Mavzular

Yangi fatvolar

Maqolalar

Kitoblar

Saqlanganlar

Murakkab qidiruv

Loyiha haqida

Fikr bildiring

Bosh sahifa » Eʼtiqod masalalari » Iymon » Jinlar, sehr va nazarga iymon » Jin odamni o‘ldiradimi?
0 – 0
Fatvo: 1670

O'qildi: 295

10.10.2025

/ 18 Rabiul-oxir 1447

Fatvo mavzusi:

Jin odamni o‘ldiradimi?

Savol

Men sehrgarlik haqida ma’lumot olishni xohlayman. Uning ta’siri qanday? Sehrgar undan odam o‘ldirish uchun foydalanishi mumkinmi?

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Ha, sehrning ba’zi turlari o‘ldirishi mumkin. Ulamolar qasddan odam o‘ldirishning turlarini aytib, kimki boshqa bir insonni ko‘pincha o‘limga olib keladigan sehr bilan o‘ldirsa, undan qasos olish vojib bo‘lishini ta’kidlaydilar. Chunki u o‘sha insonni odatda o‘limga sabab bo‘ladigan vosita bilan o‘ldirgan hisoblanadi.

Ibn Qudoma rahimahulloh «Mug‘niy» kitobida (9/330) shunday deydi: «Oltinchi tur: odatda o‘limga olib keladigan sehr bilan insonni o‘ldirish. Bu holatda qasos vojib bo‘ladi, chunki u insonni pichoq bilan o‘ldirish kabi ko‘pincha o‘limga sabab bo‘ladigan narsa bilan o‘ldirgan. Agar u odatda o‘limga olib kelmaydigan yoki ba’zan o‘limga sabab bo‘lib, ba’zan oʻlimga olib bormasa, bu holatda qasos emas, balki diya (qon puli) talab qilinadi. Chunki bu tayoq bilan urish kabi bexosdan o‘ldirish hisoblanadi».

«Al-Mavsua al-Fiqhiya»da (24/267) sehr bilan odam o‘ldirgan sehrgarning hukmi haqida shunday deyilgan: «Ko‘pchilik ulamolar sehr bilan odam o‘ldirish qasddan bo‘lishi mumkin va bu holatda qasos vojib, degan xulosaga kelganlar. Molikiylarning fikricha, bu dalil yoki iqror bilan isbotlanadi.

Shofe’iylar esa, agar sehrgar qasosda e’tiborga olinadigan qonlar bo‘yicha o‘ziga teng (ya’ni, ozodlik va qullik jihatidan hamda din jihatidan bir xil) bo‘lgan kishini sehr orqali qasddan o‘ldirsa, undan qasos olish vojib bo‘ladi, deb hisoblaydilar. Bu esa sehrgarning haqiqiy yoki hukmiy iqror bo‘lishi bilan isbotlanadi, masalan «uni sehr qilib o‘ldirdim» yoki «uni falon narsa bilan o‘ldirdim» deyishi kabi. Bunda sehr ishidan avval xabardor boʻlib, keyin tavba qilgan ikki odil guvoh, sehrning bu turi ko‘pincha o‘limga sabab bo‘lishiga guvohlik beradi. Agar u aksar holatda o‘limga olib kelmasa, qasdga o‘xshash o‘ldirish (shibh amd) deb hukm qilinadi.

Alloh bilguvchiroqdir.

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

1

O’xshash fatvolar

  • Ramazonda shaytonlar kishanlanishiga qaramay, nega esnaymiz. Televideniye orqali tasvirlarni uzatish harommi?

    Ma’lumki, esnash shaytondandir. Ramazonda shaytonlar kishanlanishiga qaramasdan, nima uchun esnaymiz?Shuningdek, insonni suratga olish harom ekani ma’lum, unda televideniye orqali tasvirlarni uzatish harom hisoblanadimi?

  • Joynamoz yig‘ishtirilmasa jinlar namoz oʻqib qoʻyadimi?

    Bizda namoz o‘qib bo‘lgach, joynamozni yig‘ishtirib qo‘yish odat tusiga kirgan. Aytishlaricha, agar joynamoz yig‘ishtirib olinmasa, jinlar kelib, uning ustida namoz o‘qir yoki uyga jinlar kirib olar emish! Bu gap menga juda g‘alati tuyuldi, axir ular chindan ham bunda ibodat qilishsa, bu katta baxt-ku, shunday emasmi? Shar’iy manbalarda bu gapning biror asosi bormi yoki bu bid’at tushunchami?

  • Jinlar olami

    Qur’oni Karimda jinlar haqida o‘qidim, ammo ular haqiqatda nimaligini bilmayman. Iloji bo‘lsa, ular haqida qo‘shimcha ma’lumot berishingizni so‘rayman.

  • Payg‘ambar sollallohu alayhi va sallamga sehrning ta’siri

    Ibodatda hech kim tenglasha olmaydigan Payg‘ambar sollallohu alayhi va sallamdek zotga qanday qilib sehr qilishgan?

  • Odamga jin kirishi haqida

    So‘nggi kunlarda jinlarning inson tanasiga kirishi masalasi ko‘tarildi va bu aqlga sig‘maydigan holat deb da’vo qilinmoqda! Chunki yaratilishda asosiy farq bor: insonlar loydan, jinlar esa olovdan yaratilgan. Shaytonlar faqat vasvasa qilish qobiliyatigagina ega, Alloh ularga insonlar ustidan hukm yuritish huquqini bermagan! Shuningdek, bu boradagi yozib olingan videolavhalar esa dalil bo‘la olmasligi aytilmoqda. Siz bu haqda qanday fikrdasiz?

  • Kelgan odamlarga shaxsiy va maxfiy narsalar haqida xabar beruvchi shaxs

    Qalloblardan biri g‘aybni bilishini da’vo qiladi. U buni jin urgan kishilarga qiroat qilish orqali amalga oshiradi. U ularga o‘zi yozgan qog‘ozlarni yoqishni buyuradi va uni taqish uchun tumor qilib beradi. Agar davolanishga kelgan odam aroqxo‘r bo‘lsa, unga kecha aroq ichganini va qolgan aroq falon joyda ekanligini aytadi, shuningdek aroq ichishni to‘xtatmaguncha jin urishidan davolamayman, deb aytadi. Shunda o‘sha shaxs buni tan oladi. Bizga bu masala haqida fatvo bering. U bilan ovqatlanishimiz, salomlashishimiz va unga iqtido qilib namoz o‘qishimiz joizmi, chunki u ba’zan odamlarga imomlik qiladi? Biz unga nasihat qildik, lekin u nasihatimizni qabul qilmadi va to‘g‘ri yo‘lda ekanini aytdi. Iltimos, bizga fatvo bering, Alloh sizni mukofotlasin.