Mavzular

Yangi fatvolar

Maqolalar

Kitoblar

Saqlanganlar

Murakkab qidiruv

Loyiha haqida

Fikr bildiring

Bosh sahifa » Odob-axloq va maʼnaviyat » Axloq » Ayblangan fazilatlar » Ishq va gunohga sabab boʻluvchi narsalar » Harom bilan lazzatlanish kafforati
0 – 0
Fatvo: 2487

O'qildi: 121

11.01.2026

/ 22 Rajab 1447

Fatvo mavzusi:

Harom bilan lazzatlanish kafforati

Savol

Menda jiddiy savol bor. Men ikki yil oldin Islomni qabul qildim. Jinsiy istaklarimni boshqarishda katta qiyinchiliklarga duch kelmoqdaman. Islomni qabul qilishimdan oldin men hech qachon jinsiy aloqada bo‘lmaganman. Ammo yaqinda harom ishlarni qila boshladim. Masalan, men uchta holatda fohishalarga mening bilan og‘iz orqali (akromakumulloh) jinsiy aloqa qilishlari uchun pul to‘ladim va bu qilgan ishimning barchasi edi, ya’ni men hech qanday ayol bilan oddiy jinsiy aloqada bo‘lmadim. Bu zino hisoblanadimi? Men zinokor hisoblanamanmi? Men hali ham musulmonmanmi? Bu amaldan tiyilish uchun nima qila olaman?

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Siz qilgan ish shubhasiz harom va katta gunohdir, garchi u had (shar’iy jazo) belgilanadigan zino darajasiga yetmagan bo‘lsa ham. Siz Alloh azza va jallaga gunohni tark etish, sodir bo‘lgan ishga pushaymon bo‘lish, qaytmaslikka azm qilish, yomon do‘stlar va yomon joylardan uzoqlashish, ko‘zlarni haromdan tiyish va begona ayollardan uzoq turish bilan ulkan tavba qilishingiz kerak. Agar siz Allohga tavba qilsangiz, Alloh sizning tavbangizni qabul qiladi. Siz hali ham musulmonsiz, lekin bu gunoh bilan Allohga osiylik qildingiz. Shunday ekan, Robbingizga qayting va qilgan ishingiz uchun U Zotdan mag‘firat so‘rang. Gunohingizni yuvish uchun yaxshi amallarni ko‘paytiring. Iffatli bo‘lish sabablarini ushlang va shar’iy nikohni tezlashtiring.

Yakunda sizga o‘rnak olishingiz uchun ushbu hikoyani taqdim etamiz:

عَنِ ابْنِ مَسْعُودٍ «أَنَّ رَجُلًا أَتَى النَّبِيَّ ﷺ، فَذَكَرَ أَنَّهُ أَصَابَ مِنِ امْرَأَةٍ إِمَّا قُبْلَةً أَوْ مَسًّا بِيَدٍ أَوْ شَيْئًا، كَأَنَّهُ يَسْأَلُ عَنْ كَفَّارَتِهَا».

Ibn Mas’ud roziyallohu anhudan rivoyat qilinadi: «Bir kishi Nabiy sollallohu alayhi vasallamning huzurlariga kelib, bir ayolni o‘pganini [yoki qo‘li bilan ushlaganini yoki shunga o‘xshash boshqa narsani] aytib, buning kafforati haqida so‘radi» (Sahihi Muslim, 2763).

Boshqa rivoyatda:

عَنِ ابْنِ مَسْعُودٍ: «أَنَّ رَجُلًا أَصَابَ مِنَ امْرَأَةٍ قُبْلَةً، فَأَتَى النَّبِيَّ ﷺ فَأَخْبَرَهُ، فَأَنْزَلَ اللهُ: ﴿أَقِمِ الصَّلاةَ طَرَفَيِ النَّهَارِ وَزُلَفًا مِنَ اللَّيْلِ إِنَّ الْحَسَنَاتِ يُذْهِبْنَ السَّيِّئَاتِ﴾ فَقَالَ الرَّجُلُ: يَا رَسُولَ اللهِ، أَلِي هَذَا؟ قَالَ: لِجَمِيعِ أُمَّتِي كُلِّهِمْ».

