi), u holda qarzni undirib, undan keyin to‘liq bir hijriy yil o‘tmaguncha (ya’ni ya’ni pul uning qo‘lida bo‘lib, bir hijriy yil o‘tmaguncha) haqdorga zakot vojib bo‘lmaydi.
Ammo qarzdorning to‘lashga imkoni bo‘lib, undan qarzni undirish mumkin bo‘lsa, qarzning o‘zi nisob miqdorida bo‘lsa ham, boshqa pul yoki boshqa zako beriladigan mollarga qo‘shilganda nisob miqdoriga yetsa ham, haqdor uchun bu puldan har yili zakot chiqarish vojib bo‘ladi.
Alloh muvaffaqiyat bersin. Payg‘ambarimizga, u kishining oilasi va sahobalariga Allohning saloti va salomi bo‘lsin.
Bu javob foydali bo’ldimi?