Da’vatdagi ilk qadam

Savol

Agar kimdir boshqa bir insonni Islomga da’vat etmoqchi bo‘lsa, u da’vatni qanday boshlashi va nimaga da’vat qilishi kerak?

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Savol beruvchi odamlarni Allohga da’vat qilishni xohlayotganga o‘xshaydi. Da’vatni hikmat, chiroyli nasihat va muloyimlik bilan amalga oshirish va unda tahdid, ta’na va tanbehlardan chetlanish lozim. Allohga da’vat qiluvchilar eng muhim masalalarga e’tibor qaratib, so‘ng navbatdagi masalalarga o‘tishlari kerak. Rasululloh sollallohu alayhi vasallam elchilarini turli oʻlkalarga yuborgan paytlarida, ularga eng muhim masalalardan boshlashni, so‘ngra ahamiyat darajasiga qarab boshqa masalalarga oʻtishni buyurar edilar. Bunga U zotning Muozni Yamanga yuborayotganlaridagi koʻrsatmalari yaqqol misol boʻla oladi.

عَنِ ابْنِ عَبَّاسٍ « أَنَّ رَسُولَ اللهِ ﷺ لَمَّا بَعَثَ مُعَاذًا إِلَى الْيَمَنِ قَالَ: إِنَّكَ تَقْدَمُ عَلَى قَوْمٍ أَهْلِ كِتَابٍ، فَلْيَكُنْ أَوَّلَ مَا تَدْعُوهُمْ إِلَيْهِ عِبَادَةُ اللهِ ﷿، فَإِذَا عَرَفُوا اللهَ، فَأَخْبِرْهُمْ أَنَّ اللهَ فَرَضَ عَلَيْهِمْ خَمْسَ صَلَوَاتٍ فِي يَوْمِهِمْ وَلَيْلَتِهِمْ، فَإِذَا فَعَلُوا، فَأَخْبِرْهُمْ أَنَّ اللهَ قَدْ فَرَضَ عَلَيْهِمْ زَكَاةً تُؤْخَذُ مِنْ أَغْنِيَائِهِمْ فَتُرَدُّ عَلَى فُقَرَائِهِمْ، فَإِذَا أَطَاعُوا بِهَا فَخُذْ مِنْهُمْ، وَتَوَقَّ كَرَائِمَ أَمْوَالِهِمْ ».

Ibn Abbos roziyallohu anhumodan rivoyat qilinadi: «Rasululloh sollallohu alayhi vasallam Muozni Yamanga yuborayotib, shunday dedilar: «Sen ahli kitob qavmning huzuriga boryapsan. Ularni dastavval da’vat qiladigan narsang Alloh azza va jallaning ibodati bo‘lsin. Ular Allohni tanigach, Alloh ularga bir kecha-kunduzda besh mahal namozni farz qilganini xabar qil. Buni ado etishsa, Alloh ularga boylaridan olinib, faqirlarga beriladigan zakotni farz qilganini xabar qil. Agar bunga itoat qilishsa, ulardan (zakot) ol, biroq eng yaxshi mol-mulki(ni olish)dan saqlan» (Sahihi Muslim, 19).

Shu tarzda, musulmon o‘z da’vatini eng muhim jihatlardan boshlab, keyin ahamiyat darajasiga qarab davom ettiradi va da’vat uchun qulay fursat, mos vaqt va joyni tanlaydi. Ba’zida bir kishini o‘z uyiga taklif qilib suhbatlashish ma’qul bo‘lsa, boshqa hollarda uning uyiga tashrif buyurib da’vat qilish maqsadga muvofiq bo‘ladi. Shuningdek, da’vatni ayrim vaqtlarda amalga oshirish boshqa paytlarga qaraganda samaraliroq bo‘lishi mumkin. Har qanday holatda ham, dono va farosatli musulmon odamlarni haqqa da’vat qilishda bu masalaga qanday yondashishni yaxshi biladi.

