Mavzular

Yangi fatvolar

Maqolalar

Kitoblar

Namoz

Saqlanganlar

Murakkab qidiruv

Loyiha haqida

Fikr bildiring

Bosh sahifa » Fiqh asoslari » Fiqh » Avvaliga nasroniy bo‘lib, so‘ngra Islomni qabul qilgan ayolning valisyi
0 – 0
Fatvo: 389

O'qildi: 425

21.06.2025

/ 25 Zulhijja 1446

Fatvo mavzusi: » » »

Avvaliga nasroniy bo‘lib, so‘ngra Islomni qabul qilgan ayolning valisyi

Savol

Men musulmon oilada tug‘ilib, islomiy tarbiya olganman. Biroq, hayotimning «qorong‘u davri» deb ataydigan bir bosqichni boshdan kechirganman. Bu davrda bir necha yil davomida «johiliyat» amallari (ya’ni, mas’uliyatsiz va gunoh ishlar) bilan shug‘ullanganman. Lekin Allohga hamd boʻlsinki, U menga hidoyat ne’matini berdi va meni Oʻzining toʻgʻri yoʻliga qaytardi. Oʻsha davrda men bir nasroniy qiz bilan munosabatda edim, u Allohga hamd boʻlsinki, yaqinda Allohning irodasi bilan Islomga kirdi. Hayotimiz izga tushgach, tezda nikohlanishni rejalashtirmoqdamiz. Muammolardan biri shuki, u dindor nasroniy oiladan, hatto otasi nasroniylarning ruhoniysidir. Oilasi munosabatimizdan xabar topgach, bizni ajratish uchun barcha choralarni ko‘rishdi, ammo qizning Islomga kirgani haqida ularga aytmadik. Hozir munosabatimiz shunday nuqtaga yetdiki, u oilasiga qarshi chiqishga va men bilan qochib ketishga tayyor. Bu ishning qiyin bo‘lishini bilsak-da, biz bir-birimizni juda qattiq sevamiz. Bilishimcha, Islom shariati nikohda ayol uchun valiy boʻlishini talab qiladi va u – bilishimcha – ayolning oilasidan boʻlishi shart.

Birinchi savolim: uning oilasi roziligisiz nikohlanish rejamiz shariatga muvofiq bo‘ladimi?

Ikkinchisi: agar bu joiz boʻlsa, uga kim «valiy»lik qilishi mumkin, chunki oila a’zolaridan hech biri bizning munosabatimizga rozi emas?

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Birinchidan: Ne’mat va fazl sohibi boʻlgan Allohga hamd boʻlsinki, U sizni mashaqqatli, qorongʻi johiliyat safaridan soʻng, zalolat va parokandalik yoʻllarida sarson boʻlganingizdan keyin haq yoʻlga hidoyat qildi. Alloh xohlagan kishisini hidoyat qiladi. Endi siz bu ne’matni Allohning oldidagi burchlaringizni ado etish, Uning gʻazabiga sabab boʻladigan ishlarni tark qilish, Allohni hammadan ortiq sevish, oʻtgan umringizni yaxshi amallar bilan toʻldirishga intilish va ibodatlar bilan yaxshiliklarga shoshilishda koʻproq harakat qilish orqali shukr qilishingiz kerak.

 

Ikkinchidan: Bu ayol Allohga hamd boʻlsinki, islomga kirgan ekan, uning kofir qarindoshlaridan hech birining unga valiylik huquqi yoʻq, chunki hech bir kofir musulmon ustidan bu vakolatga ega bo‘lmaydi. Agar u yashayotgan mamlakatda musulmon hokim boʻlsa, ayolning valiysi oʻsha boʻladi, chunki sahih hadisda:

عَنْ عَائِشَةَ، قَالَتْ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا نِكَاحَ إِلَّا بِوَلِيٍّ، وَالسُّلْطَانُ وَلِيُّ، مَنْ لَا وَلِيَّلَهُ»

Oisha roziyallohu anhodan rivoyat qilinadi: Rasululloh sollallohu alayhi va sallam: «Valiysiz nikoh boʻlmaydi, valiysi yoʻqning valiysi — hokimdir», dedilar. (Ibn Moja, 1880; «Sahihul Jome’», 7556).

 

Agar u yerda musulmon hokim boʻlmasa, oʻsha yerdagi musulmonlar markaziga va ular orasida soʻziga ergashiladigan ahli-ilmga murojaat qilinadi, masalan, islom markazi rahbari yoki imomi va xutba oʻquvchisi, u qizga nikoh aqdini bogʻlaydi.

 

Qoʻshimcha ma’lumot uchun 2127-fatvoga qarang.

 

Alloh bilguvchiroqdir.