Ibn Mas’ud roziyallohu anhudan rivoyat qilinadi: «Bir kishi bir ayolni o‘pib oldi. Keyin Nabiy sollallohu alayhi vasallamning oldilariga kelib, buni aytdi. Shunda Alloh «Kunduzning ikki tarafida va kechaning bir bo‘lagida namozni barpo qil! Yaxshiliklar yomonliklarni ketkazadi» (Hud: 114) oyatini nozil qildi. Haligi kishi: «Ey Allohning Rasuli, men uchunmi bu?» degan edi, «Ummatimning barchasi uchun», dedilar» (Sahihi Buxoriy, 526; Sahihi Muslim, 2763).

Yana boshqa rivoyatda:

عَنْ عَبْدِ اللهِ قَالَ: « جَاءَ رَجُلٌ إِلَى النَّبِيِّ ﷺ فَقَالَ: يَا رَسُولَ اللهِ إِنِّي عَالَجْتُ امْرَأَةً فِي أَقْصَى الْمَدِينَةِ، وَإِنِّي أَصَبْتُ مِنْهَا مَا دُونَ أَنْ أَمَسَّهَا، فَأَنَا هَذَا فَاقْضِ فِيَّ مَا شِئْتَ فَقَالَ لَهُ عُمَرُ: لَقَدْ سَتَرَكَ اللهُ لَوْ سَتَرْتَ نَفْسَكَ قَالَ: فَلَمْ يَرُدَّ النَّبِيُّ ﷺ شَيْئًا، فَقَامَ الرَّجُلُ فَانْطَلَقَ فَأَتْبَعَهُ النَّبِيُّ ﷺ رَجُلًا دَعَاهُ، وَتَلَا عَلَيْهِ هَذِهِ الْآيَةَ: ﴿أَقِمِ الصَّلاةَ طَرَفَيِ النَّهَارِ وَزُلَفًا مِنَ اللَّيْلِ إِنَّ الْحَسَنَاتِ يُذْهِبْنَ السَّيِّئَاتِ ذَلِكَ ذِكْرَى لِلذَّاكِرِينَ﴾ فَقَالَ رَجُلٌ مِنَ الْقَوْمِ: يَا نَبِيَّ اللهِ هَذَا لَهُ خَاصَّةً؟ قَالَ: بَلْ لِلنَّاسِ كَافَّةً».

Abdulloh roziyallohu anhudan rivoyat qilinadi: «Nabiy sollallohu alayhi vasallamning huzurlariga bir kishi kelib, «Ey Allohning Rasuli, men Madinaning bir chekkasida bir ayolni quchoqlab, jimodan boshqa hamma ishni qildim. Mana, huzuringizdaman, menga xohlagan hukmingizni chiqaring», dedi. Umar unga: «Alloh seni (aybingni) yashirgan ekan, sen ham o‘zingni yashirsang bo‘lardi», dedi. Nabiy sollallohu alayhi vasallam unga javob bermadilar. U kishi turib, chiqib ketdi. Nabiy sollallohu alayhi vasallam uning ortidan odam yuborib, chaqirtirib keldilar va unga ushbu oyatni o‘qidilar: «Kunduzning ikki tarafida va kechaning bir bo‘lagida namozni to‘kis ado qil! Albatta, yaxshiliklar yomonliklarni ketkazadi. Bu esa eslovchilarga eslatmadir». (Hud:114) Qavmdan bir kishi: «Bu faqat unga xosmi, ey Allohning Nabiysi?» degan edi, u zot: «Yo‘q, barcha odamlarga», dedilar» (Sahihi Muslim, 2763).

Alloh bilguvchiroqdir.

