Mavzular

Yangi fatvolar

Maqolalar

Kitoblar

Saqlanganlar

Murakkab qidiruv

Loyiha haqida

Fikr bildiring

Bosh sahifa » Ilm va daʼvat » Daʼvat » Gʻayridinlarni Islomga chaqirish » Islomni qabul qilgani uchun kofira onasi undan voz kechdi
0 – 0
Fatvo: 2644

O'qildi: 63

11.02.2026

/ 23 Shaban 1447

Fatvo mavzusi:

Islomni qabul qilgani uchun kofira onasi undan voz kechdi

Savol

Onam musulmon emas. U men bilan 13 yil oldin aloqani uzgan. Unga xat yozsam, javob bermaydi, qo‘ng‘iroq qilsam, telefonni oʻchirib qoʻyishi mumkin. Manzilini oʻzgartirgan, men uning yangi manzilini bilaman, lekin borsam, yana o‘zgartiradi. Agar biror kishi men haqimda yaxshi gapirsa, u uni men tomonga yon bosyabdi deb haqorat qiladi. Bilaman, u ruhiy kasal va ilgari kasalxonada yotgan. Uyda bo‘lganida yolg‘iz qolishni ma’qul ko‘radi. U Islomga qarshi ekanligini aytgan, shundan uning siqilishi sababi mening Islomni qabul qilganim ekanini bildim. Men nima qilishim kerak? Maslahat beringlar, Alloh sizlarni yaxshilik bilan mukofotlasin.

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Javobning qisqacha mazmuni:

Aziz muslima singlim, siz diningizda sobit turishingiz va Alloh buyurganidek onangizga yaxshilik qilishingiz lozim. Agar onangiz sizdan yuz o‘girsa va yaxshiligingizni qabul qilmasa, sizda hech qanday gunoh yo‘q. Aksincha, siz hidoyatdasiz. Garchi bu ish sizni xafa qilsa ham, bu yoʻlda sabr qiling, chunki siz haq uzradirsiz.


Batafsil javob:

Sodiq mo‘min shuni biladiki, Alloh taoloning O‘zining sodiq bandalariga bo‘lgan sunnati ularni turli sinovlar bilan imtihon qilishdir. Bu orqali ularning sabr-u matonati va fazilatlari namoyon bo‘ladi, martabalari yuksaladi, sabr-qanoatlari uchun mukofotlari ko‘payadi hamda haqiqatga ergashishdagi samimiyatlari ayon bo‘ladi. Alloh taolo aytadi:

﴿وَلَنَبْلُوَنَّكُمْ حَتَّىٰ نَعْلَمَ الْمُجَاهِدِينَ مِنْكُمْ وَالصَّابِرِينَ وَنَبْلُوَ أَخْبَارَكُمْ ۝٣١﴾

«Albatta Biz, to sizlarning orangizdagi (Bizning yo‘limizda molu-jonlari bilan) jihod qilguvchi va (yaxshi-yomon kunlarda) sabr qilguvchi zotlarni bilgunimizcha, hamda sizlarning holi-xabarlaringizni tekshirib — yuzaga chiqargunimizcha, sizlarni imtihon qilurmiz» (Muhammad: 31).

Sinov turlaridan biri insonning mushriklardan eshitadigan turli ozorlaridir. Ular insonni dinidan qaytarish uchun bor mahoratlarini ishga solishadi. Ruhiy bosim o‘tkazish orqali g‘azablantirishga harakat qilishadi. Alloh subhonahu va taolo bu ishni o‘z Kitobida zikr qilgan va bu ozorlarga qanday qarshi turish kerakligiga ishora qilib, shunday degan:

﴿لَتُبْلَوُنَّ فِي أَمْوَالِكُمْ وَأَنْفُسِكُمْ وَلَتَسْمَعُنَّ مِنَ الَّذِينَ أُوتُوا الْكِتَابَ مِنْ قَبْلِكُمْ وَمِنَ الَّذِينَ أَشْرَكُوا أَذًى كَثِيرًا ۚ وَإِنْ تَصْبِرُوا وَتَتَّقُوا فَإِنَّ ذَٰلِكَ مِنْ عَزْمِ الْأُمُورِ ۝١٨٦﴾

