Ayolning orqa avratiga yaqinlik qilish hukmi

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Uzringiz qabul qilindi. Bu va shunga o‘xshash masalalarda shariat hukmlarini tushunishga intilish harom yoki uyatli emas, aksincha zarurdir.

Savolingizga kelsak, xotin kishi hayz ko‘rayotgan bo‘lsin yoki bo‘lmasin, uning orqa orqa avratida (axlat chiqadigan joyida) jinsiy aloqa qilish hayz paytida ham, boshqa paytlarda ham gunohi kabiradir. Payg‘ambar sollallohu alayhi va sallam bu ishni qilganlarni la’natlab:

Abu Hurayra roziyallohu anhudan rivoyat qilinadi: «Nabiy sollallohu alayhi va sallam: «Ayolning orqasiga yaqinlik qilgan kimsa – mal’un (la’natlangandir)», dedilar (Musnadi Ahmad, 10206; Hadis hukmi: «sahih». Manba: «Sahihul Jome’», 5865)

Hatto Payg‘ambar sollallohu alayhi va sallam:

Abu Hurayra roziyallohu anhudan rivoyat qilinadi: «Rasululloh sollallohu alayhi va sallam shunday dedilar: «Kim folbinga borsa va uning aytganini tasdiqlasa; yoki hayzli holatdagi ayoliga yaqinlik qilsa,– Muhammadga – sollallohu alayhi va sallam – nozil qilingan narsadan begona bo‘libdi» (Sunani Abu Dovud, 3904; Hadis hukmi: «sahih». Manba: «Sahihul Jome’», 5918).

Ko‘plab sog‘lom tabiatli ayollar buni rad etishlariga qaramay, ba’zi erlar xotinlarini agar ular (bu masalada) bo‘ysunmasalar, ajrashish bilan qo‘rqitadilar. Ba’zilari esa ulamolardan so‘rashdan uyalgan xotinlarini aldab, bu ishni joiz deb ishontiradilar. Payg‘ambar sollallohu alayhi va sallam erkak kishi xotiniga xohlagan tomonidan, oldi yoki orqasidan yaqinlashishi mumkinligi, faqat aloqa bola tug‘iladigan joyda bo‘lishi kerakligini xabar berganlar. Shubhasiz, orqa teshik bola tug‘iladigan joy emas, balki axlat chiqadigan joydir.

XOTINNING ORQA AVRATIDAN YAQINLIK QILISH SABABLARI

Bu axloqsiz ishga qoʻl urishining sabablaridan biri shuki, ba’zilar toza oilaviy hayotga johiliy urf-odatlar va noodatiy amallar bilan yoki Allohga tavba qilmagan holda behayo filmlardan ko‘rgan sahnalarni eslab kirishadilar. Ma’lumki, bu ishga ikkala tomon rozi bo‘lgan taqdirda ham haromligicha qolaveradi. Zero, harom ishga o‘zaro rozilik uni halol qilib qoʻymaydi.

BU ISHNING HAROM QILINISH HIKMATI

Alloma Ibn Qayyim al-Javziyya, Alloh u kishini rahmat qilsin, ayolning orqa avratidan yaqinlik qilish harom bo‘lishining ayrim hikmatlarini «Zodul ma’od» kitobida zikr qilib, shunday degan:

«Orqa avratga kelsak: uni hech qachon, hech bir payg‘ambar halol qilmagan… Agar Alloh vaqtinchalik (hayz paytidagi) ozorlanish sababli old avratdan yaqinlik qilishni harom qilgan bo‘lsa, unda muqarrar ravishda doimiy zarar keltiradigan va naslning uzilishiga olib keladigan, shuningdek, ayollarning orqasiga yaqinlashishga o‘rganib qolganlar keyinchalik bachchaboz bo‘lib ketishi ehtimoli boʻlgan jiddiy yomonliklar haqida nima deysiz?!

