Mavzular

Yangi fatvolar

Maqolalar

Kitoblar

Saqlanganlar

Murakkab qidiruv

Loyiha haqida

Fikr bildiring

Bosh sahifa » Fiqh asoslari » Fiqh » Urf-odatlar » Kiyim-kechak, taqinchoqlar va rasmlar » Bezaklar » Spirtli atirlar harommi?
0 – 0
Fatvo: 1365

O'qildi: 27

Sentabr 16, 2025

/ 24 Rabiul-avval 1447

Fatvo mavzusi:

Spirtli atirlar harommi?

Savol

Tarkibida odekolon yoki spirt bo‘lgan atirlarni ishlatishning hukmi qanday?

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Tarkibida odekolon yoki spirti boʻlgan atirlar alohida o‘rganilishi lozim. Agar spirt miqdori oz bo‘lsa, masalan 5% yoki undan kam bo‘lsa, ularni ishlatishda zarar yo‘q va odamlar bemalol foydalanishlari mumkin, chunki bu miqdor hech qanday ta’sir ko‘rsatmaydi.

Ammo spirt miqdori ta’sir qiladigan darajada yuqori bo‘lsa, zarurat bo‘lmasa ishlatmaslik kerak. Zarurat hollarida, masalan, yaralarni dezinfeksiya qilish kabi holatlarda ishlatish mumkin. Ammo ehtiyoj bo‘lmagan holatlarda ishlatmaslik afzal, lekin harom demaymiz.

Chunki bu yuqori darajadagi spirt miqdori mast qiluvchi modda hisoblanadi va shubhasiz, mast qiluvchi moddalarni iste’mol qilish Qur’on va ulamolarning ijmosiga ko‘ra haromdir. Lekin uni ichishdan boshqa maqsadlarda ishlatish mumkinmi? Bu yaxshilab oʻrganishni, tekshirishni talab qiladi. Ehtiyotli yondashuv – ishlatmaslikdir.

Bu masala tekshirishni talab qiladi deyishimning sababi, Alloh taolo shunday degan:

﴿يَا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلَامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ ۝٩٠ إِنَّمَا يُرِيدُ الشَّيْطَانُ أَنْ يُوقِعَ بَيْنَكُمُ الْعَدَاوَةَ وَالْبَغْضَاءَ فِي الْخَمْرِ وَالْمَيْسِرِ وَيَصُدَّكُمْ عَنْ ذِكْرِ اللَّهِ وَعَنِ الصَّلَاةِ ۖ فَهَلْ أَنْتُمْ مُنْتَهُونَ ۝٩١﴾

«Ey mo‘minlar, aroq (mast qiladigan ichkilik ichish), qimor (o‘ynash), butlar (ya’ni, ularga sig‘inish) va cho‘plar (ya’ni, cho‘plar bilan folbinlik qilish) shayton amalidan bo‘lgan harom ishdir. Bas, najot topishingiz uchun ularning har biridan chetlaningiz! Ichkilik, qimor sababli shayton o‘rtalaringizga bug‘zu adovat solishni hamda sizlarni Allohni zikr qilishdan va namoz o‘qishdan to‘sishni istaydi, xolos! Endi to‘xtarsizlar!» (Moida: 90-91).

Agar Allohning «chetlaningiz» so‘zining umumiy deb qarasak, hukmi ham umumiy qilib, spirtdan har qanday holatda – ichish, tanaga surtish yoki boshqa maqsadlarda foydalanishdan chetlanish kerak deymiz.

Ammo agar sababga qarasak:

﴿ إِنَّمَا يُرِيدُ الشَّيْطَانُ أَنْ يُوقِعَ بَيْنَكُمُ الْعَدَاوَةَ وَالْبَغْضَاءَ فِي الْخَمْرِ وَالْمَيْسِرِ وَيَصُدَّكُمْ عَنْ ذِكْرِ اللَّهِ وَعَنِ الصَّلَاةِ ۖ فَهَلْ أَنْتُمْ مُنْتَهُونَ ۝٩١﴾

«Ichkilik, qimor sababli shayton o‘rtalaringizga bug‘zu adovat solishni hamda sizlarni Allohni zikr qilishdan va namoz o‘qishdan to‘sishni istaydi, xolos! Endi to‘xtarsizlar?!» (Moida: 91).

Demak, oyatda taqiqlangan narsa – spirtni va spirtli ichimliklarni ichish, xolos. Chunki shunchaki tanaga surtish ushbu oqibatlarga olib kelmaydi.

Xulosa shuki: agar atirdagi spirt miqdori oz bo‘lsa, uni ishlatishda muammo yo‘q va bu borada xavotirlanishga o‘rin yo‘q. Agar spirt miqdori yuqori bo‘lsa, zarurat bo‘lmasa ishlatmaslik ma’qul. Zarurat hollari esa jarohatni dezinfeksiya qilish kabi holatlardir.

Manba: Liqo’ al-bab al-maftuh, 240.

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

0

O’xshash fatvolar

  • Tanaga tatuirovka chizish haj amallariga toʻsqinlik qiladimi?

    Tanaga tatuirovka chizishning hukmi qanday? Tatuirovkasi bor kishi haj farzini ado etmoqchi bo‘lsa, bu unga to‘sqinlik qiladimi?

  • Sochni boʻyash va silliqlashtirish

    Ba’zi odamlarning soch rangini qora yoki qizilga o‘zgartirish uchun moddalar ishlatganini, shuningdek, jingalak sochlarni tekislash uchun boshqa vositalardan foydalanganini ko‘rganman. Bu ruxsat etilganmi va bu masalada yoshlar ham kattalar bilan bir xil hukmga egami?

  • Ayollar sochini qisqartirish

    Ayollarning zaruratdan sochini qisqartirishining hukmi qanday? Masalan, Britaniyada ayollar sovuq havoda qalin sochlarini yuvishda qiynalishgani sababli sochlarini qisqartiradilar.

  • Kasallik sababli soch kesish

    Xotinim sochlarining haddan ziyod to‘kilishidan shikoyat qilmoqda va unga sochini kesish bu holatni kamaytirishini aytishgan. Buni qilish joizmi?

  • Birovning soqolini olish hukmi

    Men musulmonman, soqol qo‘yganman, erkaklar sartaroshxonasining egasiman, bu mening kasbim. Ushbu kasbda mijozlarimning soqolini olaman va sochlarini to‘g‘rilash uchun fen ishlataman. Buning hukmi nima?

  • Soqolni qirish hukmi

    Soqolni oldirish yoki qisqartirishning hukmi qanday?