O'qildi: 590
28.06.2025
/ 3 Muharram 1447
Fatvo mavzusi: Bidʼat — dindagi yangiliklar » Fiqh » Fiqh asoslari
Savol
Qur’on oyatlarini ma’lum bir maqsad uchun o’qish joizmi? Masalan, Allohning ismlaridan birini 99 marta takrorlab, so‘ng duo qilib, Allohdan o‘sha tilagimni so‘rasam bo‘ladimi? Bu Allohga tavassul qilish qabilidan bo’lib, unga shirk aralashib qolmaydimi?
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Alloh taolo aytadi:
«Allohning go‘zal ismlari bordir. Bas, Unga o‘sha (ism)lar ila duo qiling» (A’rof: 180).
Allohga Uning goʻzal ismlari bilan duo qilishga misol: duo qiluvchi «Yo Rahmon, menga rahm qil», «Yo Tavvob, gunohlarimni kechir», «Yo Razzoq, meni rizqlantir» va shunga o‘xshash duo qilish.
Ammo muayyan oyatni muayyan son (99 marta yoki boshqa son) bilan cheklash va uni ishonchli dalilga asoslanmay o‘qish, bu amal bid’at va harom ish sanaladi. Chunki bu shariatda vorid boʻlmagan shaklda Allohga ibodat qilishdir. Payg‘ambar sollallohu alayhi va sallam shunday deganlar:
Oisha roziyallohu anhodan rivoyat qilinadi: «Rasululloh sollallohu alayhi vasallam: «Kim ushbu ishimizda (dinimiz, shariatimizda) unda yo‘q narsani paydo qilsa, u marduddir», dedilar» (Buxoriy: 2697).
Eng to‘g‘ri yo‘l — Muhammad sollallohu alayhi va sallamning yo‘llaridir. Allohning diniga yangilik kiritishga o‘rin yo‘q. Nahotki biz Payg‘ambarimiz bilmagan yangi narsalarni dinimizda kashf eta olsak?! Biz Qur’onni u zot o‘qiganidek o‘qishimiz, u zot duo qilganidek duo qilishimiz va u zotdan kelgan zikrlarni aytishimiz kerak.
Alloh muvaffaq qiluvchi va to‘g‘ri yo‘lga hidoyatlaguvchidir.
Bu javob foydali bo’ldimi?