Fatvolar

Savol & Javob Platformasi

Mavzular

Yangi fatvolar

Maqolalar

Kitoblar

Saqlanganlar

Biz haqimizda

Fikr bildiring
Bosh sahifa » Fiqh asoslari » Fiqh » Masjidga qoʻshilgan joylarga hayzli ayolning kirishi
0 – 0
Fatvo: 183

O'qildi: 150

May 30, 2025

/ 22 Zulhijja 1446

Fatvo mavzusi: » » » » »

Masjidga qoʻshilgan joylarga hayzli ayolning kirishi

Savol

Masjidga qoʻshilgan joylarga hayzli ayolning kirishi hukmi qanday? Amerikada uch qavatli bir masjid bor: yuqori qavati ayollar uchun namozxona, ostidagi qavat asosiy namozxona, undan pastda esa (podval) tahoratxonalar, islomiy jurnal va gazetalar uchun joy, ayollar uchun oʻquv sinflari va namoz oʻqish joyi mavjud. Hayz holatidagi ayollar ushbu pastki qavatga kirishi joizmi? Shuningdek, masjidda qatorlarni ajratib turgan bir ustun bor. Bu ustun safni ikkiga boʻladimi yoki safni uzmaydimi?

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Agar ushbu bino masjid sifatida qurilgan boʻlsa va yuqori hamda pastki qavatdagilar imomning ovozini eshitishsa, hammalarining namozi durust boʻladi. Ammo hayzli ayollarga pastki qavatdagi namoz uchun ajratilgan joyda oʻtirish joiz emas, chunki u joy masjid hukmida boʻladi. Paygʻambar sollallohu alayhi vasallam:

فَإِنِّي لَا أُحِلُّ الْمَسْجِدَ لِحَائِضٍ وَلَا جُنُبٍ

 «Men masjidni hayzli ayolga va junubga halol qilmayman», dedilar (Abu Dovud, 232). Ammo ayol kishi faqat zarur buyumlarini olish uchun masjiddan oʻtadigan boʻlsa va qon oqmasligi uchun ehtiyotini olsa, buning zarari yoʻq. Chunki Alloh taolo aytadi: 

﴿ وَلَا جُنُبًا إِلَّا عَابِرِي سَبِيلٍ حَتَّىٰ تَغۡتَسِلُواْۚ ﴾

«Shuningdek, junub holingizda to gʻusl qilib poklanmaguncha namozga va masjidlarga yaqinlashmang. Faqat masjid ichidan oʻtib ketayotgan, uning bir eshigidan kirib, boshqa eshigidan chiqib ketayotgan kishi bundan mustasnodir» (Niso, 43).

عن عَائِشَةَ أُمِّ المُؤْمِنِينَ قاَلَتْ: قالَ لِي رَسولُ اللهِ ﷺ: ناوِلِينِي الخُمْرَةَ مِنَ المَسْجِدِ، قالَتْ فَقُلتُ: إنِّي حائِضٌ، فقالَ: إنَّ حَيْضَتَكِ ليسَتْ في يَدِكِ.

Oisha roziyallohu anhodan rivoyat qilinadi: «Rasululloh sollallohu alayhi vasallam masjiddan turib menga xumrani uzatishni buyurgan edilar, «Men hayzliman», dedim. U zot: «Hayzing qoʻlingda emas ku», dedilar» (Muslim, 298).

Agar pastki qavat masjid sifatida emas, balki savolga koʻra ombor va boshqa ehtiyojlar uchun moʻljallangan boʻlsa, u holda bu joy masjid hukmida boʻlmaydi. Hayzli yoki junub odamlarning bu joyda oʻtirishi joiz boʻlib, hojatxonalarga qoʻshilmagan toza joylarda namoz oʻqishi mumkin, chunki bu joy namoz oʻqish taqiqlangan joylardan emas. Biroq bu joyda namoz oʻqigan kishi imomni koʻrmasa yoki boshqa maʼmumlarni koʻrmasa yuqoridagi imomga ergashmasligi kerak, chunki bu joy sahih qavlga koʻra masjidga tegishli boʻlmaydi.

Safni ikkiga boʻluvchi ustunga kelsak, bu namozga zarar qilmaydi. Ammo imkon boʻlsa, saf ustunning oldida yoki ortida boʻlishi afzal. Shunda namoz mukammalroq boʻladi. Allohning Oʻzi toʻgʻri yoʻl koʻrsatuvchidir!

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

2

O’xshash fatvolar

  • Jonli mavjudotlarning rasmi boʻlgan jurnallar

    Ichida suratlar boʻlgan Islomiy jurnallarni saqlashning hukmi nima?

  • Meros masalasi

    Kimdir menga ushbu holatda meros boʻyicha shariat hukmini aytib bera oladimi: Mening otam vafot etdi, undan toʻrt oʻgʻil, uch qiz va onam merosxoʻr boʻlib qoldi.

  • Makruh vaqtda tahiyyatul masjid namozini oʻqish

    Agar kishi namoz oʻqishdan qaytarilgan vaqtda masjidga kirsa, ikki rakaat tahiyyatul masjid namozini oʻqiydimi?

  • Riboviy moldan foydalanish

    Savolim koʻplab muhtoj musulmonlar uchundir, ular oʻqish toʻlov-kontraktini toʻlay olmaganliklari sababli oʻquv dargohlaridan haydalmoqdalar. Ularning koʻpchiligida foizli bank hisoblari bor, lekin ular buni harom boʻlgani uchun ishlatmaydilar. Biz bu foizlarni nima qilishimiz kerak? Ularni bankka qoldirishimiz kerakmi yoki bu holatda gʻayriislomiy taʼlim muassasalariga oʻqish haqini toʻlash uchun ishlatish mumkinmi? Ishonarli dalillar keltirishingizni soʻrayman. Bu masala juda muhim va dolzarb, chunki yangi semestr endigina boshlandi va toʻlov-kontraktini toʻlash uchun mablagʻ yoʻq.

  • Ayollarning jamoat boʻlib namoz oʻqishlari hukmi

    Agar bir guruh ayollar jam boʻlishsa va ular orasida biror erkak boʻlmasa, bu holatda ular namozni jamoat boʻlib oʻqishadimi yoki har biri alohida-alohida oʻqishi kerakmi?

  • Sajdai sahvning qazosi bormi?

    Namozda sahv sajdasi qilish vojib boʻlib, salom berish asnosida unutib sajda qilinmasa namoz botil boʻladimi? Namozdan keyin bu holatni tuzatish yoʻli bormi yoki namozni toʻliq qayta oʻqish kerakmi? Agar kishi sunnat namozini oʻqiyotganda eslab qolsa, namozini toʻxtatishi kerakmi?