Mavzular

Yangi fatvolar

Maqolalar

Kitoblar

Saqlanganlar

Murakkab qidiruv

Loyiha haqida

Fikr bildiring

Bosh sahifa » Fiqh asoslari » Fiqh » Ibodatlar » Roʻza masalalari » Roʻzani buzadigan narsalar » Musiqa eshitsa roʻza buziladimi?
0 – 0
Fatvo: 12647

O'qildi: 114

23.02.2026

/ 6 Ramazon 1447

Fatvo mavzusi:

Musiqa eshitsa roʻza buziladimi?

Savol

Ramazonda musiqa eshitishning hukmi nima va u roʻzaning sahihligiga taʼsir qiladimi?

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Muqaddima

Javobning qisqacha mazmuni:

Musiqa eshitish bilan roʻza buzilmaydi. Toʻgʻri, amal sahih sanaladi va roʻzadordan zimmasidagi farzni soqit qiladi, u roʻzaning qazosini tutishga buyurilmaydi. Lekin musiqa ehitishdek gunoh ishga qoʻl urish sababli roʻzaning savobi kamayadi va baʼzan savobi butunlay yoʻq boʻlib ketishi ham mumkin.

 

Batafsil javob:

Musiqa eshitish hukmi

Musiqa eshitish haromdir, xoh Ramazonda boʻlsin, xoh undan boshqa vaqtda. Ramazonda esa uning haromligi yanada ortadi va gunohi ogʻirlashadi. Chunki roʻzadan maqsad faqat yeb-ichishdan tiyilish emas, balki Alloh taologa taqvo qilishni roʻyobga chiqarish, aʼzolarning roʻza tutishi va ularning Allohga osiy boʻlishdan tiyilishidir.

Qurʼon va sunnatdan musiqaning haromligiga dalillar

Alloh taolo aytadi:

﴿يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ ۝١٨٣﴾

«Ey moʻminlar, taqvoli kishilar boʻlishingiz uchun sizlardan ilgari oʻtganlarga farz qilingani kabi sizlarga ham roʻza tutish farz qilindi» (Baqara: 183).

عَنْ أَبِي هُرَيْرَةَ، قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «لَيْسَ الصِّيَامُ مِنَ الْأَكْلِ وَالشُّرْبِ إِنَّمَا الصِّيَامُ مِنَ اللَّغْوِ وَالرَّفَث».

Abu Hurayra roziyallohu anhudan rivoyat qilinadi, Rasululloh sollallohu alayhi vasallam shunday dedilar: «Roʻza faqat yeyish va ichishdan (tiyilish) emas. Balki behuda gaplar (lagʻv) va shahvoniy (yomon) soʻzlardan tiyilishdir» (Mustadrak Hokim, 1570; Hadis hukmi: «sahih». Manba: «Sahihi Targʻib», 1082).

Paygʻambar sollallohu alayhi va sallamdan kelgan ochiq va sahih sunnat musiqa asboblarini eshitishning haromligiga dalolat qilgan.

Imom Buxoriy muallaq holda rivoyat qiladi:

حَدَّثَنَا عَبْدُ الرَّحْمَنِ بْنُ غَنْمٍ الْأَشْعَرِيُّ قَالَ حَدَّثَنِي أَبُو عَامِرٍ أَوْ أَبُو مَالِكٍ الْأَشْعَرِيُّ وَاللهِ مَا كَذَبَنِي سَمِعَ النَّبِيَّ ﷺ يَقُولُ: «لَيَكُونَنَّ مِنْ أُمَّتِي أَقْوَامٌ يَسْتَحِلُّونَ الْحِرَ وَالْحَرِيرَ وَالْخَمْرَ وَالْمَعَازِفَ…».

Abdurrahmon ibn Gʻanm Ashʼariy soʻzlab berdi: «Abu Omir [yoki Abu Molik] Ashʼariy menga hadis aytib berdi, Allohga qasamki, u menga yolgʻon gapirmadi. U Nabiy sollallohu alayhi vasallamning shunday deganlarini eshitgan ekan: «Ummatimdan farj (zino)ni, ipakni, xamr (mast qiluvchi ichimliklar)ni va sozlarni halol sanaydigan qavmlar boʻladi…» (Sahihi Buxoriy, 5590).

Hadisdagi «Hiro» kalimasidan murod zinodir. «Maʼozif» esa musiqa asboblaridir.

Hadis ikki jihatdan musiqa asboblarining haromligiga dalolat qiladi:

Birinchi: Paygʻambar sollallohu alayhi va sallamning «halol sanaydilar» degan soʻzlari. Bu zikr qilingan narsalarning harom ekaniga, oʻsha qavmlar esa ularni halol sanashiga ochiq-oydin dalolatdir.

