Alloh uchun yaxshi koʻrish

Savol

Suyukli shayximiz, mening sizga savolim yoʻq, lekin sizni Alloh uchun yaxshi koʻrishimni bildirib qoʻymoqchiman. Alloh taolodan sizga dunyo va oxiratda muvaffaqiyat berishini soʻrayman.

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Birodarim, sunnatga amal qilganingiz uchun Alloh sizni yaxshilik bilan mukofotlasin. Miqdom ibn Maʼdiy Kariba roziyallohu anhu rivoyat qilgan hadisda Rasululloh sollallohu alayhi vasallam dedilar:

«إِذَا أَحَبَّ أَحَدُكُمْ أَخَاهُ فَلْيُعْلِمْهُ إِيَّاهُ»

«Sizlardan biringiz birodarini yaxshi koʻrsa, bas, unga yaxshi koʻrishini bildirib qoʻysin» Imom Termiziy hasan hadis degan (Sunani Termiziy: 2393).

Anas ibn Molik roziyallohu anhudan rivoyat qilinadi:

«كُنْتُ جَالِسًا عِنْدَ رَسُولِ اللَّهِ صَلَّى اللَّهم عَلَيْهِ وَسَلَّمَ إِذْ مَرَّ رَجُلٌ ، فَقَالَ رَجُلٌ مِنَ الْقَوْمِ يَا رَسُولَ اللَّهِ إِنِّي لأُحِبُّ هَذَا الرَّجُلَ ، قَالَ : هَلْ أَعْلَمْتَهُ ذَلِكَ ، قَالَ : لا فَقَالَ قُمْ فَأَعْلِمْهُ ، قَالَ فَقَامَ إِلَيْهِ فَقَالَ : يَا هَذَا وَاللَّهِ إِنِّي لَأُحِبُّكَ فِي اللَّهِ ، قَالَ : أَحَبَّكَ الَّذِي أَحْبَبْتَنِي لَهُ»

Men Rasululloh sollallohu alayhi vasallam huzurlarida edim, oʻsha payt bir kishi oʻtib qoldi. Shunda qavmdan boʻlgan bir kishi: «Yo Rasululloh, men bu kishini yaxshi koʻraman», dedi. Rasululloh: «Sen unga yaxshi koʻrishingni yetkazdingmi?» deb soʻradilar. U: «Yoʻq», dedi. Rasululloh: «Yoniga borginda, unga yaxshi koʻrishingni bildirib qoʻy», dedilar. U oʻsha kishining oldiga bordida: «Allohga qasamki! Men seni Alloh uchun yaxshi koʻraman», dedi. Shunda u: «Meni kim uchun yaxshi koʻrgan boʻlsang, U Zot seni ham yaxshi koʻrsin», deb javob berdi» (Musnadi Ahmad: 12430; Sunani Abu Dovud: 5125).

Men ham sizga: Meni Alloh uchun yaxshi koʻrsangiz, Alloh taolo ham sizni yaxshi koʻrsin, deyman.

Fatvo manbasi

Maqola borasida fikringiz?

Bu javob foydali bo’ldimi?