O'qildi: 16
04.03.2026
/ 15 Ramazon 1447
Fatvo mavzusi: Roʻzadorga mustahab boʻlgan amallar
Savol
Iftorlik qilish farzmi? Iftorlik paytida masjidga yetib kelgan kishi avval iftorlik qilib, keyin jamoatga qoʻshiladimi, yoki avval namoz o‘qib, keyin iftorlik qiladimi?
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Iftorni tezlatish sunnatdir. Hadislar shunga dalolat qiladi.
Sahl ibn Sa’d roziyallohu anhudan rivoyat qilinadi: «Rasululloh sollallohu alayhi vasallam: «Modomiki iftorga shoshilishar ekan, odamlar yaxshilikda bo‘laveradilar», dedilar» (Sahihi Buxoriy, 1957; Sahihi Muslim, 1098).
Shunday ekan, ochligini bosadigan bir necha luqma bilan iftorlikka shoshilish, so‘ng namozga turish, keyin agar xohlasa, ehtiyojini qondirguncha taomlanishi joiz.
Nabiy alayhissalotu vassalomning odatlari shunday boʻlgan.
Anas ibn Molik roziyallohu anhu aytadi: «Rasululloh sollallohu alayhi vasallam namoz o‘qishdan oldin bir nechta ho‘l xurmo bilan iftor qilar edilar. Agar ho‘l xurmo bo‘lmasa, quruq xurmo bilan, u ham bo‘lmasa, bir necha ho‘plam suv ichar edilar» (Abu Dovud, 2356; Termiziy, 696; Hadis hukmi: «sahih». Manba: «Sahihi Termiziy», 696).
Muborakfuriy ushbu hadisning sharhida aytadi: «Bunda iftorni tezlatish mustahabligiga mukammal darajada mubolag‘a qilishga ishora bor».
Alloh bilguvchiroqdir.
Manba: Shayx Muhammad Solih al-Munajjid.
Bu javob foydali bo’ldimi?