Ikkinchi: Musiqa asboblarini haromligi qatʼiy boʻlgan zino va xamr bilan birga zikr qilinishi. Agar musiqa harom boʻlmaganida, zino va mast qiluvchi ichimliklar bilan bir qatorda zikr qilinmagan boʻlar edi («Silsilatus-sahiha», 91).

Moʻmin kishiga bu muborak oyni gʻanimat bilib, unda Robbisiga yuzlanishi, Alloh taologa tavba qilishi va Ramazondan oldin odatlanib qolgan harom ishlardan tiyilishi vojibdir. Shoyadki, Alloh taolo uning roʻzasini qabul qilib, ahvolini isloh qilsa.

Musiqa eshitish roʻzani buzadimi?

Gunohlar (jumladan, musiqa eshitish) roʻzaning savobini kamaytiradi. Roʻzadorning gunohlari qancha koʻp va katta boʻlsa, roʻzasining savobi shuncha kamayadi. Baʼzan savobi butunlay yoʻq boʻlib ketishi ham mumkin. Natijada u oʻzini yeb-ichish va boshqa roʻzani buzuvchi narsalardan tiygan boʻladi-yu, lekin Allohga osiy boʻlishi bilan oʻsha savobni yoʻqqa chiqargan boʻladi. Shu bois, Rasululloh sollallohu alayhi vasallamdan sobit boʻlgan hadisda:

عَنْ أَبِي هُرَيْرَةَ، قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «رُبَّ صَائِمٍ لَيْسَ لَهُ مِنْ صِيَامِهِ إِلَّا الْجُوعُ، وَرُبَّ قَائِمٍ لَيْسَ لَهُ مِنْ قِيَامِهِ إِلَّا السَّهَرُ»

Abu Hurayra roziyallohu anhudan rivoyat qilinadi: «Rasululloh sollallohu alayhi vasallam: «Shunday roʻzadorlar borki, ularga roʻzasidan faqat ochlik qoladi. Shunday tungi namoz oʻquvchilar (qoimlar) borki, ularga namozidan faqat bedorlik (uyqusizlik) qoladi» (Ibn Moja, 1690; Hadis hukmi: «sahih». Manba: «Sahihul Jomeʼ», 3488).

Gunohlar, jumladan, musiqa eshitish bilan roʻzaning buzilishiga kelsak, roʻza bu bilan buzilmaydi, balki u sahih boʻlib, roʻzadordan farzni soqit qiladi va uning qazosini tutishga buyurilmaydi. Lekin gunoh qilish bilan roʻzaning savobi kamayadi va yuqorida aytilganidek, baʼzan savobi butunlay yoʻq boʻlib ketishi mumkin.

Qoʻshimcha maʼlumot uchun ushbu javoblarga murojaat qilishingizni tavsiya qilamiz: 37877, 37989, 50063.

Vallohu aʼlam.

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

1

O’xshash fatvolar

  • Roʻzador ayoldan sargʻish suyuqlik kelishi

    Bir ayol Ramazonda tong otishidan oldin poklanib, o‘sha kuni ro‘za tutdi. So‘ng peshin namozini o‘qish uchun turganida sarg‘ish suyuqlik ko‘rdi. Uning ro‘zasi durustmi?

  • Ro‘zadorning burni qonashi

    Ro‘zador kishining burnidan qon ketishining hukmi qanday? Chunki men shu holatga duch keldim.

  • Shahvatsiz maniy kelishi

    Ramazon kunduzida roʻza paytida ehtilom yoki masturbatsiyasiz maniy suyuqligi kelishidan shikoyatim bor. Bu ro‘zamga ta’sir qiladimi?

  • Qayt qilib beixtiyor qusugʻini yutib yuborsa, roʻza buziladimi?

    Roʻzador kishi qayt qildi, soʻng qasddan boʻlmagan holda qusugʻidan bir qismini yutib yubordi, uning roʻzasining hukmi qanday?

  • Ramazonda hushdan ketish

    Avtohalokat sababli hushsiz holatda Ramazonga kirgan va yigirma ikki kundan keyingina oʻziga kelgan kishiga nima vojib boʻladi?

  • «Soʻngra kechgacha roʻzani benuqson qilib tutinglar!» Oyatining maʼnosi

    Qurʼon oʻqiyotib, Baqara surasining 187-oyatida Alloh taoloning: «Soʻngra kechgacha roʻzani benuqson qilib tutinglar!» degan soʻzi haqida oʻylanib qoldim. (Arab tilida «layl» kalimasi tunga nisbatan ishlatiladi, deb bilaman). Koʻpchiligimiz esa shom vaqtida iftor qilamiz. Shu masalani bizga tushuntirib bera olasizmi?