O'qildi: 49
Noyabr 13, 2025
/ 22 Jumadal-ula 1447
Fatvo mavzusi: Jazolar va ehtiyot choralari » Tibbiyot va davolanish
Savol
Agar homilada (taxminan beshinchi oyning o‘rtalarida) nuqsonlar , bolaning bosh suyagining yuqori qismida muammo borligi anisqlansa va shifokorlar abort qilishni qattiq tavsiya etsalar, bunday holatda musulmon er-xotin qanday yoʻl tutishi kerak? Chunki bunday nuqsonlar bilan tug‘ilgan bola eng uzog‘i 21 kun yashashi mumkin va bunday homiladorlikning aksariyati homiladorlikning oxirgi va eng xavfli davrida o‘z-o‘zidan tushib ketishi mumkin. Ayniqsa, ikki musulmon olimdan bu haqda so‘ralganda, har biri turlicha javoblar bergan, ya’ni biri abortni maslahat bergan, boshqasi esa homiladorlikni davom ettirishni tavsiya qilgan. Er-xotin endi iloji boricha tezroq qaror qabul qilishi kerak. Bu masalada shariat hukmi qanday?
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Agar homila to‘rt oyni to‘ldirgan bo‘lsa, unga ruh puflangan bo‘ladi. Bu muddatdan soʻng uni ataylab tushirish tirik jonni o‘ldirish va ruhni chiqarish hisoblanadi. Bu katta gunohlardan biridir. Shifokorlarning homilada nuqsonlar bor deyishi oʻz farzandini o‘ldirishni mutlaqo oqlab bera olmaydi.
Agar homila o‘z-o‘zidan tushib ketsa yoki tirik tug‘ilib, keyin vafot etsa, ota-ona uning yo‘qotilishi musibatiga sabr qilganlari uchun ajr oladilar. Agar bola yashab qolsa va unda nuqsonlar bo‘lsa, ota-ona sabr qilganlari va uni boqqanlari uchun ajr oladilar.
Mo‘min kishiga qanday sinov kelmasin, barchasi uning uchun yaxshilikdir. Biroq, homilaning ruhini chiqarishda (o‘ldirishda) faqatgina yomonlik va gunoh mavjud. Bundan tashqari, shifokorlarning tashxisida xatoliklar yoki homila holatida o‘zgarishlar yuz berishi ehtimoli ham bor.
Alloh bilguvchiroqdir.
Bu javob foydali bo’ldimi?