Mavzular

Yangi fatvolar

Maqolalar

Kitoblar

Saqlanganlar

Murakkab qidiruv

Loyiha haqida

Fikr bildiring

Bosh sahifa » Fiqh asoslari » Fiqh » Ibodatlar » Roʻza masalalari » Roʻza tutishdan qaytarilgan kunlar » Shak kuni qazo niyati bilan roʻza tutishning hukmi qanday?
0 – 0
Fatvo: 26860

O'qildi: 291

14.02.2026

/ 26 Shaban 1447

Fatvo mavzusi: »

Shak kuni qazo niyati bilan roʻza tutishning hukmi qanday?

Savol

Paygʻambar sollallohu alayhi vasallam shak kuni roʻza tutishdan va Ramazondan ikki kun oldin roʻza tutishdan qaytarganliklarini bilaman. Lekin shu kunlarda oʻtgan Ramazonning qazosini tutishim joizmi?

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Javobning qisqacha mazmuni:

Shak kunida va Ramazondan bir yoki ikki kun oldin oʻtgan Ramazonning qazosini tutish joiz. Paygʻambar sollallohu alayhi vasallam shak kuni roʻza tutishdan va Ramazondan bir yoki ikki kun oldin roʻza tutib boshlashdan qaytarganlari sobit boʻlgan. Lekin bu qaytariq insonning roʻza tutish odati boʻlmagan holatga tegishlidir.

Batafsil javob:

Ha, oʻtgan Ramazonning qazosini Ramazondan bir yoki ikki kun oldin tutish joiz. Paygʻambar sollallohu alayhi vasallam shak kuni roʻza tutishdan va Ramazondan bir yoki ikki kun oldin roʻza tutib boshlashdan qaytarganlari sobit boʻlgan. Lekin bu qaytariq insonning roʻza tutish odati boʻlmagan holatga tegishlidir, chunki sahih hadisda:

عَنْ أَبِي هُرَيْرَةَ ﵁ قَالَ: قَالَ رَسُولُ اللهِ ﷺ: «لَا تَقَدَّمُوا رَمَضَانَ بِصَوْمِ يَوْمٍ وَلَا يَوْمَيْنِ، إِلَّا رَجُلٌ كَانَ يَصُومُ صَوْمًا فَلْيَصُمْهُ».

Abu Hurayra roziyallohu anhudan rivoyat qilinadi: «Rasululloh sollallohu alayhi vasallam: «Ramazondan bir ikki kun oldindan roʻza tutib olmanglar. Lekin bir kishining tutib yurgan roʻzasi boʻlsa, uni tutaversin», dedilar» (Sahihi Buxoriy, 1914; Sahihi Muslim, 1082).

Agar inson dushanba kuni roʻza tutishga odatlangan boʻlsa va bu Shaʼbonning oxirgi kuniga toʻgʻri kelsa, unga nafl roʻza tutishi joiz va bundan qaytarilmaydi.

Agar odatdagi nafl roʻza joiz boʻlsa, Ramazon qazosini tutish undan ham muhimdir. Chunki uning qazosini oʻtash vojibdir va qazoni kelayotgan Ramazondan keyinga qoldirish joiz emas.

Imom Navaviy rahimahulloh aytadi: «Asʼhoblarimiz aytadilar: «Shak kunida Ramazon roʻzasini tutish durust boʻlmasligiga hech qanday ixtilof yoʻq… Agar bu kuni qazo, nazr yoki kafforat roʻzasini tutsa, roʻzasi roʻza boʻladi, chunki bu kuni sababli nafl roʻza tutish joiz boʻlsa, farz boʻlgan qazoni oʻtash undan ham avloroq joizdir, xuddi namoz oʻqishdan qaytarilgan vaqtda qazo namozni oʻqish joizligi kabi. Chunki agar uning zimmasida Ramazonning qazosi boʻlsa, qazo qilish muddati chegaralanib qolgani sababli, bu kun aynan shu maqsad uchun belgilanib qoladi» («Majmuʼ», 6/399).

Manba: Islomiy savol-javob ulamolari hayʼati

Alloh bilguvchiroqdir.

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

3

O’xshash fatvolar

  • Shak kuni roʻza tutish hukmi

    Shaʼbonning oʻttizinchi kechasi oyni koʻrish uchun chiqdik, lekin havo bulutli boʻlgani uchun koʻra olmadik. Shaʼbonning oʻttizinchi kuni shak kun boʻlgani uchun roʻza tutamizmi?

  • Shaʼbonning oxirida ziyofat uyushtirish

    Baʼzi oilalar Shaʼbon oyining soʻnggi kechasida ziyofat uchun yigʻilishadi, ayrim yoshi ulugʻ kishilarning esa bu kecha uchun maxsus aytadigan qoʻshiqlari bor. Bunday yigʻilishlar va ziyofatlarning hukmi qanday?

  • Shanba kuni roʻza tutish joizmi?

    Ramazondan boshqa oylarda shanba kuni roʻza tutish joiz emasligi rostmi?

  • «Alloh azza va jalla shaʼbonning oʻn beshinchi kechasida dunyo osmoniga tushadi» hadisining sanadi

    Oisha roziyallohu anhodan rivoyat qilinadi, u kishi aytdilar: «Bir kecha Rasululloh sollallohu alayhi vasallamni yoʻqotib qoʻydim, chiqsam, u zot Baqiʼda ekanlar. U zot: «Alloh va Rasuli senga zulm qilishidan qoʻrqdingmi?» dedilar. Men: «Yo Rasulalloh, men sizni biror ayolingizning oldiga ketib qoldingiz deb oʻyladim», dedim. U zot: «Alloh azza va jalla Shaʼbonning 15-kechasida dunyo osmoniga tushib, Kalb qabilasi qoʻylarining junidan ham koʻproq kishini magʻfirat qiladi», dedilar». Ushbu hadisning sanadi qanday?

  • Baroat kechasi — shaʼbonning 15-kuni roʻza tutish

    Hadisning zaifligini bilgandan keyin unga amal qilishimiz joizmi? Buni fazoilul aʼmol (amallarning fazilati) deb, masalan, Shaʼbonning oʻn beshinchi kechasida roʻza tutish haqida kelgan: «Qachon Shaʼbonning oʻn beshinchi kechasi kelsa, uning kechasini bedor oʻtkazinglar, kunduzining roʻzasini tutinglar» hadisiga koʻra, nafl roʻzada va kechasi qoim boʻlishda Allohga ibodat borligini inobatga olib ibodat qilishimiz joizmi?

  • Shaʼboniyya nima?

    Janubiy Osiyodagi koʻplab musulmonlar nishonlaydigan Shaʼboniyya bayramining asosi bormi?