Mavzular

Yangi fatvolar

Maqolalar

Kitoblar

Saqlanganlar

Murakkab qidiruv

Loyiha haqida

Fikr bildiring

Bosh sahifa » Fiqh asoslari » Fiqh » Ibodatlar » Roʻza masalalari » Nafl roʻzalar » Sha’bon oyi » Baroat kechasi – shaʼbonning 15-kechasi
0 – 0
Fatvo: 8907

O'qildi: 518

25.01.2026

/ 6 Shaban 1447

Fatvo mavzusi:

Baroat kechasi – shaʼbonning 15-kechasi

Savol

Bir kitobda Shaʼbon oyining oʻn beshinchi kechasi (xalq orasida «baroat kechasi» yoki «qandil kechasi» nomi bilan tanilgan, Shaʼbon oyining 14 dan 15-ga oʻtar kechasida) qoim boʻlish bidʼat ekanini, boshqa bir manbada esa, bu kuni roʻza tutish mustahab ekanini oʻqidim. Bu borada qatʼiy hukm qanday?

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Muqaddima

Javobning qisqacha mazmuni:

  1. Shaʼbon oyining yarmidagi kechada (xalq orasida «baroat kechasi» yoki «qandil kechasi» nomi bilan tanilgan, Shaʼbon oyining 14 dan 15-ga oʻtar kechasida) qoim boʻlish, uning kunduzida roʻza tutish va uni muayyan ibodat bilan xoslash shariatda yoʻq.
  2. Kim Shaʼbon oyining yarmidagi kechada yilning boshqa kechalaridagi kabi – qoʻshimcha amal va ortiqcha harakatsiz, uni biror narsa bilan xoslamagan holda – qoim boʻlishni istasa, buning zarari yoʻq.
  3. Kim Shaʼbonning oʻn beshinchi kunini oʻn uchinchi va oʻn toʻrtinchi kunlar bilan birga «ayyomul biyz» (oydin kechalar)dan sanab, yoki oʻn beshinchi kun dushanba yoki payshanbaga toʻgʻri kelib qolsa, shu sababli roʻza tutsa, buning ham zarari yoʻq.

 

Javob:

Mundarija

  • Shaʼbon oyining yarmidagi kechaning fazilati haqida hadis kelganmi?
  • Shaʼbon oyining yarmidagi kechani tiriltirish hukmi

 

Shaʼbon oyining 15-kechasining fazilati haqida hadis kelganmi?

Shayx Ibn Jibrindan Shaʼbon oyining 15-kechasida qoim boʻlish hukmi haqida soʻralganda, u kishi shunday javob berdilar: «Shaʼbon oyining 15-kechasining fazilati haqida hatto fazoilul aʼmol (amallar fazilati) boʻlgani sababli amal qilishga yaroqli birorta ham sahih marfuʼ hadis sobit boʻlmagan. Balki bu borada baʼzi tobeinlardan maqtuʼ asarlar va toʻqima yoki juda zaif boʻlgan hadislar kelgan. Bu rivoyatlar jaholat keng tarqalgan koʻplab mamlakatlarda mashhur boʻlib, u kunda ajallar yozilishi, umrlar koʻchirilishi va hokazo ishlar sodir boʻlishi aytiladi. Holbuki, bu kechada qoim boʻlish, uning kunduzida roʻza tutish va uni muayyan ibodat bilan xoslash shariatda yoʻq. Ilmsiz kishilardan koʻpchiligining bu ishni qilishi eʼtiborga olinmaydi. Vallohu aʼlam» (Alloma Ibn Jibrinning «Roʻza fiqhi va fatvolaridan qimmatli toʻplam» kitobidan).

 

Shaʼbon oyining yarmidagi kecha – «Baroat» kechasini ihyo qilish hukmi

Agar kishi Shaʼbon oyining 15-kechasi – «Baroat» kechasida yilning boshqa kechalaridagi kabi – qoʻshimcha amal va ortiqcha harakatsiz, uni biror narsa bilan xoslamagan holda qoim boʻlishni istasa, buning zarari yoʻq. Shuningdek, agar Shaʼbonning oʻn beshinchi kunini oʻn uchinchi va oʻn toʻrtinchi kunlar bilan birga hadisda kelgan «ayyomul biyz» (oydin kechalar)dan bilib, yoki oʻn beshinchi kun dushanba yoki payshanbaga toʻgʻri kelib qolsa, shu sababli roʻza tutsa, agar sobit boʻlmagan qoʻshimcha fazilat yoki boshqa ajrni maqsad qilmasa, buning zarari yoʻq.

Manba: Shayx Muhammad Solih al-Munajjid

Alloh bilguvchiroqdir.

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

4

O’xshash fatvolar

  • Shak kuni qazo niyati bilan roʻza tutishning hukmi qanday?

    Paygʻambar sollallohu alayhi vasallam shak kuni roʻza tutishdan va Ramazondan ikki kun oldin roʻza tutishdan qaytarganliklarini bilaman. Lekin shu kunlarda oʻtgan Ramazonning qazosini tutishim joizmi?

  • Shak kuni roʻza tutish hukmi

    Shaʼbonning oʻttizinchi kechasi oyni koʻrish uchun chiqdik, lekin havo bulutli boʻlgani uchun koʻra olmadik. Shaʼbonning oʻttizinchi kuni shak kun boʻlgani uchun roʻza tutamizmi?

  • Shaʼbonning oxirida ziyofat uyushtirish

    Baʼzi oilalar Shaʼbon oyining soʻnggi kechasida ziyofat uchun yigʻilishadi, ayrim yoshi ulugʻ kishilarning esa bu kecha uchun maxsus aytadigan qoʻshiqlari bor. Bunday yigʻilishlar va ziyofatlarning hukmi qanday?

  • «Alloh azza va jalla shaʼbonning oʻn beshinchi kechasida dunyo osmoniga tushadi» hadisining sanadi

    Oisha roziyallohu anhodan rivoyat qilinadi, u kishi aytdilar: «Bir kecha Rasululloh sollallohu alayhi vasallamni yoʻqotib qoʻydim, chiqsam, u zot Baqiʼda ekanlar. U zot: «Alloh va Rasuli senga zulm qilishidan qoʻrqdingmi?» dedilar. Men: «Yo Rasulalloh, men sizni biror ayolingizning oldiga ketib qoldingiz deb oʻyladim», dedim. U zot: «Alloh azza va jalla Shaʼbonning 15-kechasida dunyo osmoniga tushib, Kalb qabilasi qoʻylarining junidan ham koʻproq kishini magʻfirat qiladi», dedilar». Ushbu hadisning sanadi qanday?

  • Baroat kechasi — shaʼbonning 15-kuni roʻza tutish

    Hadisning zaifligini bilgandan keyin unga amal qilishimiz joizmi? Buni fazoilul aʼmol (amallarning fazilati) deb, masalan, Shaʼbonning oʻn beshinchi kechasida roʻza tutish haqida kelgan: «Qachon Shaʼbonning oʻn beshinchi kechasi kelsa, uning kechasini bedor oʻtkazinglar, kunduzining roʻzasini tutinglar» hadisiga koʻra, nafl roʻzada va kechasi qoim boʻlishda Allohga ibodat borligini inobatga olib ibodat qilishimiz joizmi?

  • Shaʼboniyya nima?

    Janubiy Osiyodagi koʻplab musulmonlar nishonlaydigan Shaʼboniyya bayramining asosi bormi?