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

0

O’xshash fatvolar

  • Tarmoqli marketing hukmi

    «Tarmoqli marketing» yoxud «Majburiy matritsa tizimi» shunday tizimki, unda bir kishi kompaniyaga 10 dollar to‘laydi. Shundan so‘ng, kompaniya va (tizimda avvaldan tanlangan) yana to‘rt kishining har biriga 2 dollardan o‘tkazib beriladi. Bu bir martalik to‘lov bo‘lib, to‘lovni amalga oshirgan kishi tizimga qo‘shiladigan yangi a’zolar ham shunday qilishini kutadi. Har safar yangi a’zo qo‘shilganda, tizimdagi har bir ishtirokchi 2 dollardan oladi, chunki yangi a’zolar to‘lovni bevosita o‘zidan yuqoridagi to‘rt kishiga to‘laydi. Kompaniya esa har bir a’zodan xizmat haqi sifatida o‘zining 2 dollarini olib qoladi. Ushbu dasturga qo‘shilish halolmi? Alloh sizni yaxshilik bilan mukofotlasin.

  • Piramida marketing sxemalari

    Ilmiy tadqiqotlar va fatvolar bo‘yicha doimiy qo‘mitaga «Biznes» va «Hibatul-Jazira» kabi piramida yoki tarmoqli marketing shirkatlarining faoliyati haqida ko‘plab savollar kelib tushdi. Bu shirkatlar faoliyatining mohiyati quyidagicha: bir kishi mahsulot yoki tovar sotib olishga ko‘ndiriladi, so‘ng u boshqalarni xuddi shunday qilishga undaydi, ular ham o‘z navbatida keyingilarni jalb qiladi va bu zanjir shu tarzda davom etadi. Ishtirokchilar qatlami qancha kengaysa, birinchi ishtirokchi shuncha ko‘p komission haq oladi va bu summa hatto minglab riyollarga yetishi mumkin. Har bir ishtirokchi o‘zidan keyingilarni a’zolar ro‘yxatiga yangi odamlarni jalb qila olsa, katta komission to‘lovlar olishi mumkinligi bilan qiziqtiradi. Aynan mana shu narsa piramida yoki tarmoqli marketing deb ataladi.

  • Namozdagi qunut

    Sizdan namozdagi qunut (ruku’dan keyin qo‘l ko‘tarib duo qilish) haqida so‘ramoqchiman. Bu amal Rasululloh sollallohu alayhi vasallamning sunnatlaridanmi yoki bu ish ularning holati sababli istisno tariqasida bo‘lganmi? Iltimos, menga javob bering, chunki masjidimiz imomi, Rasulullohdan qaysi namoz afzal, deb so‘ralganda, u zot alayhissalotu vassalom: «Qunuti uzunroq bo‘lgan namoz», deb javob berganlar», deb aytdi.

  • Ro‘zador kishi xotinini quchoqlashi joizmi?

    Yaqinda uylandim. Ramazon oyida ro‘za tutgan holda, saharlikdan so‘ng yotaman va ba’zan yonimda xotinim ham bo‘ladi. Uni quchoqlashim ro‘zamga ta’sir qiladimi? Ro‘zador kishi uchun qaysi ishlar joiz, qaysilari harom yoki ro‘zani buzuvchi hisoblanadi? Shu haqda tushuntirish bersangiz.

  • «CadenzaX Music» platformasi orqali pul topish hukmi

    Men sizlardan hozirgi kunda ijtimoiy tarmoqlarda ommalashayotgan «CadenzaX music» nomli platformaga (yoki shunga o‘xshash loyihalarga) qo‘shilish va undan daromad topishning Islomdagi hukmi haqida so‘ramoqchi edim. Bu sahifaning ishlash tizimi va daromad ko‘rish tartibi quyidagicha: 1. Sayt yoki ilova foydalanuvchilarga ma’lum musiqalarni eshitish, layk bosish yoki qandaydir oddiy vazifalarni bajarish evaziga pul to‘lashni va’da qiladi. 2. Ko‘proq pul ishlash uchun foydalanuvchidan dastlab o‘z yonidan pul kiritib, maxsus «VIP» darajalarni sotib olish talab etiladi. 3. Sayt qoidalariga ko‘ra, orqangizdan yangi odamlarni taklif qilsangiz va ular ham pul kiritsa, ularning sarmoyasidan sizga ma’lum foizlarda bonus (daromad) beriladi. Meni shubhalantirgan jihati shundaki, tizimning asosi aslida musiqa eshitish emas, balki tarmoqli marketing va moliyaviy piramidaga o‘xshab ketadi. Chunki tizim asosan yangi qo‘shilganlarning pullari hisobidan eskilariga pul to‘layotgandek ko‘rinadi.

  • Vitr duosi vojibmi va uni yod bilmasa nima deydi?

    Vitrdagi qunut duosi kabi duolarni yod olishga qiynalaman. Shuning uchun bu duoning oʻrniga biror sura oʻqirdim. Bu duoni oʻqishning farz ekanini bilgach, yod olishga harakat qildim va namoz paytida yonimdagi stol ustidan kitobni olib, qiblaga yuzlangan holda oʻqiydigan boʻldim. Shunday qilishim joizmi?