Mavzular

Yangi fatvolar

Maqolalar

Kitoblar

Namoz

Saqlanganlar

Murakkab qidiruv

Loyiha haqida

Fikr bildiring

Bosh sahifa » Fiqh asoslari » Fiqh » Zinokorning tavbasi
0 – 0
Fatvo: 728

O'qildi: 1,015

05.07.2025

/ 10 Muharram 1447

Fatvo mavzusi: » » »

Zinokorning tavbasi

Savol

Uylangan bir do‘stim menga bir ayol bilan harom munosabatda bo‘lganini, lekin jinsiy aloqa qilmaganini (ya’ni, jinsiy a’zosi ayolning qiniga kirmagani, ammo ikkalasi ham yalang‘och bo’lganini) aytdi. U toshbo‘ron qilinadimi yoki boshqa yoʻl bilan tavba qilishi kerakmi?

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Do‘stingiz qilgan ish juda ham katta jinoyat va ulkan gunoh bo‘lib, u Allohga tavba qilishi kerak.

Sahih hadisda keladi:

عَنِ ابْنِ مَسْعُودٍ، عَنِ النَّبِيِّ صَلَّى اللهُ عَلَيْهِ وَسَلَّمَ أَنَّهُ قَالَ: «الْعَيْنَانِ تَزْنِيَانِ، وَالْيَدَانِ تَزْنِيَانِ، وَالرِّجْلَانِ تَزْنِيَانِ، وَالْفَرْجُ يَزْنِي»

Abdulloh ibn Mas’ud roziyallohu anhu aytadi: «Rasululloh sollallohu alayhi va sallam: «Ko‘zlar zino qiladi, qo‘llar zino qiladi, oyoqlar zino qiladi va jinsiy a’zo ham zino qiladi», dedilar» (Musnadi Ahmad, 3912; «Sahihul Jome’»m 4150; Hadis hukmi: «Muslimning shartiga binoan sahih»).

Do‘stingizni ko‘proq yaxshi amallar qilishga undang, shoyad Alloh uning gunohlarini kechirsa. Zero, yaxshiliklar yomonliklarni ketkazadi. Bu haqda quyidagi hadisda aytilgan:

قَالَ عَبْدُ اللَّهِ: جَاءَ رَجُلٌ إِلَى النَّبِيِّ صَلَّى اللهُ عَلَيْهِ وَسَلَّمَ، فَقَالَ: إِنِّي عَالَجْتُ امْرَأَةً مِنْ أَقْصَى الْمَدِينَةِ، فَأَصَبْتُ مِنْهَا مَا دُونَ أَنْ أَمَسَّهَا، فَأَنَا هَذَا، فَأَقِمْ عَلَيَّ مَا شِئْتَ، فَقَالَ عُمَرُ: قَدْ سَتَرَ اللَّهُ عَلَيْكَ لَوْ سَتَرْتَ عَلَى نَفْسِكَ، فَلَمْ يَرُدَّ عَلَيْهِ النَّبِيُّ صَلَّى اللهُ عَلَيْهِ وَسَلَّمَ شَيْئًا، فَانْطَلَقَ الرَّجُلُ، فَأَتْبَعَهُ النَّبِيُّ صَلَّى اللهُ عَلَيْهِ وَسَلَّمَ رَجُلًا، فَدَعَاهُ، فَتَلَا عَلَيْهِ، {وَأَقِمِ الصَّلَاةَ طَرَفَيِ النَّهَارِ وَزُلَفًا مِنَ اللَّيْلِ} [هود: ١١٤] إِلَى آخِرِ الْآيَةِ، فَقَالَ رَجُلٌ مِنَ الْقَوْمِ: يَا رَسُولَ اللَّهِ، أَلَهُ خَاصَّةً أَمْ لِلنَّاسِ كَافَّةً؟ فَقَالَ: «لِلنَّاسِ كَافَّةً»

Abdulloh roziyallohu anhu aytadi:

«Bir kishi Nabiy sollallohu alayhi vasallamning huzurlariga kelib, «Men Madinaning bir chekkasida bir ayolni quchoqlab, jimodan boshqa hamma ishni qildim. Mana, huzuringizdaman, menga xohlagan hukmingizni ijro qiling», dedi. Umar unga: «Alloh seni (aybingni) yashirgan ekan, sen ham o‘zingni yashirsang bo‘lardi», dedi. Nabiy sollallohu alayhi vasallam unga javob bermadilar. U kishi chiqib ketdi. Nabiy sollallohu alayhi vasallam uning ortidan odam yuborib, chaqirtirib keldilar va unga «Kunning ikki tarafida va kechaning bir qismida namozni qoim qil» oyatini oxirigacha tilovat qildilar. Qavmdan bir kishi: «Ey Allohning Rasuli, bu faqat mana shu kishiga xosmi yoki barcha odamlargami?» degan edi, u zot: «Yo‘q, odamlarning barchasiga», dedilar» (Abu Dovud, 4468; Hadis hukmi: «hasan sahih»).

Zinodan tavba qilish haqida batafsil ma’lumot olish uchun 624-savolga murojaat qiling.

Savolingizga kelsak, do‘stingiz qilgan ish toshbo‘ron qilish bilan jazolanadimi?

Bunga javob shuki, toshbo‘ron jazosi faqat uylangan zinokor uchundir. Nikoh koʻrmagan zinokorga esa darra urish jazosi beriladi. Bu jazolar agar zinokorning jinsiy a’zosi zinokor ayolning qiniga kirgan bo’lsagina tatbiq etiladi. Boshqa hollarda sodir etilgan gunoh darajasiga qarab boshqacha jazo belgilanadi.

