Mavzular

Yangi fatvolar

Maqolalar

Kitoblar

Saqlanganlar

Murakkab qidiruv

Loyiha haqida

Fikr bildiring

Bosh sahifa » Fiqh asoslari » Fiqh » Urf-odatlar » Kiyim-kechak, taqinchoqlar va rasmlar » Bezaklar » Erkaklarning taqinchoq taqishi hukmi
0 – 0
Fatvo: 1980

O'qildi: 38

Noyabr 14, 2025

/ 23 Jumadal-ula 1447

Fatvo mavzusi:

Erkaklarning taqinchoq taqishi hukmi

Savol

Erkaklar zanjir, bilakuzuk yoki zirak taqishlari joizmi? Ba’zi odamlar johiliyat davrida Quraysh qabilasi shunday qilganlari uchun bu ishni joizligini aytishmoqda.

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Birinchidan: Zanjir, sirg‘a va bilaguzuklar ayollarning ziynatidir.

عَنِ ابْنِ عَبَّاسٍ ﵄ قَالَ: «لَعَنَ رَسُولُ اللهِ ﷺ الْمُتَشَبِّهِينَ مِنَ الرِّجَالِ بِالنِّسَاءِ، وَالْمُتَشَبِّهَاتِ مِنَ النِّسَاءِ بِالرِّجَالِ» تَابَعَهُ عَمْرٌو أَخْبَرَنَا شُعْبَةُ.

Ibn Abbos roziyallohu anhumodan rivoyat qilinadi: «Rasululloh sollallohu alayhi vasallam xotinchalish erkaklarni va erkaknusxa xotinlarni la’natladilar» (Sahihi Buxoriy, 5885).

عَنْ أَبِي هُرَيْرَةَ، قَالَ: «لَعَنَ رَسُولُ اللَّهِ صَلَّى اللهُ عَلَيْهِ وَسَلَّمَ الرَّجُلَ يَلْبَسُ لِبْسَةَ الْمَرْأَةِ، وَالْمَرْأَةَ تَلْبَسُ لِبْسَةَ الرَّجُلِ».

Abu Hurayra roziyallohu anhudan rivoyat qilinadi: «Rasululloh sollohu alayhi vasallam ayollar libosini kiygan erkakni va erkaklar libosini kiygan ayolni la’natlaganlar» (Abu Dovud, 4098; Hadis hukmi: «sahih». Manba: «Sahihul Jome’», 5095).

Shunga ko‘ra, erkak kishining qulog‘iga yoki burniga zanjir va sirg‘a taqishi joiz emas.

Bu amalni joiz deb hisoblaydiganlar va Quraysh qabilasi shunday qilgan deb ta’kidlovchilar, avvalo, buni isbotlashlari lozim – qani ularning dalillari?

Ikkinchidan: Agar ular johiliyat davrida shunday qilgan bo‘lsa-yu, keyin Islom kelib, yuqoridagi hadislarda aytilganidek, erkaklarga ayollarning taqinchoqlarini taqishni va ularga taqlid qilishni man etgan bo‘lsa, Quraysh yoki boshqalarning odatlariga emas, balki shariat keltirgan hukmga amal qilish kerak.

Uchinchidan: Quraysh va boshqalar orasida mashhur bo‘lgan ayollar taqinchoqlari – quloqqa taqiladigan sirg‘alar, bilakka taqiladigan bilaguzuklar, to‘piqqa taqiladigan xalxallar, yelkaga taqiladigan bezaklar – qadimdan ayollarning ziynati bo‘lib kelgan.

To‘rtinchidan: Shariat erkaklarga zeb-ziynat sifatida kumush uzuk taqishga ruxsat beradi.

عَنِ ابْنِ عُمَرَ ﵄: «أَنَّ رَسُولَ اللهِ ﷺ اتَّخَذَ خَاتَمًا مِنْ ذَهَبٍ أَوْ فِضَّةٍ، وَجَعَلَ فَصَّهُ مِمَّا يَلِي كَفَّهُ، وَنَقَشَ فِيهِ مُحَمَّدٌ رَسُولُ اللهِ، فَاتَّخَذَ النَّاسُ مِثْلَهُ، فَلَمَّا رَآهُمْ قَدِ اتَّخَذُوهَا رَمَى بِهِ وَقَالَ: لَا أَلْبَسُهُ أَبَدًا، ثُمَّ اتَّخَذَ خَاتَمًا مِنْ فِضَّةٍ، فَاتَّخَذَ النَّاسُ خَوَاتِيمَ الْفِضَّةِ، قَالَ ابْنُ عُمَرَ: فَلَبِسَ الْخَاتَمَ بَعْدَ النَّبِيِّ ﷺ أَبُو بَكْرٍ، ثُمَّ عُمَرُ، ثُمَّ عُثْمَانُ، حَتَّى وَقَعَ مِنْ عُثْمَانَ فِي بِئْرِ أَرِيسَ».

