O'qildi: 129
18.11.2025
/ 27 Jumadal-ula 1447
Fatvo mavzusi: Ikki jins orasidagi munosabatlar
Savol
Men Kanadada universitet talabasiman va ilgari Islom davlatlaridan birida bo‘lib, biroz shar’iy ilm o‘rganganman. Universitetimda ba’zi musulmonlar bor, ularga dars beraman. Lekin dars paytida yigitlar chap tomonimda, qizlar esa o‘ng tomonimda bo‘ladi. Bu harom qilingan aralashishga kiradimi? Dars berish uchun qanday munosib taklif bor?
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Shahringizdagi musulmon talabalarga foydali darslar o‘tkazishdagi sa’y-harakatlaringiz uchun Alloh sizga ajr bersin. Kufr yurtlarida yashovchi musulmonlar dinlarini o‘rganishga juda muhtojdirlar. Sizning ilgari musulmon yurtlarida olgan tajribangiz bu yo‘lda foyda beradi, inshaalloh. Shuning uchun ularga tavhidni, to‘g‘ri islomiy aqidani o‘rgatishga, ibodatlarni fiqhiy jihatdan tushuntirishga, Payg‘ambar sollallohu alayhi vasallam va sahobalarning siyratini ko‘rsatishga e’tibor berishingizni tavsiya qilaman.
Siz so‘ragan masalaga kelsak, erkaklar va ayollarning bir halqada, bir-birlarining oldida o‘tirishlari xatardan xoli emas. Sizda ham bunga nisbatan xavotir sezilgan va shu sabab savol bergansiz, deb o‘ylaymiz. Ayniqsa, ayollarning hijobi to‘liq bo‘lmasligi yoki yuzlari erkaklar oldida ochiq bo‘lishi ehtimoli mavjud.
Shuning uchun sizga ikki narsadan birini taklif qilamiz:
Ayollar to‘liq hijobda erkaklar safi ortida o‘tiradilar. Shunda siz hammaga yuzlanib dars bera olasiz.
Agar ayollar to‘liq hijob kiyishni xohlamasalar, erkaklar bilan ayollar orasida tovush yetadigan to‘siq qo‘yiladi. Ular to‘siq ortidan savol berishlari yoki savollarni qog‘ozga yozib uzatishlari mumkin.
Alloh sizni va bizni yaxshilik qilishga, Alloh rozi bo‘ladigan yo‘lda da’vat qilishga muvaffaq qilsin.
Payg‘ambarimiz Muhammad Mustafoga Allohning salovoti va salomlari bo‘lsin.
Alloh bilguvchiroqdir.
Bu javob foydali bo’ldimi?