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

1

O’xshash fatvolar

  • Ayolning oshig‘i uni dinni qabul qilishdan to’sdi

    Bir g‘ayridin ayol g‘ayridin erkak bilan munosabatda bo‘lgan. U yigitining unga yaxshi munosabatda bo‘lmayotgani uchun uni tark etib, musulmon erkak bilan munosabatda bo’lishga qaror qildi. U musulmon erkakka, ya’ni menga turmushga chiqmoqchi ekanini bildirdi. Ayolning g‘ayridin yigitni endi sevmasligi va u bilan qolishni istamasligi haqidagi gapiga asoslanib, men uni qabul qilishga rozi bo‘ldim. Chunki ayol sobiq yigiti bilan zino qilganiga qaramay, Islomni qabul qilishga ahd qilgan edi. Zero, Alloh taolo insonning Islomga kirgunicha qilgan barcha gunohlarini kechiradi. Shundan so‘ng, ayolning sobiq yigiti uning men bilan turmush qurishini bilgach, uni ketmaslikka ko‘ndirdi va ayol fikrini o‘zgartirdi. Shundan soʻng, men butunlay tushkunlikka tushib qoldim. Chunki men uni qanday bo‘lsa shundayligicha qabul qilishga tayyor edim, u Islomni qabul qilmoqchi edi, ammo keyin va’dasidan qaytdi. Bu masalaga qanday yondashishim kerak? Bundan tashqari, uning yigiti boshqa qizlar bilan vaqt o‘tkazayotganini sezganimda (ular bilan jinsiy aloqada bo‘lganiga ishonchim komil emas), garchi menda hech qanday dalil bo‘lmasa-da, qizni yana unga qaytishga qaror qilganidan afsuslandim va uni toʻgʻrilashga harakat qildim. Bu holat meni ruhiy jihatdan qiynadi. Qizni bu dunyoda baxtli hayot kechirsa-da, oxirat azobi haqida ogohlantirib, uni bu yoʻldan qaytarishim toʻgʻrimi? Alloh sizga rahm qilsin va sizga bu dunyoda hamda oxiratda baraka bersin

  • Erkak va ayollarning aralashib yurishi haromligining dalillari

    Men va turmush o‘rtog‘im arab tili darslariga qatnashmoqchimiz. Lekin sinflar aralash (erkak-ayol birga o‘qiydi). Biz erkak va ayollar aralashib yurishi (bir joyda aralashib ishlashi, o‘qishi) joiz emasligini bilamiz. Aralashib yurish o‘zi nima, uning hukmi qanday? Dalillar bilan javob bersangiz.Qo‘shimcha tafsilotlar: Sinfda 10 nafar talaba bor, ularning aksariyati ayollar. Men va turmush o‘rtog‘im shu sinfda bo‘ladigan darslarda qatnashsak bo‘ladimi? Ular orasida gʻayridinlar ham bor.

  • Muhabbatning turlari va hukmlari

    Biz musulmonlar jamoasi bir suhbatda Islomdagi «muhabbat» tushunchasini aniqlashga harakat qildik. Garchi barchamiz Alloh subhanahu va taoloni sevish zarurligini va Uni, U Zotning paygʻambarlari, elchilarini sevish majburiyatimizni toʻliq anglasak-da, insonlar oʻrtasidagi muhabbatning aniq taʼrifi bormi (masalan, nasroniylarning «birodarlik muhabbati»ga oʻxshash, romantik maʼnoda emas) degan savol tugʻildi. Baʼzilar «muhabbat» faqat oila doirasida boʻladi, qolgan barchasi faqat hurmat, doʻstlik va shu kabilardir, deyishdi. Boshqalar esa muhabbat faqat er-xotin va farzandlar bilan cheklanganmi deb soʻrashdi. Yana boshqalar esa muhabbat shartli boʻlishi mumkinmi yoki yoʻqmi deb soʻrashdi. Bir fikrga koʻra, «muhabbat» (odatda ishlatiladigan maʼnoda) hatto ertaklar va nasroniy falsafasiga asoslangan bir turdagi «bidʼat» boʻlishi mumkin. Koʻpchiligimiz javob topish uchun turli manbalarni izlab koʻrdik, lekin hozirgacha aniq javob topa olmadik. Bizga yordam bera olasizmi?