Alloh taolodan bizni hidoyat qilib, to‘g‘ri yo‘lga boshlashini hamda oʻzlari adashmaydigan va boshqalarni ham adashtirmaydigan, o‘zlari ham hidoyatda bo‘lib, boshqalarni ham hidoyatga boshlaydigan kishilardan qilishini soʻraymiz.

Fatvo manbasi

Maqola borasida fikringiz?

Bu javob foydali bo’ldimi?

O’xshash fatvolar

Musulmonga turmushga chiqish uchun Islomga kirish
Mening asli Pokistonlik musulmon do‘stim (yigitim) bor. U hozir Yevropadagi bir davlatda yashamoqda, men esa Yevropaning boshqa bir davlatida yashayman va men nasroniy diniga e’tiqod qilaman. U mendan unga turmushga chiqishimni so‘radi va men rozi bo‘ldim, ammo muammo uning oilasida. Ular unga kelin tanlab qo‘yishgan, lekin u o‘sha qizga uylanishni xohlamaydi. Biroq, agar men Islomga kirmasam, u otasining hurmati uchun har qanday narsaga rozi bo‘lishi mumkin. Agar shunday yoʻl tutsam, u otasi bizning nikohimizga rozi bo‘lishiga umid qilyapti. Buni bilgach, undan: «Oilangiz sizning g‘arblik qizga uylanishingizga qanday munosabat bildiradi?», deb so‘radim. Biroq u bu savolga javob bera olmadi. Endi mening savolim: uning oilasining bu masalaga munosabati haqida qanday fikrdasiz? Agar men musulmon bo‘lsam, otasi rozi bo‘lishi mumkinmi?
Islomga kirish uchun boshlang‘ich nuqta
Men haqiqiy Islom diniga qiziqish bildirgan odam uchun boshlang‘ich nuqta borligini bilmoqchiman, chunki bu haqda turli xil javoblar olgandim.
Kofir yaqinining hidoyatini soʻrab duo qilish
Alloh menga yaqin bo‘lgan odamning qalbini Islomga ochishi uchun qanday duo qilish yoki qaysi oyatni o‘qish maqsadga muvofiq bo‘ladi?
Xatna qilish va yangi musulmon uchun ism tanlash
Men Daniyalik yigitman, ancha vaqtdan beri Islom diniga qiziqib kelaman. Hozir shunday bosqichga yetdimki, toʻlaqonli musulmon bo‘lishga qat’iy qaror qildim. Mening savollarim quyidagicha:1. Musulmon bo‘lish uchun xatna qilingan bo‘lishim kerakmi (buni mamnuniyat bilan qabul qilaman)? Buni shifokor yoki imom bajaradimi yoki o‘zim qila olamanmi? 2. Musulmon bo‘lganimda ismimni o‘zgartirish haqiqatan ham quvonchli voqea bo‘lishini his qilyapman. Quyidagi ismlardan qaysi biri yangi ismim sifatida eng maqbul bo‘lishini bilmoqchiman: Qosim, Osim, Taymulloh yoki Said. Xabarimga javob bersangiz, minnatdor bo‘lardim.
Xatna muammosi kishini musulmon bo‘lishiga to‘sqinlik qilmasligi lozim
Argentinalik advokat islom diniga kirmoqchi bo‘lgan kofir erkak va ayollarni xatna qilinishi hukmi qanday bo‘ladi, deb so‘rayapti.

Da’vatdagi ilk qadam

Da’vatdagi ilk qadam

O’xshash fatvolar

Musulmonga turmushga chiqish uchun Islomga kirish

Islomga kirish uchun boshlang‘ich nuqta

Kofir yaqinining hidoyatini soʻrab duo qilish

Xatna qilish va yangi musulmon uchun ism tanlash

Xatna muammosi kishini musulmon bo‘lishiga to‘sqinlik qilmasligi lozim