Shuningdek, ayol kishi eri bilan jinsiy aloqa qilish huquqiga ega. Orqa avratidan yaqinlik qilish ayolni o‘z huquqidan mahrum etadi, shahvatini qondirmaydi va maqsadini ro‘yobga chiqarmaydi.

Bundan tashqari, bunday qilishga mo‘ljallanib yaratilmagan. Aksincha, old avrat shunga mo‘ljallangan. Shu bois, old avratni tashlab, orqa avratga intilganlar Allohning hikmati va shariatidan chetga chiquvchilardir.

Yana, bu erkak uchun ham zararlidir. Buni oqil shifokorlar ham taqiqlaydilar. Chunki old avrat oʻziga xos xususiyatga ega boʻlib, u tana ichida toʻplangan suyuqlikni oʻziga tortib olib, erkakni undan xalos etadi. Ammo orqa teshik orqali jinsiy aloqa qilish bu suvning hammasini tortib olishga yordam bermaydi va toʻplangan suyuqlikni toʻliq chiqarib tashlamaydi, chunki bu tabiiy tartibga zid keladi.

Bu boshqa jihatdan ham zararli: tabiatga zid bo‘lgani uchun juda charchatuvchi harakatlarni keltirib chiqaradi.

Bundan tashqari, bu ifloslik va nopoklik joyi bo‘lib, erkak kishi unga yuzi bilan ro‘baro‘ keladi, unga yuzlanadi.

Ayollarga ham juda zararli, chunki bu g‘ayritabiiy, tabiatga zid va ular uchun o‘ta jirkanchli ishdir.

Qolaversa, bu amal qiluvchini ham, uni qabul qiluvchini ham shu qadar buzadiki, Alloh taoloning irodasi bilan tavba qilmasalar, najot topishga umid yo‘q.

Yana, bu ne’matlarning yo‘qolishi va balolar yogʻilishining eng katta sabablaridan biridir. Chunki u Allohning la’nati va g‘azabini, bajaruvchidan yuz o‘girib, unga nazar solmasligini keltirib chiqaradi. Shundan so‘ng uning yaxshilikka umid qilishi va yomonlikdan himoyalanishi qanday tasavvurga sigʻadi? Allohning la’nati va g‘azabi yetib, U Zot undan yuz o‘girib, unga nazar solmasa, bandaning hayoti qanday kechadi?

Qolaversa, bu qalbning hayoti bo‘lgan hayoni butunlay yo‘q qiladi. Qalb hayoni yo‘qotsa, xunuk narsani chiroyli, chiroyli narsani xunuk deb biladi. Ana shunda inson halok boʻladi.

Yana: bu Alloh yaratgan tabiatni, fitratni o‘zgartiradi va insonni Alloh biror hayvonga ham bermagan tabiatga og‘diradi. Bu buzuq tabiatdir. Agar insonning tabiati buzilsa, qalb, amal va hidoyat ham buziladi. Shunda yomon amallar va nomaqbul shakllar maqbulga aylanadi.

Va nihoyat, boshqa hech yomonliklarning qoʻlidan kelmaydigan jasorat va beadablikni meros qilib qoldiradi».

Allohning durudi va salomi, dunyo va oxirat saodati uning hidoyatida va u keltirgan dinga ergashishda bo‘lgan, dunyo-yu oxirat halokati uning hidoyatiga va u keltirgan dinga zid bo‘lgan zotga bo‘lsin.

Bu u zot rahimahullohning gaplarining xulosasidir. «Ravzatul muhibbiyn», 4/257-264.

Qo‘shimcha ma’lumot uchun 6792-raqamli savolga murojaat qiling.

Alloh taolodan barchamizga dinida faqih bo‘lishni, U Zot belgilab qo‘ygan chegaralarda turishni va U Zot muqaddas qilgan narsalarni ulug‘lashni so‘raymiz.

Darhaqiqat, Alloh eshituvchi va ijobat qiluvchi Zotdir.