Mavzular

Yangi fatvolar

Maqolalar

Kitoblar

Saqlanganlar

Murakkab qidiruv

Loyiha haqida

Fikr bildiring

Bosh sahifa » Fiqh asoslari » Fiqh » Ayollarni xatna qilish vojib emas
0 – 0
Fatvo: 427

O'qildi: 928

22.06.2025

/ 26 Zulhijja 1446

Fatvo mavzusi: »

Ayollarni xatna qilish vojib emas

Savol

Bir ayol xotin-qizlarni xatna qilish hukmi borasida soʻramoqda, chunki u Payg‘ambar sollallohu alayhi va sallamning ayol kishini qanday xatna qilinishini o‘rgatganlari haqidagi hadisni oʻqigan ekan. Ayollarni xatna qilish vojibmi yoki sunnatmi? Agar vojib bo‘lsa, bu qanday bajariladi va qaysi qismini kesish kerak?

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Ibn Qudoma rahimahulloh «Mug‘niy» kitobida aytadi: «Xatnaga kelsak, u erkaklar uchun vojib, ayollar uchun makruma, ya’ni hurmat yuzasidan qilinadigan ish va ular uchun vojib emas. Aksar ulamolarning fikri shunday. Imom Ahmad aytadi: «Erkak uchun qattiqroq… ayol uchun yengilroq» (Al-Mug‘niy, 1/70).

«Ayolni xatna qilish siydik chiqadigan yerdan yuqoridagi klitor (xo‘roz tojiga o’xshash teri)ning bir qismini kesish orqali amalga oshiriladi. Sunnatga ko‘ra, uning hammasini emas, faqat bir qismini olib tashlash kerak» (Mavsu’atul fiqhiyya, 19/28).

Bu masalada ayolning manfaatlarini hisobga olish maqsadga muvofiq: agar klitor katta bo‘lsa, uning bir qismini olib tashlash, aks holda uni asl holatida qoldirish kerak. Klitorning o‘lchami ayoldan ayolga farq qiladi va issiq iqlimda yashovchilar bilan sovuq iqlimda yashovchilar o‘rtasida tafovutlar bo‘lishi mumkin.

Nabiy sollallohu alayhi va sallamdan ayollarni xatna qilish haqida hadis rivoyat qilingan bo‘lib, unda:

«الخِتانُ سُنَّةٌ لِلرِّجالِ، مَكْرُمَةٌ لِلنِّساءِ»

«Xatna erkaklar uchun sunnat, ayollar uchun makruma, ya’ni hurmat yuzasidan qilinadigan ishdir», deyilgan.
Biroq, bu hadisning sahihligi borasida ixtilof bor. Qarang: «Zaif hadislar silsilasi», 1935-raqam.

Xatna qilish usuli haqida Ummu Atiyya roziyallohu anhodan hadis kelgan:

عَنْ أُمِّ عَطِيَّةَ الْأَنْصَارِيَّةِ، أَنَّ امْرَأَةً، كَانَتْ تَخْتِنُ بِالْمَدِينَةِ فَقَالَ لَهَا النَّبِيُّ صَلَّى اللهُ عَلَيْهِ وَسَلَّمَ: « لَا تَنْهِكِي فَإِنَّ ذَلِكَ أَحْظَى لِلْمَرْأَةِ، وَأَحَبُّ إِلَى الْبَعْلِ ». قَالَ أَبُو دَاوُدَ: مُحَمَّدُ بْنُ حَسَّانَ مَجْهُولٌ، وَهَذَا الْحَدِيثُ ضَعِيفٌ

Ummu Atiyya Ansoriya roziyallohu anhodan rivoyat qilinadi: «Madinada bir ayol xatna qilar edi. Nabiy sollallohu alayhi vasallam unga: «Uncha tagidan olma. Shunday bo‘lishi ayol uchun lazzatbaxsh, eri uchun mahbubdir», dedilar». Bu hadisni Abu Dovud «Sunan»ining «Odob kitobi»da rivoyat qilgan va «Bu hadis zaif», degan.

Yuqorida keltirilgan ulamolarning fikrlari yetarli bo‘lsa kerak.

Alloh taolo yaxshiroq bilguvchidir.

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

6

O’xshash fatvolar

  • Bankda ishlash joizmi?

    Menga bir bankning kompyuter bo‘limida tizim muhandisi bo‘lib ishlaydigan kishidan sovchi keldi. Bu kasbning hukmini bilmoqchi edim. Yigitning daromadi halolmi yoki yoʻqmi degan xavotirdaman. Ushbu kasbdan keladigan daromad halolmi yoki harommi?

  • Xayriya mablagʻlaridan zakot berish vojibmi?

    Bir guruh odamlar ma’lum miqdorda pul yig‘ib, bu pulni ulardan birortasining boshiga tushadigan musibatlar, masalan, qasdsiz qotillik diyasi (xun puli) uchun ajratib qoʻyishdi. Soʻng bu pulni investitsiya qilish uchun tijoratga kiritdilar va undan keladigan foyda o‘zaro kelishilgan xayriya maqsadlariga sarflanadi. Bu puldan zakot berish vojib bo‘ladimi? Shuningdek, insonlar zakotini ushbu xayriya jamg‘armasiga berishlari joizmi?

  • Musulmon va kofir bir-biridan meros oladimi?

    Musulmon kishi kofir qarindoshi o‘lsa, undan meros oladimi? Buning aksi boʻlsa-chi? Islom dinida turli din vakillarining bir-birlaridan meros olishlarining hukmi qanday?

  • Hojilar duch keladigan qiyinchiliklar

    Haj qilmoqchi bo‘lgan kishi duch keladigan qiyinchiliklar nimalardan iborat?

  • Musulmonning ruhiyati va hayotiga hajning ta’siri

    Haj ibodati musulmon kishining nafsi va hayotiga qanday ta’sir etadi?

  • Qarzdor qarz bergan kishini topa olmasa, nima qiladi?

    Bir necha yil oldin bir do‘stimdan qarz olgan edim, lekin uning qayerdaligini bilmayman, uni uzoq vaqt izladim, lekin topa olmadim. Bu menga katta tashvish tug‘dirmoqda. Qarz olgan pulimni nima qilishim kerak? Shuningdek, men qarz olgan valyutaning qiymati so‘nggi yillarda pasayib ketdi. Men pulni olganimdek qaytarishim shartmi yoki valyutaning qadrsizlanishi ahamiyatsizmi?