Mavzular

Yangi fatvolar

Maqolalar

Kitoblar

Saqlanganlar

Murakkab qidiruv

Loyiha haqida

Fikr bildiring

Bosh sahifa » Ilm va daʼvat » Daʼvat » U Islomni qabul qilmoqchi, ammo bu xabar onasining sog‘lig‘iga ta’sir qilishidan xavotirda
0 – 0
Fatvo: 758

O'qildi: 24

Iyul 7, 2025

/ 20 Safar 1447

Fatvo mavzusi: » »

U Islomni qabul qilmoqchi, ammo bu xabar onasining sog‘lig‘iga ta’sir qilishidan xavotirda

Savol

Men musulmon emasman, lekin bu dinni hurmat qilaman va unga ishonaman. Garchi g‘ayridinlar kofir deb qaralsalar-da, men Allohga iymon keltiraman. Ammo oʻz dinimni o‘zgartira olmayman, chunki onamning sog‘lig‘i yaxshi emas va u yolg‘iz qizini yo‘qotishga chiday olmasligi mumkin. Men bir musulmon yigitni sevaman va biz turmush qurmoqchimiz. Men chin qalbimdan va’da berdimki, agar biz turmush qursak va farzandlarimiz bo‘lsa, ular Islom diniga ergashadilar. Men Islomga kirmay turib, oʻz dinimni o‘zgartirmasdan turmush qurishimiz joiz bo‘ladimi? Shuningdek, bu mavzu bo‘yicha ko‘proq ma’lumot olishim mumkin bo‘lgan manbalarni tavsiya qilsangiz, minnatdor bo‘lardim.

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Hurmatli savolberuvchi, siz haqiqatni anglash va unga intilish yo‘lida muhim qadam tashladingiz. Savolingizdan anglashimcha, siz Islomni qabul qilmoqchisiz, ammo kasal onangizning bu xabarga qanday munosabat bildirishidan xavotirdasiz.

Savolingizdan tushunishimcha, siz Islomni qabul qilishni xohlaysiz, ammo bunga to‘sqinlik qilayotgan narsa bu xabarni eshitgan bemor onangizning salomatligidan xavotirlanishdir. Shuni bilishingizni istardimki, bu to‘siqni yengib o‘tish oson, chunki siz Islomni qabul qilganingizni yashirib, dinga kirganingizni oshkor qilmasligingiz mumkin. Siz Islom markazida yoki boshqa joyda Islomni qabul qilganingizni e’lon qilishingiz shart emas; shunchaki ikki shahodatni aytish (1402-savolga qarang) va diniy amallarni bajarishni boshlash kifoya. Masalan, xilvat joylarda namoz o‘qishingiz mumkin. Ro‘za tutish ham qiyinchilik tug‘dirmaydi, chunki Ramazon oyida kunduzi ovqat taklif qilinsa, osonlik bilan uzr ayta olasiz.

Shu oʻrinda uchta narsani eslatib o‘tmoqchiman:

Birinchidan: dinni qabul qilishning asosiy sababi — Alloh subhanahu va taoloning roziligini izlash bo‘lishi kerak. U Zot O‘zining muborak Kitobi Qur’oni Karimda aytganidek, Alloh Islomdan boshqa dinni qabul qilmaydi:

﴿وَمَنْ يَبْتَغِ غَيْرَ الْإِسْلَامِ دِينًا فَلَنْ يُقْبَلَ مِنْهُ وَهُوَ فِي الْآخِرَةِ مِنَ الْخَاسِرِينَ ۝٨٥﴾

«Kimda-kim Islomdan o‘zga din istasa, bas (uning «dini» Alloh huzurida) hargiz qabul qilinmaydi va u Oxiratda ziyon ko‘rguvchilardandir» (Oli Imron: 85).

Ikkinchidan, Islomga kirishingizdan maqsad — oxiratda jahannam olovida abadiy qolishdan qutulish va kengligi osmonlar va yer qadar bo‘lgan jannatga erishish bo‘lsin. Islomga kirishingiz uchun turtki musulmon erkak bilan munosabatingizdan kelib chiqadigan hissiyotlar bo‘lmasligi lozim. Shuni bilginki, Islomga kirishingiz u bilan turmush qurishingiz yoki qurmasligingizdan qat’i nazar zarurdir.

Uchinchidan, Allohga va Uning Rasuli Muhammad sollallohu alayhi vasallamga itoat qilish eng yaqin qarindoshga, hatto ona yoki erga bo‘lgan itoatdan ham ustun turadi. Hidoyat payg‘ambari Muhammad sollallohu alayhi va sallam, Parvardigori tomonidan vahiy bilan gapiruvchi zot, shunday deganlar:

عَنْ أَنَسٍ، عَنِ النَّبِيِّ ﷺ قَالَ: «ثَلَاثٌ مَنْ كُنَّ فِيهِ وَجَدَ حَلَاوَةَ الْإِيمَانِ: أَنْ يَكُونَ اللهُ وَرَسُولُهُ أَحَبَّ إِلَيْهِ مِمَّا سِوَاهُمَا، وَأَنْ يُحِبَّ الْمَرْءَ لَا يُحِبُّهُ إِلَّا لِلهِ، وَأَنْ يَكْرَهَ أَنْ يَعُودَ فِي الْكُفْرِ كَمَا يَكْرَهُ أَنْ يُقْذَفَ فِي النَّارِ».

