O'qildi: 52
Noyabr 22, 2025
/ 1 Jumadal-oxira 1447
Fatvo mavzusi: Zino va bachchabozlik
Savol
Agar islomni qabul qilishimdan oldin bir arab erkakdan farzand ko‘rganman. So‘ng bola tug‘ilganidan bir necha yil o‘tgach islomni qabul qildim. Hozir musulmon er izlayabman, ammo bu bola bilan nima qilishim kerakligini bilmayabman. Unga chin otasi haqida nimani aytishim lozim? Boshqalarga nima deyishim kerak? Farzandga otasi to‘g‘risida xabar berish yoki odamlarga bolaning kelib chiqishi haqidagi haqiqatni aytishim shartmi?
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Zino ilohiy qonunlarda taqiqlangan, jirkanch amal hisoblanadi va musulmon bo‘lmasa ham, sog‘lom fikrli har bir inson tomonidan rad etiladi. Alloh taolo ko‘plab oyat va nabaviy hadisi shariflarda bu ishga qoʻl uruvchilar qoralangan. Bunday kishilarni Alloh dunyo va oxiratda qattiq azob hamda sharmandalikka duchor qilishini va’da qilgan, faqat tavba qilib, imon keltirib, solih amallar qilganlar bundan mustasno.
Chunki Alloh azza va jalla ularning tavbasini qabul qiladi. Tavba eshigi ochiqdir va tavbaning sharti gunohdan voz kechish va pushaymon bo‘lishdir. Islom o‘zidan oldingi gunohlarni o‘chiradi va kechiradi.
Farzandga kelsak, zinodan tug‘ilgan bola onasiga tegishli bo‘lib, otasiga nisbat berilmaydi. Zinodan boʻlgan farzandning hukmi shunday – u nikohdan emas, zinodan bo‘lgani uchun otaga nisbat berilmaydi. Bu bolani parvarish qilish va islomiy axloq asosida tarbiyalash vojibdir.
Fahsh ish sodir etilgan bo‘lsa, tavba qilish, uni yashirish va oshkor qilmaslik lozimdir. Odamlarga haqiqatni aytish shart emas. Agar bola haqiqatni bilishni talab qilsa, unga to‘g‘ri ma’lumot berish mumkin. Bolaga ushbu gunoh ish kofirlik paytida sodir boʻlgani, Islom oʻzidan oldingi gunohlarni o‘chirishi, tavba sababli Alloh oldingi gunohlarni kechirishi, sodir bo‘lgan voqea uchun bolaning hech qanday mas’uliyati yo‘qligi, ona Islomni qabul qilgani uchun uni ayblash yoki jazolashga yo‘l yo‘qligi, taqdir va qismatga rozi bo‘lish kerakligi, agar farzand solih amallar qilsa jannatga kirishi va hech kim boshqaning gunohini o‘z zimmasiga olmasligi bayon qilinadi.
Allohdan ofiyat va mag‘firat so‘raymiz. Alloh Payg‘ambarimiz Muhammad Mustafoga salavot va salomlar yo‘llasin.
Bu javob foydali bo’ldimi?