Jin tegishi va sehr haqida

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Jin tegishi va sehr oʻrtasidagi farqlarni aniqlash boʻyicha baʼzi tajribali kishilar quyidagi belgilarni qayd etishgan:

Jin tegishining belgilari:

1. Azon yoki Qurʼon eshitganda kuchli bezovtalanish;
2. Dam solinayotganda hushidan ketish, tutqanoq yoki talvasaga tushish;
3. Koʻp yomon tushlar koʻris;
4. Yolgʻizlik, oʻzini chetga olish va gʻalati harakatlar;
5. Dam solinganda ichidagi jin gapirishi;
6. Alloh taolo aytganidek, majnundek boʻlib qolishi: 

«Ribo yeydigan (sudxoʻrlik qiladigan) kimsalar oxiratda qabrlaridan xuddi shayton urib, jinni boʻlgan kishidek dovdirab turadilar» (Baqara, 275).

Sehrning belgilari:

1. Sehr qilingan kishi oʻz ayolidan, yoki ayoli undan nafratlanib qoladi, Alloh taolo aytadi: 

«Odamlar bu ikki farishtadan er-xotinni bir-biriga yomon koʻrsatib, ajrashtirib yuboradigan narsalarni oʻrganishardi» (Baqara, 102).

1. Uy ichidagi holati va tashqaridagi holati butunlay boshqacha boʻladi. Tashqarida oilasini va uyini sogʻinadi, lekin uyga kirganda ulardan qattiq nafratlanadi.
2. Ayoli bilan jinsiy yaqinlik qila olmaslik.
3. Homilador ayolda doimiy ravishda homilaning tushishi.
4. Sababsiz xatti-harakatlarning keskin oʻzgarishi.
5. Ovqat yeyishga umuman ishtaha yoʻqligi.
6. Biror ishni qilgandek tuyuladi, lekin aslida qilmagan boʻladi.
7. Biror odamga nisbatan toʻsatdan kuchli va haddan tashqari muhabbat va itoatkorlik paydo boʻlishi.

Shuni taʼkidlash lozimki, yuqorida aytilgan belgilarning biror kishida topilishi har doim ham sehr yoki jin tekkanini anglatavermaydi. Baʼzi belgilarning sababi jismoniy yoki ruhiy kasalliklar boʻlishi ham mumkin.

Davolash yoʻllari:

1. Allohga tavakkal qilish va chin dildan U Zotga duo-iltijo aylash.
2. Sharʼiy ruqya va bu illatlardan saqlovchi boshqa duolarni, ayniqsa, Falaq va Nos suralarini oʻqish. Paygʻambar sallallohu alayhi vasallam ham ushbu suralar bilan sehrdan davolaganlar (Buxoriy, 5751). Bu ikki sura eng afzal qoʻrgʻon sanaladi. Qoʻshimcha oʻlaroq Fotiha va Ixlos suralari bilan ruqya qilish ham foydali ekani sobit boʻlgan.

Sehrni quyidagi shaklda mumkin: yetti dona yashil sidr yaprogʻini olib maydalang va idishga soling. Keyin unga yuvinish uchun yetarli miqdorda suv quying va quyidagi oyatlarni oʻqib dam soling:

• Oyat al-Kursiy,
• Kofirun surasi,
• Ixlos surasi,
• Falaq va Nos suralari,
• Sehr haqidagi oyatlar (Baqara surasi: 102-oyat; Aʼrof surasi, 117-119-oyatlar; Yunus surasi: 79-82-oyatlar; Toha surasi, 65-69-oyatlar).

Keyin bu suvdan bir qismini ichib, qolgan qismi bilan yuvining. Salafi solihlarning baʼzilari bu usulni sinab koʻrib, foyda berishini tasdiqlashgan.

1. Sehrni topib, yoʻq qilish.
   Paygʻambarimiz sollallohu alayhi vasallamni yahudiy Labid ibn Aʼsoam sehrlaganda, sehrni topib, yoʻq qilganlar. (Buxoriy, 5763)
2. Halol dorilardan foydalanish.
   Masalan, Madinada oʻsadigan “Oliya al-barniy” navli yetti dona xurmoni och qoringa isteʼmol qilish tavsiya etilgan. Agar bu turdagi xurmo topilmasa, har qanday xurmo foyda beradi, inshaalloh.
3. Hijoma (qon oldirish).
4. Duo qilish.
   Alloh taolodan akangizga shifo berishini va sizning ham, oilangizning ham dardlarini yengillatishini soʻraymiz. U Zot shifo beruvchidir, Allohdan boshqa shifo beruvchi yoʻqdir.