Do‘stingiz qilgan ishini qoziga e’tirof etishi shart emas, balki Alloh subhanahu va taologa chin dildan tavba qilishi lozim. Zero U tavbalarni qabul qiluvchi va rahmli Zotdir.

Allohdan bizni va boshqa barcha musulmonlarni mag‘firat qilishini so‘raymiz.

Alloh biluvchiroqdir.

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

3

O’xshash fatvolar

  • Tarmoqli marketing hukmi

    «Tarmoqli marketing» yoxud «Majburiy matritsa tizimi» shunday tizimki, unda bir kishi kompaniyaga 10 dollar to‘laydi. Shundan so‘ng, kompaniya va (tizimda avvaldan tanlangan) yana to‘rt kishining har biriga 2 dollardan o‘tkazib beriladi. Bu bir martalik to‘lov bo‘lib, to‘lovni amalga oshirgan kishi tizimga qo‘shiladigan yangi a’zolar ham shunday qilishini kutadi. Har safar yangi a’zo qo‘shilganda, tizimdagi har bir ishtirokchi 2 dollardan oladi, chunki yangi a’zolar to‘lovni bevosita o‘zidan yuqoridagi to‘rt kishiga to‘laydi. Kompaniya esa har bir a’zodan xizmat haqi sifatida o‘zining 2 dollarini olib qoladi. Ushbu dasturga qo‘shilish halolmi? Alloh sizni yaxshilik bilan mukofotlasin.

  • Piramida marketing sxemalari

    Ilmiy tadqiqotlar va fatvolar bo‘yicha doimiy qo‘mitaga «Biznes» va «Hibatul-Jazira» kabi piramida yoki tarmoqli marketing shirkatlarining faoliyati haqida ko‘plab savollar kelib tushdi. Bu shirkatlar faoliyatining mohiyati quyidagicha: bir kishi mahsulot yoki tovar sotib olishga ko‘ndiriladi, so‘ng u boshqalarni xuddi shunday qilishga undaydi, ular ham o‘z navbatida keyingilarni jalb qiladi va bu zanjir shu tarzda davom etadi. Ishtirokchilar qatlami qancha kengaysa, birinchi ishtirokchi shuncha ko‘p komission haq oladi va bu summa hatto minglab riyollarga yetishi mumkin. Har bir ishtirokchi o‘zidan keyingilarni a’zolar ro‘yxatiga yangi odamlarni jalb qila olsa, katta komission to‘lovlar olishi mumkinligi bilan qiziqtiradi. Aynan mana shu narsa piramida yoki tarmoqli marketing deb ataladi.

  • Namozdagi qunut

    Sizdan namozdagi qunut (ruku’dan keyin qo‘l ko‘tarib duo qilish) haqida so‘ramoqchiman. Bu amal Rasululloh sollallohu alayhi vasallamning sunnatlaridanmi yoki bu ish ularning holati sababli istisno tariqasida bo‘lganmi? Iltimos, menga javob bering, chunki masjidimiz imomi, Rasulullohdan qaysi namoz afzal, deb so‘ralganda, u zot alayhissalotu vassalom: «Qunuti uzunroq bo‘lgan namoz», deb javob berganlar», deb aytdi.

  • Ro‘zador kishi xotinini quchoqlashi joizmi?

    Yaqinda uylandim. Ramazon oyida ro‘za tutgan holda, saharlikdan so‘ng yotaman va ba’zan yonimda xotinim ham bo‘ladi. Uni quchoqlashim ro‘zamga ta’sir qiladimi? Ro‘zador kishi uchun qaysi ishlar joiz, qaysilari harom yoki ro‘zani buzuvchi hisoblanadi? Shu haqda tushuntirish bersangiz.

  • «CadenzaX Music» platformasi orqali pul topish hukmi

    Men sizlardan hozirgi kunda ijtimoiy tarmoqlarda ommalashayotgan «CadenzaX music» nomli platformaga (yoki shunga o‘xshash loyihalarga) qo‘shilish va undan daromad topishning Islomdagi hukmi haqida so‘ramoqchi edim. Bu sahifaning ishlash tizimi va daromad ko‘rish tartibi quyidagicha: 1. Sayt yoki ilova foydalanuvchilarga ma’lum musiqalarni eshitish, layk bosish yoki qandaydir oddiy vazifalarni bajarish evaziga pul to‘lashni va’da qiladi. 2. Ko‘proq pul ishlash uchun foydalanuvchidan dastlab o‘z yonidan pul kiritib, maxsus «VIP» darajalarni sotib olish talab etiladi. 3. Sayt qoidalariga ko‘ra, orqangizdan yangi odamlarni taklif qilsangiz va ular ham pul kiritsa, ularning sarmoyasidan sizga ma’lum foizlarda bonus (daromad) beriladi. Meni shubhalantirgan jihati shundaki, tizimning asosi aslida musiqa eshitish emas, balki tarmoqli marketing va moliyaviy piramidaga o‘xshab ketadi. Chunki tizim asosan yangi qo‘shilganlarning pullari hisobidan eskilariga pul to‘layotgandek ko‘rinadi.

  • Vitr duosi vojibmi va uni yod bilmasa nima deydi?

    Vitrdagi qunut duosi kabi duolarni yod olishga qiynalaman. Shuning uchun bu duoning oʻrniga biror sura oʻqirdim. Bu duoni oʻqishning farz ekanini bilgach, yod olishga harakat qildim va namoz paytida yonimdagi stol ustidan kitobni olib, qiblaga yuzlangan holda oʻqiydigan boʻldim. Shunday qilishim joizmi?