Fatvo mavzusi: Fiqh » Fiqh asoslari » Fitrat sunnatlari » Gʻayridinlarni Islomga chaqirish » Ibodatlar » Poklanish bobi

Xatna muammosi kishini musulmon bo‘lishiga to‘sqinlik qilmasligi lozim

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Avvalo, bu savol bilan murojaat qilganingiz uchun sizga rahmat. Chunki xatna qilish masalasi, islom diniga kirmoqchi bo‘lganlar uchun ayrim holatlarda to‘siq bo‘lib qolayotgani bor gap.

Holbuki, bu masala ko‘pchilik o‘ylaganidan ko‘ra ancha yengildir. Xatna – islom shiorlari-belgilaridan bo‘lib, fitratga ham muvofiqdir, shuningdek, Ibrohim alayhissalom millati alomati hamdir. Alloh taolo marhamat qiladi:

«So‘ngra, Biz senga (ey Muhammad) haqqa moyil bo‘lgan holingda Ibrohim millatiga ergash, deb vahiy qildik…» (Nahl surasi, 123-oyat).

Nabiy sollallohu alayhi vasallam aytdilar:

«Ibrohim alayhissalom sakson yoshlarida xatna qildilar».
(Imom Buxoriy rivoyati, 6/388).

Shu sababdan, aslida xatna qilish, agar shunga qodir bo‘lsa, musulmon erkak uchun vojibdir. Ammo, xatna qildirsa joniga talafot yetishidan qo‘rqsa yoki qon ketib, kishining o‘limiga olib borishi mumkinligi to‘g‘risida ishonchli shifokor aytgan bo‘lsa, u holda xatna qilish bunday insondan soqit bo‘ladi va xatna qilmagani uchun u gunohkor bo‘lmaydi.

Hech bir holatda xatna qilish masalasi insonning dinga kirishiga to‘siq bo‘lmasligi lozim. Chunki islomga kirish, aslida, xatnaga bog‘liq emas. Kishi xatna qilinmagan holda ham islomni qabul qilishi mumkin.

Ayollarning xatna qilinishi masalasiga kelsak, bu savolga javobni (427) raqamli savolda topasiz.

Alloh sizga barcha yaxshiliklarga tavfiq bersin, har qanday yomonlikdan saqlasin. Payg‘ambarimiz Muhammadga salot-u salomlar bo‘lsin.

Allohdan sizga har bir yaxshilikda muvaffaqiyat berishini va har qanday yomonlikdan asrashini so‘rayman. Vassalomu alaykum va rahmatullohi va barakatuhu.