O'qildi: 477
06.11.2025
/ 15 Jumadal-ula 1447
Fatvo mavzusi: Gʻayridinlarni Islomga chaqirish
Savol
Men anchadan beri Islomni o‘rganib, amal qilib kelaman va uni rasman qabul qilishni xohlayman, ammo jiddiy qiyinchiliklarga duch kelmoqdaman. Turmush o‘rtog‘im bilan uzoq vaqtdan beri oilaviy muammolarni boshdan kechiryapmiz. Hozirda ahvolimiz yaxshilangan bo‘lsa-da, bu holat uzoq davom etishiga ishonchim komil emas, chunki erim tez-tez g‘azablanadi va juda asabiy. Advokatimiz maslahatidan so‘ng, ajrashish haqida jiddiy o‘ylay boshladim. Muammo shundaki, men endi uni sevmayman. Buning ustiga, u menga Islomni qabul qilishimga yo‘l qo‘ymasligini, o‘zi ham qabul qilmasligini va men musulmon bo‘lgandan ko‘ra ajrashishni afzal ko‘rishini aytdi. Yana bir muammo – ikki qizim hind maktabida o‘qiydi. Men Islomga kirganimdan so‘ng, ular borasida shariatning hukmi qanday bo‘ladi? Yaqinda bir musulmon yigit bilan tanishdim. U meni yaxshi ko‘radi, men ham uni juda sevib qoldim. U menga ikki marta uylanishni taklif qildi. Biz o‘rtamizda hech qanday jismoniy aloqa yo‘q va buni xayolimga ham keltirmaganman. U qizlarimni ham qabul qilishga tayyor, agar ular ham Islomni qabul qilishsa. Yigit yil oxirigacha kutishini aytdi, chunki boshqa ayollar bilan ham turmush qurishi mumkin ekan, lekin ulardan ko‘ra meni afzal ko‘rar ekan. Ko‘p masalalarda qat’iy qarorlar qabul qilishim kerak. Shu bilan birga, oilamizni saqlab qolishga urinayotgan erim uchun o‘zimni aybdor his qilyapman va unga achinaman. Ammo, afsuski, din oramizda katta to‘siq bo‘lib turibdi.
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Modomiki ringiz sizni Islomga kirishdan man etsa, o‘zi ham qabul qilmasa, Islomdan ko‘ra ajralishni afzal ko‘rsa, va siz uni haq dinga ishontirishga qanchalik urinmang foyda bermasa, bu uning qalbida yaxshilik yo‘qligini bildiradi. Siz uni jahldor, asabiy va qo‘pol tabiatli, tuzalishi vaqtinchalik ekanligini va uni umuman sevmasligingizni aytmoqdasiz. Bu odam xalq tilidagi «na dini va na dunyosi bor», degan iboraga mos tushadi. Shunday ekan, u bilan qolishning nima ma’nosi bor?
Bu vaziyatda sizga maslahatim – darhol u bilan ajrashing va ikki qizingizni Islomga muvofiq tarbiyalash uchun ularning vasiyligini olishga harakat qiling. Bunday holatlarda Islom shariatining hukmi – ajralish vaqtida vasiylik er-xotindan musulmon bo‘lgan tarafga beriladi, chunki Islom ustun bo‘ladi va boshqa din Islomdan ustun sanalmaydi.
Ikkinchi masalaga kelsak, siz musulmon deb atayotgan bu odamga nisbatan, uning iffatli, fahsh va buzuqlikka berilmagan odam ekanligiga ishonch hosil qilishingiz va nikohdan oldin u bilan har qanday aloqadan saqlanishingiz kerak. Agar uning iffati va dinining durustligi isbotlansa, hozirgi eringiz bilan ajrashganingizdan so‘ng islomiy idda muddati tugaganidan keyin unga turmushga chiqishingizni maslahat beraman.
Allohdan sizga O‘z rahmati ila g‘amxo‘rlik qilishini, yaxshilikni oson qilishini, bu dinga kirishingizda yordam berishini va sizni kufrdan hamda uning ahlidan qutqarishini so‘raymiz. Fir’avnning mo‘mina xotini va uning kofir eri haqidagi qissani eslang. Alloh u haqda shunday degan:
«Alloh iymon keltirgan zotlar (va ular o‘zlari haqiqiy mo‘min bo‘lsalar, yaqin odamlarining kofir holda bo‘lishi ularga ziyon qilmasligi) haqida Fir’avnning ayolini misol keltirdi. O‘shanda (ya’ni, Fir’avn u ayolning Muso payg‘ambarga iymon keltirganini bilib qolgach, azoblagan chog‘ida) u: «Parvardigorim, O‘zing men uchun huzuringda — jannatda bir uy bino qilgin, menga Fir’avn va uning qilmishidan najot bergin va menga bu zolim qavmdan najot bergin», dedi» (Tahrim: 11). Payg‘ambarimiz Muhammadga Allohning salovoti bo‘lsin.
Bu javob foydali bo’ldimi?