O'qildi: 479
27.07.2025
/ 2 Safar 1447
Fatvo mavzusi: Roʻzani buzadigan narsalar » Roʻzani qasddan buzish kafforati
Savol
Quyidagi masala haqida so‘ramoqchiman: Braziliyada bir yil oldin Islomga qaytgan (Allohga hamdlar bo‘lsin) birodarlarimiz bor. Ular qamoqda. Mahbus yakshanba kunlari uchrashuv vaqtida xotini bilan soat 11:00 dan 2:00 gacha birga bo‘ladi. Savolim shuki, ular Ramazon oyida nima qilishlari kerak? Ularning xotinlari musulmon emas. O‘ttiz kun davomida ayolning iffatini saqlashni hisobga olib, bu borada bizga maslahat bering. Ular Islomda yangi, oramizda biror olim yo‘q. Rahmat.
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Bu holatda qamoqxona ma’muriyatidan uchrashuv vaqtini shom bilan bomdod orasiga o‘zgartirishni iltimos qilishdan boshqa chora yo‘q. Bu oraliq – musulmon kishi shar’an xotini bilan yaqinlik qilishi mumkin bo‘lgan vaqtdir.
Vaziyat qanday bo‘lmasin, ro‘za tutishi farz bo‘lgan musulmon kishiga Ramazon oyida kunduzi xotini bilan jinsiy aloqa qilish mutlaqo joiz emas. Ramazonda jinsiy aloqa qilish ro‘zani buzadigan amallarning eng og‘iridir. Agar shunday holat yuz bersa, buning jazosi bir mo‘min qulni ozod qilishdir. Agar qul topa olmasa, ketma-ket ikki oy ro‘za tutishi lozim. Bunga ham qodir bo‘lmasa, oltmishta miskinga taom berishi, tavba qilishi va jinsiy aloqa qilgan kunining qazosini tutishi kerak.
Sizning vazifangiz ularga yaxshi uslubda ta’lim va nasihat berishdir. Agar shundan so‘ng biror narsa sodir bo‘lsa, tavba va kafforat talab qilinadi. Ehtimol, qamoqxona ma’muriyati yuqoridagi taklifga ijobiy munosabat bildiradi, ayniqsa ular shaxsiy huquq va diniy erkinliklarni qadrlaydigan bo‘lsa.
Alloh taolo barchangizni barcha ezgulikka yo‘llasin, sa’y-harakatlaringizga ajr-u mukofotlar ato etsin. Allohdan qamoqdagi musulmon birodarlarimizga sabr-bardosh, xotinlariga hidoyat berishini so‘raymiz. Albatta, Alloh to‘g‘ri yo‘lga hidoyat qiluvchidir.
Bu javob foydali bo’ldimi?