«(Ey mo‘minlar), albatta molu jonlaringizda imtihon qilinursizlar (ya’ni, Alloh taolo mol va jonlaringizga xilma-xil ofatu balolar yuborib, sizlarning iymoningizni tekshirib ko‘rar) va albatta sizlardan ilgari Kitob berilgan kimsalar (yahudiy va nasroniylar) tomonidan hamda mushriklar tomonidan ko‘p aziyat-malomatlar eshitajaksizlar. Agar (ozorlariga) sabr-toqat qilsangizlar va Allohdan qo‘rqsangizlar (najot topursiz). Chunki bu ish (ya’ni, sabr-toqatli bo‘lib, Allohdan qo‘rqish) ishlarning maqsadga muvofig‘idir» (Oli Imron: 186).

Modomiki zulm inson ruhiga qattiq ta’sir qilar, ozor esa uning qalbiga og‘ir botar ekan, endi bu insonga eng yaqin, u bilan goʻsht-u-qon rishtalari bogʻlangan kishilardan sodir boʻlsa, qanday og’ir boʻlmasin?! Endi bu ozor beruvchi oʻz tuqqan onasi bo‘lsa-chi?! Shoir aytganidek:

وَظُلمُ ذَوي القُربى أَشَدُّ مَضاضَةً
عَلى المَرءِ مِن وَقعِ الحُسامِ المُهَنَّدِ

Yaqinlarning jabri achchiq, alamliroqdir,
O‘tkir hindiy qilichdan ham tilimliroqdir.

Lekin moʻmin, garchi eng yaqin qarindoshlaridan eng qattiq ozor koʻrsa ham, boʻshashmaydi va ortga chekinmaydi, balki ozor beruvchi yoki aloqani uzib, yuz o‘giruvchi ona bilan muomala qilishda ham Qur’onga ergashadi, quyidagi qissada ko‘rsatilganidek:

حَدَّثَنِي مُصْعَبُ بْنُ سَعْدٍ ، عَنْ أَبِيهِ «أَنَّهُ نَزَلَتْ فِيهِ آيَاتٌ مِنَ الْقُرْآنِ، قَالَ: حَلَفَتْ أُمُّ سَعْدٍ أَنْ لَا تُكَلِّمَهُ أَبَدًا حَتَّى يَكْفُرَ بِدِينِهِ، وَلَا تَأْكُلَ وَلَا تَشْرَبَ! قَالَتْ: زَعَمْتَ أَنَّ اللهَ وَصَّاكَ بِوَالِدَيْكَ، وَأَنَا أُمُّكَ، وَأَنَا آمُرُكَ بِهَذَا! قَالَ: مَكَثَتْ ثَلَاثًا حَتَّى غُشِيَ عَلَيْهَا مِنَ الْجَهْدِ، فَقَامَ ابْنٌ لَهَا يُقَالُ لَهُ عُمَارَةُ فَسَقَاهَا، فَجَعَلَتْ تَدْعُو عَلَى سَعْدٍ، فَأَنْزَلَ اللهُ ﷿ فِي الْقُرْآنِ هَذِهِ الْآيَةَ: ﴿وَوَصَّيْنَا الإِنْسَانَ بِوَالِدَيْهِ حُسْنًا﴾ ﴿وَإِنْ جَاهَدَاكَ عَلَى أَنْ تُشْرِكَ بِي﴾، وَفِيهَا: ﴿وَصَاحِبْهُمَا فِي الدُّنْيَا مَعْرُوفًا﴾».

