Shirk e’tiqodlar yoki g‘aybdan xabar berishga asoslangan filmlarni ko‘rish hukmi

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Shirk va uning g‘oyalarini targ‘ib qiluvchi bunday filmlarni ko‘rish joiz emas, chunki ularni ko‘rish va eshitish musulmonning qalbiga katta xavf tug‘diradi. Rasululloh sollallohu alayhi va sallam Umar ibn Xattob roziyallohu anhuning qo‘llarida Tavrotning bir parchasini ko‘rganlarida g‘azablanib, uni yo‘q qilishni buyurganlar.

Ko‘pchilik musulmonlar bu filmlardagi zalolatni aniqlash va anglash uchun yetarli himoyaga yoki zarur bilim darajasiga ega emaslar. Bunday filmlarni ko‘rish natijasida ba’zi tomoshabinlarning qalblariga ularning iymonlarini buzadigan va e’tiqodlarini larzaga soladigan shubhalar ilashib qolishi mumkin. Hatto ba’zilari botil e’tiqodlarga ishonib qolishi va buning oqibatida qalblariga yovuz zahar singib borishi mumkin. Bunga qo‘shimcha ravishda, bu filmlarda ayollar tasviri, musiqa va shunga o‘xshash harom narsalar ham uchraydi.

So‘nggi paytlarda Tavrot va Injildagi buzilgan e’tiqodlarni yoki dajjollar va sehrgarlarning yolg‘on bashoratlarini aks ettiruvchi filmlar paydo bo‘lib, Gʻarb davlatlarida keng tarqalganligi sezilmoqda. Bunga sabab, u yerlarda ruhiy bo‘shliq va to‘g‘ri dinning yo‘qligi natijasida paydo bo‘lgan ma’naviy bo‘shliqdir. Gʻarb yurtlaridagi ba’zi musulmonlar ham atrofdagi muhitning ta’siriga tushib, bu filmlarni kuzatib borishmoqda.

Bunga sabab, u yerlarda ruhiy bo‘shliq va to‘g‘ri dinning yo‘qligi natijasida paydo bo‘lgan ma’naviy bo‘shliqdir. Gʻarb yurtlaridagi ba’zi musulmonlar ham atrofdagi muhitning ta’siriga tushib, bu filmlarni kuzatib borishmoqda.

«Albatta quloq, ko‘z, dil — bularning barchasi to‘g‘risida (har bir inson) mas’ul bo‘lur (ya’ni, eshitgan, ko‘rgan, ishongan har bir narsasi uchun kishi Qiyomat Kunida javob beradi)» (Isro: 36).

Agar o‘yin-kulgi va ko‘ngilxushlik istasalar, halol narsa bilan cheklansinlar.

Alloh to‘g‘ri yo‘lga hidoyat qilguvchidir.