Anas roziyallohu anhudan rivoyat qilinadi: «Nabiy sollallohu alayhi vasallam: «Uch narsa borki, ular kimda bo‘lsa, u iymon halovatini topibdi: Alloh va Uning Rasuli unga boshqa hamma narsadan sevimli bo‘lishi; bir kishini yaxshi ko‘rsa, uni faqat Alloh uchungina yaxshi ko‘rishi; kufrga qaytishni xuddi olovga tashlanishni yomon ko‘rgandek yomon ko‘rishi», dedilar» (Sahihi Buxoriy, 16).

U zot yana aytganlar:

عَنْ أَنَسِ بْنِ مَالِكٍ قَالَ: قَالَ رَسُولُ اللهِ ﷺ: « لَا يُؤْمِنُ أَحَدُكُمْ حَتَّى أَكُونَ أَحَبَّ إِلَيْهِ مِنْ وَلَدِهِ وَوَالِدِهِ وَالنَّاسِ أَجْمَعِينَ ».

Anas ibn Molik roziyallohu anhudan rivoyat qilinadi: «Rasululloh sollallohu alayhi vasallam: «Sizlardan birortangiz men unga farzandidan, ota onasidan va barcha odamlardan sevimliroq bo‘lmagunimcha mo‘min bo‘lmaydi», dedilar» (Sahihi Muslim, 44).

Uchinchidan: Agar siz Islomga kirib, onangizdan ayrilib qolishdan qo‘rqsangiz, ya’ni u kofir, siz esa musulmon boʻlganingiz sababli Islom sizdan uni tark etishni talab qiladi, deb o‘ylasangiz, bu noto‘g’ri tushuncha. Chunki Islom ota-ona kofir bo‘lsa ham ularga yaxshilik qilishga buyuradi. Ehtimol, siz Islomga kirsangiz, onangizga yanada yaxshiroq munosabatda bo‘larsiz, bu esa uni ham Islomga kirishga undashi mumkin. Shunday ekan, Islomni qabul qilishga va onangizni hamda boshqalarni ham ushbu haq dinga da’vat etishga shoshiling. Bu din Alloh taoloning yagona O‘ziga ibodat qilishga asoslangan. Agar siz shunday qilsangiz, o‘zingizni va onangizni do‘zaxdan qutqarganingiz uchun toʻliq baxt-saodatga erishasiz.

Alloh sizning Islomni qabul qilishingizni tezlashtirsin, iymoningizni mustahkam qilsin, solih turmush o‘rtoq va yaxshi farzandlar ato etsin.

Alloh to‘g‘ri yo‘lga hidoyat qilguvchidir.

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

0

O’xshash fatvolar

  • Xatna qilish va yangi musulmon uchun ism tanlash

    Men Daniyalik yigitman, ancha vaqtdan beri Islom diniga qiziqib kelaman. Hozir shunday bosqichga yetdimki, toʻlaqonli musulmon bo‘lishga qat’iy qaror qildim. Mening savollarim quyidagicha:1. Musulmon bo‘lish uchun xatna qilingan bo‘lishim kerakmi (buni mamnuniyat bilan qabul qilaman)? Buni shifokor yoki imom bajaradimi yoki o‘zim qila olamanmi? 2. Musulmon bo‘lganimda ismimni o‘zgartirish haqiqatan ham quvonchli voqea bo‘lishini his qilyapman. Quyidagi ismlardan qaysi biri yangi ismim sifatida eng maqbul bo‘lishini bilmoqchiman: Qosim, Osim, Taymulloh yoki Said. Xabarimga javob bersangiz, minnatdor bo‘lardim.

  • Musulmonlar Falastinda tinch yashasalar boʻlmaydimi?!

    Men isloh umidida gapiryapman. Muqaddas Kitobga (Injilga) ko‘ra, Isroil degan davlat yo‘q, faqat Falastin bor, ham arab, ham yahudiy xalqlari Ibrohim alayhissalomning naslidandir. Aslida ular birodardirlar. Shunday ekan, nega ular Falastin deb ataluvchi yurtda uyg‘unlikda, ahil-inoq yashay olmaydilar?

  • Har bir guruh uchun xatolarni tuzatuvchi nazoratchi qo‘yish

    Ba’zi sayohatlarda Qur’on o‘qish dasturi bo‘ladi va ular alohida halqalarga (guruhlarga) bo‘linadi. Har bir halqa(guruh)ga Qur’onni yaxshi o‘qiydigan va xatolarni to‘g‘rilaydigan bir kishi boshchilik qiladi. Bunda biror noto‘g‘ri narsa bormi?

  • Bir bemor ustida bir nechta kishi Ruqiya qilishi

    Bir bemorning ustida bir vaqtning o‘zida bir nechta qori qiroat qilishi joizmi?

  • Qur’onni bu nom bilan kim atagan

    Qur’onni bu nom bilan kim atagan? Men bir jurnalda Abu Bakr roziyallohu anhu deb o‘qidim, ammo buning to‘g‘riligiga ishonmayman, chunki Alloh subhanahu va taolo Inson surasida:إِنَّا نَحْنُ نَزَّلْنَا عَلَيْكَ الْقُرْآنَ تَنْزِيلًا«(Ey Muhammad alayhis-salotu vas-salom), albatta Bizning o‘zimiz sizga bu Qur’onni bo‘lib-bo‘lib nozil qildik» (Inson: 23), degan.Aziz birodarim, iltimos, menga bu masala haqida aniq tushuntirish bering.

  • Juma xutbasini tarjima qilish

    Agar jamoatning aksariyati arab tilini tushunmasa, imom juma namozida ingliz tilida xutba qilishi joizmi?