Mus’ab ibn Sa’d otasi roziyallohu anhudan rivoyat qiladi: «Qur’onda u kishi (otam Sa’d) haqida bir necha oyatlar nozil bo‘lgan. Sa’dning onasi u dinidan qaytmagunicha unga gapirmaslikka va yeb ichmaslikka qasam ichgan ekan. U (onasi): «Alloh menga ota-onamga itoat qilishni buyurgan deysan, men onangman, men senga shuni buyuryapman», degan ekan, uch kun shu ahvolda turib, so‘ng qiynalganidan hushidan ketib yiqilgan ekan. Umora degan o‘g‘li borib, unga suv beribdi. U esa Sa’dni duoyi bad qila boshlabdi. Shunda Alloh azza va jalla Qur’ondagi «…insonga ota-onasiga yaxshilik qilishni amr qildik. Agar ular seni o‘zing bilmagan narsani Menga shirk keltirishga majburlashsa… (…ularga itoat etmagin)» (Ankabut: 8) degan oyatni va «…dunyoda esa ular bilan ma’ruf-la yashagin» (Luqmon: 15) oyatini nozil qilgan ekan» (Sahihi Muslim, 1748).

Nabiy sollallohu alayhi vasallam eng yaqin qarindoshlaridan, jumladan, amakilari Abu Lahab tarafidan yolgʻonchilikda ayblandilar. Lekin bu vaziyat qanchalik og‘ir bo‘lsa ham, bu narsa u zotni da’vatdan va dinni yetkazishdan to‘smadi.

عَنْ رَبِيعَةَ بْنِ عِبَادٍ الدِّيلِيِّ، وَكَانَ جَاهِلِيًّا أَسْلَمَ، فَقَالَ: رَأَيْتُ رَسُولَ اللهِ صَلَّى اللهُ عَلَيْهِ وَسَلَّمَ بَصَرَ عَيْنِي بِسُوقِ ذِي الْمَجَازِ، يَقُولُ: «يَا أَيُّهَا النَّاسُ قُولُوا: لَا إِلَهَ إِلَّا اللهُ، تُفْلِحُوا» وَيَدْخُلُ فِي فِجَاجِهَا وَالنَّاسُ مُتَقَصِّفُونَ عَلَيْهِ، فَمَا رَأَيْتُ أَحَدًا يَقُولُ شَيْئًا، وَهُوَ لَا يَسْكُتُ، يَقُولُ: «أَيُّهَا النَّاسُ قُولُوا: لَا إِلَهَ إِلَّا اللهُ تُفْلِحُوا» إِلَّا أَنَّ وَرَاءَهُ رَجُلًا أَحْوَلَ وَضِيءَ الْوَجْهِ، ذَا غَدِيرَتَيْنِ يَقُولُ: إِنَّهُ صَابِئٌ، كَاذِبٌ، فَقُلْتُ: مَنْ هَذَا؟ قَالُوا: مُحَمَّدُ بْنُ عَبْدِ اللهِ، وَهُوَ يَذْكُرُ النُّبُوَّةَ، قُلْتُ: مَنْ هَذَا الَّذِي يُكَذِّبُهُ؟ قَالُوا: عَمُّهُ أَبُو لَهَبٍ

Rabia ibn Ibod ad-Diyliydan rivoyat qilinadi — u johiliyatda yashab, so‘ng Islomga kirgan edi — u shunday deydi: «Rasululloh sollallohu alayhi vasallamni Zul-Majoz bozorida o‘z ko‘zim bilan ko‘rdim. U zot: «Ey odamlar, «La ilaha illalloh» denglar, najot topasizlar», der edilar. U zot bozorning ko‘chalariga kirardilar, odamlar esa u zotning atrofiga yopirilib (to‘planib) olishgan edi. Biror kishining biron narsa deganini ko‘rmadim, u zot esa sukut qilmasdan: «Ey odamlar, «La ilaha illalloh» denglar, najot topasizlar», der edilar. Faqat u zotning ortlarida g‘ilayroq, yuzi nurli, ikkita o‘rilgan sochi bor bir kishi: «U sobi’ (ota bobosining dinidan qaytgan), yolg‘onchi», deb turardi. Men: «Bu kim?» dedim. Ular: «Bu Muhammad ibn Abdulloh, u payg‘ambarlikni da’vo qilmoqda», deyishdi. Men: «Uni yolg‘onchiga chiqarayotgan bu kishi kim?» deb so‘radim. Ular: «Amakisi Abu Lahab», deyishdi» (Musnadi Ahmad, 16023; Hadis hukmi: «sahih ligʻoyrihi». Manba: «Shuayb Arnaut taxriji», 16023).