Ibn Umar roziyallohu anhumodan rivoyat qilinadi: «Rasululloh sollallohu alayhi vasallam tilladan [yoki kumushdan] uzuk qilib oldilar. Ko‘zini kaftlariga qaratib oldilar. Unga «Muhammadun Rasululloh» deb naqsh soldirdilar. Odamlar ham shunday (uzuk) qilib olishdi. U zot ularning ham (tilla uzuk) qilib olganini ko‘rgach, uni otib yubordilar va: «Buni hech qachon taqmayman!» dedilar. Keyin kumushdan uzuk qilib oldilar. Odamlar ham kumushdan uzuk qilib olishdi. Uzukni Nabiy sollallohu alayhi vasallamdan keyin Abu Bakr, keyin Umar, keyin Usmon taqdi. Nihoyat, Usmon(ning qo‘li)dan Aris qudug‘iga tushib ketdi» (Sahihi Buxoriy, 5866).

Shariat zarurat holatida erkaklarga tish va burun almashtirishda oltin va kumushdan foydalanishga ham ruxsat bergan.

Beshinchidan: Zanjir taqadigan musulmonlar bu odatda kofirlarga taqlid qilmoqdalar. Buning sababi, hozirgi kunda kofirlar orasida bu odat keng tarqalib, modaga aylanib ketgan. Ular bu zanjirlarni quloq, burun, lab, yuz va boshqa yuz qismlariga hamda tananing turli joylariga taqib yurishni odat qilishgan.

عَنِ ابْنِ عُمَرَ، قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «مَنْ تَشَبَّهَ بِقَوْمٍ فَهُوَ مِنْهُمْ».

Ibn Umar roziyallohu anhumodan rivoyat qilinadi: «Rasululloh sollallohu alayhi vasallam: «Kim o‘zini bir qavmga o‘xshatsa, u o‘shalardandir», dedilar» (Abu Dovud, 4031; Hadis hukmi: «sahih». Manba: «Sahihul Jome’», 6149).

Shuning uchun bunday qilgan kishilar Allohga tavba qilishlari, botil ila munozara qilishdan o‘zlarini tiyishlari hamda xatti-harakatlari va kiyinishlarida, shariat ko‘rsatmalariga muvofiq, o‘zlarini kofirlardan ajratib turishlari lozim

Alloh to‘g‘ri yo‘lga hidoyat qiluvchidir.

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

1

O’xshash fatvolar

  • Qoshni terish va tekislash joizmi?

    Ba’zi ayollar qoshlarini shakllantirish uchun sartaroshlarga boradi, sartarosh esa ularning qosh sochlarining bir qismini qirqadi yoki qiradi. Buning hukmi qanday?

  • Spirtli atirlar harommi?

    Tarkibida odekolon yoki spirt bo‘lgan atirlarni ishlatishning hukmi qanday?

  • Tanaga tatuirovka chizish haj amallariga toʻsqinlik qiladimi?

    Tanaga tatuirovka chizishning hukmi qanday? Tatuirovkasi bor kishi haj farzini ado etmoqchi bo‘lsa, bu unga to‘sqinlik qiladimi?

  • Sochni boʻyash va silliqlashtirish

    Ba’zi odamlarning soch rangini qora yoki qizilga o‘zgartirish uchun moddalar ishlatganini, shuningdek, jingalak sochlarni tekislash uchun boshqa vositalardan foydalanganini ko‘rganman. Bu ruxsat etilganmi va bu masalada yoshlar ham kattalar bilan bir xil hukmga egami?

  • Ayollar sochini qisqartirish

    Ayollarning zaruratdan sochini qisqartirishining hukmi qanday? Masalan, Britaniyada ayollar sovuq havoda qalin sochlarini yuvishda qiynalishgani sababli sochlarini qisqartiradilar.

  • Kasallik sababli soch kesish

    Xotinim sochlarining haddan ziyod to‘kilishidan shikoyat qilmoqda va unga sochini kesish bu holatni kamaytirishini aytishgan. Buni qilish joizmi?