O'qildi: 419
27.08.2025
/ 4 Rabiul-avval 1447
Fatvo mavzusi: Najosatdan poklanish » Tahoratni buzadigan narsalar
Savol
Istinjo va tahorat qilib bo‘lganimdan so‘ng bir tomchi siydik chiqqanini his qilaman. Bu esa meni qayta tahorat qilishga, ba’zi hollarda esa ikki martalab tahorat olishga majbur qiladi. Siydik tomganidan so‘ng uning to‘xtaganiga ishonch hosil qilish uchun besh daqiqa kutaman, ammo tahoratni tugatganimdan so‘ng, yana kichik bir tomchisi chiqqanini his qilaman.
Men shubha yoki vasvasaga tushmaslik uchun buni yengib o‘tishga harakat qilyapman. Agar shu tomchidan kiyimga tegsa, uni yuvish kerakmi? Agar shu kiyimda namoz o‘qisam, namozim durust boʻladimi yoki yo‘qmi? Ba’zi hollarda siydik tomgan, degan gumonda shimimni ham yuvyapman.
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Agar avratingizdan siydik tomchisi chiqqanini aniq bilsangiz, har bir namoz uchun istinjo va tahorat qilishingiz hamda siydik tekkan kiyimingizni yuvishingiz vojib bo‘ladi. Ammo bu shunchaki shubha bo‘lsa, u holda sizga hech narsa vojib emas va vasvasaga chalinmaslik uchun shubhalardan yuz o‘girishingiz lozim.
Bu javob foydali bo’ldimi?