Ey muslima singlim, diningizda sobit turishingiz va Alloh buyurganidek onangizga yaxshilik qilishingiz lozim. Agar u sizdan yuz oʻgirsa va yaxshiligingizni rad etsa, sizga gunoh yoʻq, balki siz hidoyatdasiz, garchi onangizni ishi sizni xafa qilsa ham. Oʻzingiz turgan yoʻlda sabr qiling, chunki siz haq uzradirsiz.

Qoʻshimcha foyda uchun 12099, 35914 va 5326-raqamli javoblarga qarang.

Alloh bilguvchiroqdir.

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

0

O’xshash fatvolar

  • Nasroniy bilan jiddiy suhbat

    Men sahifangizni ko‘zdan kechirayotib, undan zavq oldim, chunki men diniy maktabda ta’lim olayotgan nasroniy talabaman va ko‘proq bilim olishni xohlayman. Quyidagi fikrlar haqidagi qarashlaringizni bilmoqchiman, ular to‘g‘rimi?1. Islomda: Jannat may, ayollar va qo‘shiqlardan iborat. Jannatga erishish yo‘li ana shu narsalardan tiyilish, so‘ngra ular bilan mukofotlanish, shuningdek, Islomning besh rukniga amal qilishdir.2. Islomda: Najot va azobdan qutulishning kafolati yo‘q. Faqat umr bo‘yi shu yo‘lda yursangiz, Allohning najotiga va xalos bo‘lishga erishasiz, deyiladi. Hech qanday kafolat mavjud emas. Kafolatsiz yashash menga yoqmaydi. Men musulmonlar asliy gunohga ishonmasliklarini bilaman, lekin inson gunohkor boʻlib tugʻiladimi yoki yoʻqmi, bundan qatʼi nazar, inson xatokor va koʻp xato qiluvchi ekaniga qoʻshilmaysizmi? Inson o‘z xatolari va gunohlari bilan nima qiladi? Tavba haqida bilaman, ammo menga Alloh huzurida hech kim najot topolmaydigandek tuyuladi. Shu sababli, bizni o‘tmishdagi, hozirgi va kelajakdagi gunohlarimizdan xalos etish uchun O‘z O‘g‘lini bizning uchun qurbon qilib, xochga mixlanib oʻldirilishi uchun yubordi.3. Islomda najot kafolati yo‘q, bunday kafolatsiz yashash haqiqatan ham dahshatli narsa. Hayotingizni yashab, qiyomat kunida xalos boʻlishingiz uchun yetarlicha solih amallar qildingizmi yoki yoʻqmi, bilmaysiz, yetarlicha namoz oʻqidingizmi yoki yoʻqmi, bilmaysiz va hokazo… Bu haqiqatan ham dahshatli.Men koʻplab musulmon hamkasblarimdan o‘limdan so‘ng jannat yoki do‘zaxga borishlariga ishonchlari komilmi, deb so‘raganimda, ulardan ijobiy javob ololmadim. Islomda hech qanday kafolat yo‘q, chunki (bu din vakillari nasroniylardan farqli oʻlaroq, birgina) Iso Masihga ishonish orqali najot topishga ishonishmaydi; Islom insonning xatti-harakatlari va amallariga bog‘liq.Men musulmon bo‘lishni xohlasam ham buni qila olmayman. Agar musulmonlar o‘zlarini xalq orasidan tanlangan deb hisoblashsa, nega dinlarini yoymaydilar? Bu faqatgina musulmon bo‘lib tug‘ilganingiz uchun omadli bo‘lishga asoslanganmi?Agar kimdir nasroniy bo‘lishni istasa, u buni qila oladi. Har kim bir necha soniyada nasroniy bo‘lishi mumkin. Men tug‘ilganimda nasroniy bo‘lmaganman. Nasroniylar Iso Masih Allohga olib boradigan yagona yo‘l ekanligini ta’kidlaydilar.Iso Masihning o‘zi shunday degan: «Men Yoʻl, Haqiqat va Hayotman. Hech kim Otaga mening yoʻlimsiz yeta olmaydi». U «Men yo‘llardan biriman» demadi, balki «Men yo‘lman» dedi.U yana: «Men va Otam birmiz», deb aytgan.Men qanday qilib biror kishi bu haqiqatlardan koʻr boʻlishi mumkinligini tushunmayman, magar ular buni avval eshitmagan boʻlsalar.Men sizdan javob va izoh kutib qolaman.

  • Xitoy millatdoshining Islom diniga ishtiyoqi va qalbidagi xavotirlari

    Islomni qabul qilishni orzu qilaman, lekin oziq-ovqat, ayniqsa cho‘chqa go‘shti masalasida ba’zi tashvishlarim bor. Men hali ham ota-onam bilan birga yashayman, biz asli xitoylikmiz va choʻchqa goʻshtidan tayyorlangan taom dasturxonimizdan aslo arimaydigan asosiy kundalik taomlardan hisoblanadi. Men Islomni qabul qilib, uyda ular bilan birga yashashda davom etsam, bilmagan holda yoki oldindan xabarim boʻlmay, choʻchqa goʻshtini tovuq goʻshti deb yeb qoʻyishdan xavotirdaman. Oilaviy yig‘inlar yoki tadbirlarda choʻchqa goʻshtidan tayyorlangan taomlardan o‘zimni tiyishga harakat qilaman, agar yeyishga majbur bo‘lsam, Allohga istigʻfor aytaman. Agar Islomni qabul qilsam va choʻchqa goʻshtini yeyishga majbur boʻlsam, Allohdan magʻfirat soʻrashim kerakmi? Men bu masaladan juda xavotirdaman va sizning maslahatingizga juda muhtojman.

  • Islomdan toʻsuvchi va loqaydlikka undovchilar

    Men so‘nggi bir necha oyni Islomni o‘rganish va tadqiq qilishga bag‘ishladim hamda yaqinda Qur’onni o‘qishni boshladim. Qalbimda shahodat kalimasini aytishga tayyorligimni his qilmoqdaman, ammo ba’zi musulmon do‘stlarim menga ishonishmayapti. Ular bu hayotni o‘zgartiruvchi qarorni shoshma-shosharlik bilan qabul qilmasligim haqida ogohlantirmoqdalar. Biroq, men chindan ham bu qadamni tashlashga tayyorman. Menga Islomga e’tiqod qilishim va Alloh barcha olamlarning Robbi, yagona Iloh ekanligiga guvohlik berishim uchun nima qilishim kerakligi haqida maslahat bera olasizmi? Shuni bilib qo‘yingki, men hayotimda hech qachon shoshilinch qaror qabul qilmaganman. Rahmat.

  • Islomda ayol kishi bilan muomala qilish

    Men musulmon bo‘lmoqchiman. Biroq avvalgi hayotim borasida xavotirlarim bor. O‘tmishdagi tajribalarim Allohning to‘g‘ri yo‘liga ergashishimga to‘sqinlik qilishidan qo‘rqaman. Ochiqchasiga gapirganim uchun meni ma’zur tutasiz.Islomda erkak va ayolning nikohsiz munosabatda bo‘lishi halol emas. Shu sababli Islomni qabul qilishdan oldin ichimda kurash avj olayotganini his qilyapman. Ammo men Islomni qabul qilishdan oldin bu narsalarga boshqacha qarardim. Endi esa o‘tmishimdagi ishlarimni Islom harom qilgani haqida ko‘p o‘qidim.Savolim, ayollar bilan munosabatda, istaklarim va shariat taqiqlagan narsalar o‘rtasida qanday muvozanat oʻrnatishim mumkin? Qanday yo‘l tutishim kerak-ki, bu istaklar meni yana gunohga boshlamasin va Islomdan uzoqlashtirmasin?

  • Vegeterian boʻlish joizmi?

    Men vegetarianman, ya’ni men go‘sht yoki hayvon mahsulotlarini yemayman. Islom dini menga yoqdi. Hayvon mahsulotlarini yemasdan turib, bu dinga kirish mumkinmi?

  • Islomga kirish basketbol o‘yinidan qaytaradimi?

    Men musulmon bo‘lmagan yosh yigitman. Agar Islom dinini qabul qilsam basketbol o‘ynashim joiz bo’ladimi?